暖D.. 吃平D..

大台節目一出... 師奶們話, 魚翅瓜賣斷市... 冇貨... 因為肥媽早一晚教煲魚翅瓜湯...

又一晚, 肥媽教煲杏汁豬肺湯... 妹仔睇完, 話: 我地又煲豬肺湯, 我去幫豬肺啤水..

於是, 我同老媽子講,妹仔要幫豬肺啤水喎... 老媽子馬上答: 千祈唔好, 搞完做餐懵呀!

不過, 當妹仔親自要求, 老媽子就馬上答應: 好! 你做啤水.. 好呀!

真係待遇不同!!  (不過, 我都相信, 妹仔整完, 我都係要做餐懵!!)

Anyway, 基本上, 我要教妹仔啤水... (這工作, 我十幾歲就做, 而且, 我個(真)亞婆都讚我做得好.. )

我都要拭目以待, 睇下大小姐興緻勃勃, 會搞成什麼模樣..

還有, 妹仔雖然已經停止學琴, 但仍然要練習, 因為答應了為別人在音樂節中伴奏... 佢依然未掂, 我又要催迫佢... 真麻煩!

Gluten Intolerance

我以前對GLUTEN沒有太大認識, 還笑稱這世界什麼敏感都有... 不過, 因為更年期, 自己都變成Gluten Intolerance.. (麵筋或麩質不耐症)... 我不用GLUTEN allergy, 因為若是敏感, 病症會嚴重得多...

我的主要症狀... 就是吃了某一份量的GLUTEN, 就會有嚴重的小腸脹氣, 胃氣可以嘔出來, 大腸脹氣可以放出來... 但是我的脹氣, 沒法排出, 所以, 上腹會極痛, 被脹爆一樣... 我到WEB上搜尋, 其他人的病症, 會包括腹瀉... 我都有便溏的現象, 但會在嚴重腹痛之後...

其實, 因為腹痛, 十一月已經做過胃鏡, 腸鏡, 超聲波, 醫生說, 一點毛病都沒有, 連幽門螺旋菌都沒有... 只是, 醫生說, 有些人到更年期, 就會對某類食物敏感... (慘!!)

於是, 上星前去台灣旅行, 就開始戒掉GLUTEN... 即所有麥製品, 基本上, 麵包店不能去, 意大利菜不能吃...  西餐廳也是少去為妙.. 中菜裡, 麵類不能吃, 包子餃子也盡量不吃... 還有啤酒不能飲... (如果吃亞洲食物, 還是大部份可以進食... 所以, 以後, 唯有只去中日韓菜館了.. )

終於, 要跟我最愛的食物SAY GOODBYE... 

戒了GLUTEN, 我的腸胃病果然消失了...

老人家曾經講過, 做人只可以吃半世...  現在應驗在自己身上... 所以, ENJOY as if tomorrow you can eat/play/see/hear no more... 享受和珍惜... 如同不能再擁有一樣!!

PS: 老媽子對我的問題不服氣, 常常說, 吃一點沒問題... 遲一下就食得... 其實, 沒有食不得, 只是, 我不知道自己能吃多少, 究竟到那一份量會出事... 無謂吃完, 又要去睇醫生...

合格了...

因為吃錯東西, 由星期二晚辛苦病到今日... 唯一值得高興, 就係終於收到TRINITY的LTCL成績..

終於合格... 62分... PHEWWW... 妹仔高興到不得了... 開心到癲... 佢猛話, 以為今次只得50分, 因為彈錯很多段... 結果竟然合格... PHEWWW..

前幾晚, 我發夢, 見老師問, 幾時返去學琴... 真係日有所思, 夜有所夢囉... 今日攞成績, 剛好係8星期... 所以, 其他同學都要等8星期了..

出左成績, 明天就可以開開心心去旅行了..

PS: 我發現我有極嚴重的腸胃敏感... 應該對GLUTEN, 因為星期二外出午飯, 吃了一碟類似薯蓉, 又唔係薯蓉的物質... 三小時後, 肚痛到典床典蓆, 痛左三個鐘頭, 跟住仲發燒, 得番半條命.. 今日郁得下, 不過仲係微燒...  (依家盡量休息, 明天要上機呀..)

上網一查, 原來, GLUTEN無處不在... 以後, 麵包鋪冇我份... 蛋糕冇份, 曲奇餅冇份.. 總之, 要戒, 否則, 一下發作, 可大可小... 小則痛幾分鐘.. 大則痛到發燒, 真係唔好玩!! 

在家溫習

下星期大考, 妹仔今日帶同學仔回家溫習BIOLOGY, 似乎這一科比較深, 所以, 大家都嚴陣以待..

我叫妹仔邀請上次測驗FAIL的老友, 可以互相扶持一下... 不過, 她今天沒有來, 因為同學仔媽媽擔心她出來玩, 不會溫習... 所以, 今天, 只有妹仔跟另一位成績差不多的在一起..

同學仔一到, 我被趕入房瞓覺....冇關係, 反正, 我正想瞓覺...

其實, 我唔知佢地係唔係溫書, 因為佢地笑得好大聲... 到同學仔離開, 我問妹仔, 溫得如何? 佢話, 自己再溫多一次就OK..

冇所謂啦... 我都唔知佢考乜...  以前, 我都一樣, 都係跟同學仔一齊溫書... 咁樣讀書, 比較有興趣... 

這一輩的後生

其實, 這一代跟三十年前出身的一代, 真是很不一樣... 我記得未畢業, 就搵工, 見工... 比較幸運的, 未考畢業試, 已經有聘書在手... 今天, 年輕人比較悠閒, 畢業一年多, 仍然很悠閒... 長輩話: 冇長工, 都做下PART TIME... 不過, 似乎, 都係望穿秋水, 依然要等下..

以為家境較好的後生, 才如此悠閒... 但事實是, 不論家境如何, 都差不多...

我的鐘點姨姨亦有感嘆... 亞仔畢業後有長工, 但開支甚大... 還幸他都有付家用... 不過, 姨姨話: 都應該係月光族... 冇儲蓄... 姨姨當初好想亞仔抽居屋, 上一期還攞表俾佢... 不過, 後生唔想, 所以冇抽... 這一期, 姨姨說: 都係唔好再叫佢抽, 計下計下, 抽到都係搵自己笨, 要攞一大舊錢出來... 如果佢供供下唔供, 自己又老又冇能力, 邊處搵錢去搞...  故此, 除非亞仔出聲要幫忙, 姨姨都係寧願唔出聲, 唔表態...  (姨姨都學精左咯!)

其實,是後生仔太幸福? 還是家長們大擔憂? 有時候,可能應該接受, 時代的巨輪在前進, 思想在變化... 還是讓他們自己決定吧!  反正, 逼都冇用!!

報名長笛考試...

已經報名4月考八級長笛.. 因為沒有再學琴, 今次考長笛要另聘伴奏.. 大概二月就要準備..

考完八級之後, 妹仔亦決定不再學了... 所以, 還有4個多月, 所有音樂班都會停止了..

隨之而來, 可能就是SAT的補習.. 這一方面, 妹仔要自己決定.. 到時, 我只負責付款...

妹仔上次BIOLOGY TEST, 成績都OK.. B+... 不過佢很多同學都FAIL, 只得D或F... 都唔知係佢地冇溫書, 抑或真係咁深... ANYWAY, 我叫妹仔勸同學仔, 如果BIOLOGY讀得不好, 就不要讀CHEMISTRY.. 讀其他科, 攞高D分好D.. CHEMISTRY只對理科生有用, 其他人根本用不著!!

共同日子

今日上網, 睇一個10公里賽的參賽資格... 分了很多參賽組別..

包括..  青少年組 (16-19歲)... 一直至先進組 (50-55歲)... 56歲後就不能報名了..

咦!! 我在想... 原來, 我想同妹仔一同參賽的機會不多喎... 等到佢16歲, 我已經52... 豈不是勉強只有三年一齊跑比賽... 

PS: 我沒有看所有比賽的參賽資格.. 只是其一...

又要選科..

這一段日子, 妹仔要為明年G10選科了... 她基本已經選定, 包括CHEMISTRY一科.. 不過, 妹仔說, 一班G10師兄師姐, 聞CHEMISTRY都怕怕... 一來學科深, 二來教得不太好..

妹仔說:  CNEMISTRY老師的教法, 是要求學生先在家看VIDEO, 先備課, 上課的時候, 就要做練習... 所以, 大部人都叫苦連天... 

雖然似乎難度很高, 妹仔依然選CHEMISTRY... 妹仔要求我說: 媽咪, 你先教識我, 我再去上課!!

OK... 冇問題!! 你聽得入耳就OK... 暑假自己親自操刀, 開CHEMISTRY補習班... 不過, 我用的教材, 只是一本百科全書...

妹仔答: 呀!! 咁咪好悶!!

我說: 係咁架啦!!

昨日, 妹仔有BIOLOGY TEST... 佢話: 另一班考得非常差... 大部人都只得C或D.. (未知妹仔考成點!!)

我話: 如果你連BIOLOGY都讀唔好, 你就千祈唔好選CHEMISTRY!!

不道德的廣告..

不道德的廣告.. 這個形容詞不是我先說的, 是一位老朋友先說... 初初都以為是什麼色情廣告.. 非也, 是那些財務公司廣告..

結完婚冇錢, 打電話借多D, 去買個FACIAL套餐...  爆左卡, 借個私人貸款, 買多兩件, 仲要一條裙買兩個顏色... 按左層樓, 一個轉身, 賺番夠本...  借錢唔方便出門, 有人送錢上門...  這些廣告真是害人不淺!!  比起那些賣淫廣告, 真是更不道德....

昨日, 某親友來電說, 要找律師, 因為妹妹欠債纍纍... 三十萬變二百多萬... 層樓仲要二按三按...

我都抓破頭皮... 搞乜!! 世上原來真有人, 自己跳入火坑....

老媽子立刻教訓妹仔:  做人千祈唔好貪威識食!!  千祈唔好有貪念!!  更加唔好貪便宜!! 有幾多用幾多就好了!!  我一生人最怕借錢, 你睇, 我一張卡都冇!!

希望妹仔聽得入腦..  一世人, 最重要是什麼知識技能, 不是彈琴游水, 而是理財!

自由日子

妹仔在享受她的自由日子.. 今天是感恩節假期, 她昨晚到同學家中SLEEP OVER, 今日一班人去海洋公園... 好了! 認真開心!  今晚回來, 就要開始讀書, 因為過兩星期就要考試..

過了聖誕, 妹仔將會恢復每星期兩次操水... 因為舊泳會有位, 可以回巢操一課, 另外, 又會去屋企附近的泳會, 加操一課... 這一次操水, 是妹仔主動要求, 與我無關..

這樣, 她每星期就有三次課外體育課, 即兩課操水, 加一課跑步班... 認真夠運動!!

為何如此積極?? 無他, 她的減肥大計是也!!

她的另一減肥大計, 當然是戒食致肥食品...

唉!  話說某日, 我買了一個酥皮的麵包, 放在家裡, 準備自己做早餐... 妹仔返家, 見麵包, 就吃了.. 這還不是問題... 最慘是, 吃了, 還要鬧: 你下次不准買酥皮麵包!! 不准再買致肥麵包!! 

得到什麼?

最近聽到一位小朋友的狀況, 心裡有點感嘆...

小朋友是妹仔的幼稚園同學, 離開幼稚園後, 妹仔入讀現在的國際學校, 小朋友的家長像很多目標為本的家長一樣, 要求小朋友訓練某球類運動, 希望藉此入名校, 後來, 因為小朋友未能進佔該運動的前茅, 改為要求他苦練大提琴, 還高薪聘請名師教導... 終於如願, 入讀九龍某名校.

但在小學階段, 家長的教導已經出現問題, 並非全因為他們逼小朋友強攻課外活動... 而是, 他們顧此失彼, 疏於他的課業學習, (更甚者, 可能疏於培養品格, 和建立關係)... 小朋友的功課, PROJECT, 家長反而代工... (大概因為小朋友已經無暇兼顧... )

現在, 小朋友升上中三.. 問題浮現... 提琴可能並非他真正的興趣, 亦非他真有過人的天份, 故此, 只是不過不失, 不過如此..... 對於課堂功課, 他全然沒有興趣, 幾近完全放棄... 小朋友只顧每日打遊戲機, 父母嚴厲管治, 男孩子就以各種方法反抗, 幾近關係破裂, 家長亦無能為力...  (可能, 小朋友無法從任何學習上, 找到任何滿足... 亦懶於理會自己的前途..)

從來, 都是依父母的旨意行事...  為你們打球, 為你們拉琴, 為你們入名校...  真是可悲!

今天, 很多家長都以入名校為目標, 但最後會得到什麼, 真是要三思!

如今, 回看妹仔的狀況, 我都甚感安慰, 亦非常感恩... 妹仔對我說: 下星期開始, 要閉關苦讀, 因為十二月的大考將至..  (能自動自覺, 就夠了.. 千祈不要為我讀書, 讀書是為自己的... 將來的選擇, 都是為自己做的... 我們這一幫老人家, 只可以講幾句, 分析幾句... 最終都是自己去經歷..)

PS: 今年十二月中, 是妹仔人生中第一次大考... 因為過去小學至初中, 學校都沒有考試, 只有平日測驗... 所以, 妹仔終於嘗試到考試的滋味了!   

關於牛奶

帶妹仔去見營養師, (因為保險送PACKAGE)... 基本上, 營養師覺得妹仔的餐單沒有大問題.

唯一有幾點值得一提... 妹仔每天都喝無糖杏仁奶, 不過, 營養師覺得, 杏仁奶缺乏蛋白質, 而且屬高升糖飲品, 故此, 建議妹仔改飲加鈣豆奶... 而妹仔早餐只有水果, 杏仁奶和半片麵包, 蛋白質太少, 建議加一隻蛋或少許肉, 因為只得碳水化合物食物, 容易疲倦, 精神不足.

第二, 關於牛奶, 營養師見妹仔面上暗瘡,贊成妹仔戒掉所有奶類食物, 和含奶製品 (包括: 芝士, 雪糕, 忌廉... 當中, 連PIZZA, 白汁, 蛋糕等所有食物..).. 她說, 有很多報告, 都認為牛奶會影響皮膚和暗瘡... (我就對她說, 因為妹仔以前有鼻敏感, 戒奶後明顯好轉.. ) 營養師亦認為, 應該要戒奶, (而且要戒得徹底... 所以, 就要飲加鈣豆奶, 來補充鈣質..)

其實, 一向都沒有飲奶習慣, 不過, 從今之後, 就連最好味的食物都冇份了... 

投資

首先, 為法國恐襲遇難者致哀...

在恐襲前一日, 香港股市開始回吐...  我又部處投資, 這一次很謹慎, 因為是為妹仔做投資..

其實, 已經計劃了很久.. 上一次, 2萬零8百點, 沒有把握... 這一次, 還是分注投資吧..

終於, 今日為妹仔買了盈富基金.. 雖然仍有下跌風險, 不過, 摸底是高難度動作, 恐怕我的本領有限, 做不來....  

告訴妹仔, 1000股盈富基金, 每年有約800元利息... 妹仔覺得非常好.. 當然, 800元對於每月只有一千多元零用的妹仔來說, 已經是一個大數目...  (她還有一注本錢, 我會為她再買一千, 到時, 每年就有約1600元利息.. ) 目前來說, 我覺得港股的合理值約23000點至24000點.. 所以, 希望過2年, 有10%升值.. 那麼, 這次投資, 都算是不錯..

我亦告訴妹仔, 投資有風險, 股價可升可跌..

妹仔答謂, 無問題呀! 我咁後生, 大把時間, 等佢升番!

近期, 妹仔的收入甚可觀...  一來, 她替小朋友補習英文, 每月賺幾百, 二來, 她做忽必烈, 行蒙古人策略, 吞金滅宋...  零用錢收歸私有, 午餐就要由屋企提供... (即係由本人提供, 每天新鮮三文治.. ) 唉!!

有時, 妹仔感嘆一班朋友仔, 說: 佢地有D都幾慘, 屋企每月只給2百, 冇積蓄, 好可憐呀!!  (我估計, 妹仔是朋友中, 第一個賺錢, 亦係第一個投資的... )

鋼琴伴奏

妹仔答應了一位同學, 幫她在校際音樂節做鋼琴伴奏, 同學仔乃小提琴演奏級...

睇完份譜, 一點也不容易... 幸好這次是她自己接回來的JOB... 否則我一定被鬧死..

不過, 我都幾慘, 因為要提醒佢練琴... 無謂害人...

妹仔無所事事的日子

放低個琴, 妹仔真係無所事事...  琴行叫佢入樂團, 吹長笛, 佢唔肯... 一日就留家上網..

早一陣, 見家長, 老師叫佢睇多D書, 準備SAT...  叫佢去借書, 佢又唔去... 惟有我幫佢去LIB借, 借左返來, 都唔知佢有冇睇... 總之, 我依家變左黑白天鵝, 日日哦佢.. 冇辦法, 見得多就係咁!

以前D週末, 佢都要去練琴, 我就可以瞓下... 依家唔駛練琴, 就要去行街... 仲要我諗去邊度行... 香港有幾大, 真係好難諗喎..

以前要練琴, 一隻死狗咁... 依家生猛曬... 仲日日夜夜霸住部電腦, 攪到我冇得用...

我真係要重新適應下...

一齊訓練

同妹仔一齊去跟亞SIR學跑步... 

妹仔話: 媽咪! 我依家先知, 你真好差!!

何解?! 妹仔話: 你睇下... 人地鬆筋踢腳, 踢到頭咁高... 你就踢到腰... 人地做熱身, 跑1.2KM, 全人類跑完, 你都未返到!!

仲有, 人家5KM測時... 我就只跑3KM...

嘻! 就係因為我咁差, 我先去學丫嘛!

雖然全場都係俾妹仔鬧,  不過, 大家一齊去學跑, 都有益處.. 除左相處時間之外, 起碼返到屋企, 可以耳根清靜, 唔駛一味問我, 點跑呀? 點拉筋呀? 佢可以自己去上課, 跟教練學正確姿勢.

同場D師奶以為, 亞女學先, 然後, 我跟佢去... 我說: 非也! 係我學先, 亞女跟來...

師奶問, 點解亞女要跟?

我答: 佢想減肥喎!

游泳水準

自從過去的暑假, 妹仔離開泳會, 嚴格來說, 就沒有再操水..

今年在學校泳隊, 都有測試時間... 上一次在水運會, 都有睇佢D時間... 50米自由泳34秒, 背泳43秒... 自由式進步左2秒, 背泳就退步左2秒..

不過, 佢同期操水的同學仔.. (有D去左女拔協恩... )... 那一班就非常厲害了... 自由泳已經28秒, 背泳都做30+秒... 總之, 超曬班... (NOW SPORTS台播中學D1學界泳賽, 我見到以前班同學.).. 依家個個都大大隻!! 相比之下, 妹仔苗條好多..

我和妹仔睇電視, 見佢地游, 真係好開心, 好投入.... (大家心知肚明, 佢地日日練, 日日操, 除卻返學, 就係練水... 一年365日...)... 所以, 睇下好喇... 羨慕下就夠...

下個星期, 妹仔又出賽 (國際學校校際), 佢話要游蝶式和背泳... 仲有接力... 蝶式!! 希望佢唔駛浮返來啦!!

我的少女時代

其實, 我冇睇這電影... 妹仔吩咐我去睇, 不過, 我唔去... 王太陸大似森美, 點可以接受森美做男神, 太不可思議!!

不過, 妹仔今日下午會同班同學仔去睇... 等佢返來, 問下佢, 好唔好睇...

自從放下鋼琴, 妹仔回復一般少女的生活... 已經約左同學仔, 去行街睇戲, 十一月又去學校入退修營... 總之, 開始多姿多采...

佢終於似我後生個陣... 都好... 都應該係時候去享受學生生活... 因為明年開始, 就要為大學入學做準備... 對於國際學校學生, 第十二班的11月就基本要全部入紙選校.. 所以, 第十一班要考等公開試, 比本地生早一年..

不過, 我都話左妹仔, 下星期開始, 要在家練琴.. 練少少都好... KEEP得幾耐得幾耐...

佢話喎... 已經唔記得左蕭邦, 巴哈, 莫扎特... 真係開心喇!!

有點不習慣...

六年多... 妹仔學琴六年多... 考完LTCL後, 停了...

雖然只休息了幾日, 我竟然有點不習慣... 尤其是最近, 妹仔一日到黑都到老師那邊.. 真正日出而作, 日入而息... 朝九晚十... 所以, 甚少留家..

這幾天, 妹仔一整天在家... 攪攪震... 霸住電腦, 霸住電視... 救命... 連婆婆都忍唔住..

婆婆都對我話: 你快D搵D野俾佢做...

我同妹仔講... 佢話: 咩呀! 休息左三日咋! 遲D就唔會得閒啦!!

不過,考完試後, 佢真係精神左... 暗瘡都好好多... 星期日瞓11個鐘頭, 補番數!!

唔知肚餓...

妹仔放學回來, 對我話: 媽咪, 我今日先識得肚餓...

昨日考完琴試, 去西貢吃意大利菜, 大吃一頓, 慰勞一下...但今日, 妹仔才知道肚餓...

唉!  今次考琴壓力真大!

妹仔又話: 早一晚, 覺得頭暈暈, 非常疲倦,但瞓醒都覺得唔舒服... 依家就覺得非常疲累..

唉! 有時小朋友有壓力都不自知, 亦不太懂得為自己減壓... 身體不停出警號, 但又說不出來... 頭暈, 唔知飽餓, 加上一臉暗瘡... 都係壓力爆煲的身體警號...

今日一切回復正常, 就如鬆了橡筋... 所有身體知覺都回復過來, 於是肚餓, 疲累的感覺一湧而出..

這次考試, 一邊睇中醫, 吃中藥, 一邊撐住... 中醫知佢考琴, 都笑佢, 真係可憐了!!

其實, 尚算好運, 因為碰巧上星期, 學校去CAMP, 兼水運會, 已經幫佢減減壓...

考完了...

昨日中午, 妹仔考琴試...  入場後35分鐘左右, 就離開了...

大家都有鬆一口氣的感覺... 今次真係非常辛苦, 因為冇信心... 以前考試, 沒有擔心過合格問題, 只係分數高低... 今次考試, 真係信心不大..

妹仔都話, 今次辛苦好多...

其實, 因為預備的時間太短...   當年ATCL的曲目, 妹仔在考八級之前, 已經彈過...  但今次LTCL的曲目, 只在半年前左右, 才敲定... 所以, 練得非常辛苦...

今次考完, 妹仔決定不再考琴試了... 事實上, 壓力太大了, 真是抹煞了學音樂的樂趣...

無論今次合格與否, 都不再考試...  PHEWWW.. 我都輕鬆很多...

最後衝線

下星期考琴了...  不過, 這星期郤是學校活動最忙碌的時候... 星期初入CAMP, 週末有學校籌款活動... 必須出席..

所以, 這星期的練琴時間有點反高潮... 希望她早已準備充足, 無須臨急抱佛腳.. 另外, 又要睇臨場表現, 有時又要睇考官心情... 不過, 我也沒有特別要求, 考完就鬆了, 不敢奢望成績, 合格與否都心安理得... 那便算了..

可能因為心情緊張, 妹仔的生理週期不太妥當... 一問之下, 原來有很多女孩子, 在考公開試前, 都有這樣的問題....當然, 妹仔的飲食亦出了點問題.

我帶她去看中醫, 中醫說, 可能因為妹仔太過著重吃水果餐(想減肥), 身體缺乏脂肪和澱粉質(尤其維生素B), 會影響荷爾蒙..

她說, 脂肪是生產荷爾蒙的必須原料, 食物中太少脂肪, 會中斷荷爾蒙的製造, 令身體失衡.. 食物中長期缺乏脂肪, 是不可以的..  另外, 維生素B (從五穀中吸收)亦非常重要..

好了... 老媽的說話不中聽, 由中醫說出來, 真太好了..  於是, 本來妹仔晚餐戒飯, 現在必定要吃半碗..  (為她加點燕麥飯, 讓她好過一些吧!)... 肉也要多吃一點..

妹仔的幽黙感

將妹仔的練琴片段, 上載上FB, 一班老友俾面留言..

很多朋友讚賞....

有一位朋友說: 虎媽無犬女！不過我意思唔係話你係'虎媽'，你明嘅!

我回覆:  真係几虎下！吾虎吾得架！ (妹仔竟然LIKE!! 她亦只LIKE了這一句!!) 

+++++++

又一次, 妹仔打電話給我, 無聊講了一大堆...

我問佢: 你仲乜打電話俾我?

妹仔答:　我等緊人, 好悶, 好無聊... 慘! 竟然同你講左5分鐘! 煲左咁耐電話粥添!!

五千小時

翻看妹仔一些練琴舊記錄... (以下是她學了半年的時候, 時為2009年8月)... 從那時到今日, 我想真是花了五千小時 (我估計)... 6年多 (2400日), 平均每天兩小時 ... 大概就彈到今天這樣子..

六年半前和六年半後的分別, 當然是非常大... 而我最欣賞的, 是那音色的進步... 丁丁聲, 開始好聽... 

原來, 捱下捱下...  不經不覺的...

LTCL exam piece - Bach Toccata in C-minor

LTCL exam piece - Chopin Barcarolle Op. 60

福山結婚了!!

我覺得以下是最近最可愛的新聞... 

新聞... 
日本男神福山雅治自日前宣佈婚訊，與女友吹石一惠結婚後，消息令全日本陷入「福山Shock」的氣氛，其經理人公司股價大跌外，也令一眾男女粉絲心碎，有商家及超市等藉此心碎熱潮，擺明以福山雅治結婚為由，推出「傷心大減價」，將商品打9折優惠，安慰心碎的粉絲。
連 日來粉絲都就福山雅治結婚，粉絲在網上貼文「不想工作」、「沒心情做家事」外，也有網民Po文指「超市賣的熟食小菜變少了，一定是因為福山雅治結婚，媽媽 店員們都不想煮了。」有網民發現超市的便當都因為福山雅治結婚推出「傷心優惠」，比原價便宜50元，讓不想做家事的媽媽們買便當做晚餐。另外，有酒吧針對 心碎的女性顧客，將啤酒半價促銷呢！

Well... 最近聽到另一則真人真事的笑話... 如下:

媽咪有八十幾對鞋, 亞仔有兩對鞋.. 一天老爸覺得鞋櫃太滿了, 就對亞仔講 : "你丟一對啦!!"

亞仔無奈地向我訴苦... 哈哈... 咁都得!

妹仔動態

妹仔最近嚴重爆瘡... 我心裡覺得, 因為她用了太多不適合的護膚品和暗瘡面膜, 令情況愈來愈嚴重... 初初話佢, 佢唔信.. 後來, 改用一些天然潤膚品..  用ALOE VERA GEL (外國貨, 非韓國貨, 200元一支)..又用5% MANUKA HONEY.. 搞了一個月, 終於情況改善了一點點.. 

不過, 以後的問題, 就是, 我有一大堆面膜要用.. 無論是否適合...

妹仔繼續練琴, 10月下旬就要考試... 未知情況如何... 總之, 仲有三星期, 就可以鬆一口氣..

至於游泳, 10月中會出學界賽, 去年因為考琴停賽, 今年復出... 當然亦係玩票...

論到跑步, 妹仔更進步神速...已經是隨便就跑了6KM (沿海濱長廊)... 年輕真是本錢!!

大學資訊夜

昨晚, 學校安排了大學資訊夜... 有約二十所本地和外國大學擺攤, 解問一些關於升學的問題.. (本來不想去... 因為妹仔只得G9, 即中三... 不過, 學校鼓勵學生參加, 妹仔最後決定同朋友仔一齊去, 亦命令我要去... )

參加了... 也好.. 因為, 實在有頗多的資訊要預早知道...

首先.. 外國大學睇四年高中成績 (美制G9-12), SAT成績 (2400為滿分), 某些重點科目亦要求AP成績(Advanced Placement).. 以上都是美國制高中的公開考試..

國際間優秀的大學 (尤其重點學科), 普遍要2100分SAT以上.. 另外要AP (AP類似IB.. 以學科為本.. 譬如: AP Chemistry, AP Calculus, AP History.. 等.. ).. AP的成績分5等, 以5為最高分.

香港三間大學(港大, 中大, 科大)對國際學校學生的要求也非常高....

港大的要求, SAT分2100以上.. 3科AP成績 (我相信要5).. 港大的LAW SCHOOL, SAT分2250以上... 中大醫學院的要求, SAT分2200以上, AP Chem/ AP Bio, 成績5.. 科大亦差不多..

港大的基本要求, SAT=1800... 不過, 那一位小姐說, 1800分就不用報名了.. (所以, 就算是其他非專業的學系, 亦起碼要2000分以上.. )

另外, 亦聽了加州大學的Talk... UC有9間院校, 包括最高排名的柏克萊跟洛杉基.. (Berkeley / UCLA).. UC最好的地方.. 就是一張報名表可以報所有學校... 由中上的院校至柏克萊都得.  (UC的所有院校排名都中上.. ).. 所以最抵報... (Berkeley的平均分要求大概是SAT=2300).

不同的家長, 不同的心態, 有些人只問勁校的資料.. 我就主要聽香港幾間大學的料...  不過, 聽完之後, 覺得.. 如果香港D大學肯收, 其實, 都一定入到外國的名校... 所以, 亦要報D要求較低的... 否則, 真係一鑊!

唯一要注意一點, 國際學校學生報大學的時間.. (包括香港的大學, 是11月.. ).. 故此, 對於美制學校來說, G11(即中五)就要考完公開試(SAT).. 比本地學校早一年... 而要考AP學科, 最早明年(G10)已經可以開始...  (如果成績優異, 1月就被收錄.. G12就輕鬆了.. )

今次去大學資訊夜, 都沒有浪費... 起碼知道, 妹仔要讀3科AP以上.. 所以, G10就要全心全意準備了... (如果不報本地大學, 又不target名校的話, 其實, 可以不讀AP CLASS, 那就更輕鬆了. )

改變

表哥仔來吃飯.. 表哥今年十八歲, 從上海回港拿身份證...

表哥的身型沒有大改變... 沒有長高, 沒有長胖... 不過, 妹仔說: 表哥變了另一個人!

表哥仔以前很古肅, 很容易發脾氣..  說一句不中聽的話, 就會生氣半天.. 實在都幾難相處..

不過, 這次回來, 變得非常健談, 又非常自信.. 笑容滿臉..

他考大學沒有成功, 12月要重考TOEFL, 再報心儀大學... 然而, 這個暑假, 他變了遊戲達人, 上網做PART TIME遊戲主播, 教人打機, 賺點零用錢... (他在內地的網站... 賺錢不多, 大概只有香港的最低工資時薪.. )... 另外, 就是交了女朋友... 女朋友讀大學二年級, 比他大兩年..

表哥仔說起來, 眉開眼笑...  做主播給網民批評, 冇所謂啦... 給老闆鬧, 因為點擊率太低, 冇所謂啦... 最緊要有錢攞, 有糧出!!  (真是不可思議.. 以前一句唔啱聽, 就黑口黑臉.. )

又講起女朋友, 大兩年, 冇問題... 女朋友鍾意KAWAI LOOK, 好OK.. 最好一齊去日本旅行, 一個去打機, 一個去買LOLITA裝... (不過, 佢未儲夠錢, 去旅行.. )

我上次去日本, 買左個細型背包俾佢 (好款好型架!)... 佢話唔夠大, 因為要幫女朋友裝東西.. 所以, 要個大背包... 我叫佢送左細背包給哥哥, 我下次再買一個大大個俾佢! (哈! 做表哥仔女朋友都幾SWEET... 年紀細細都幾有風度.. )

不要以為佢冇思想... 佢又話, 其實, 唔讀書都幾悶..其實, 讀書開心D..   考TOEFL唔夠分, 依家惟有去上補習班.. 補完12月考, 應該OK.. 佢都有為將來打算..

細路仔大個左... 真係會改變好多... 變得開朗, 懂得人情世故... 不再做打機宅男, 真讓人看得高興..  (仲有, 做長輩, 唔好咁囉唆.. 我都告誡左老媽子 (即是嫲嫲), 凡事聽了, 高高興興就好.)

我對表哥仔講, 如果佢下次帶女朋友來港, 一定要來找我.. 我請食大餐..

妹仔賺錢, 媽咪享福?!

妹仔賺錢了!! 暑假去陪彈琴... 最近發薪, 賺了600元...  這個週末, 鄰座家長叫妹仔去陪讀, 讀英文.. 小朋友小學三年級, 叫妹仔陪讀英文, 因為小朋友讀本地學校, 家長想佢讀英文的口音好聽一點... 於是, 禮聘妹仔去陪讀... 妹仔教了幾個鐘, 又收了300元.. 以後仲會去教... 家長同我講, 覺得妹仔讀得好好聽喎...

妹仔攞錢返來, 我同佢講, 你收900, 俾300我啦...

婆婆又話, 我都要300..

妹仔立即扣住我條頸, 話: 你休想!! 仲有, 你唔好諗埋D衰野!!

乜野衰野? 大家心照! 因為每年1月, 都要按通漲加零用錢, (又或者, 就算冇通漲, 都要加)..... 今年想慳D, 得唔得??

其實, 我都知冇份享福... 不過, 凡事都要試下... 唔試下點知喎...

PS: 不過, 話說回來... 讀英文的口音, 其實沒有太重要... 因為大家是黃皮膚, 鬼佬通常都不介意我地有口音... (因為, 鬼佬自己D口音都好多...美國各省, 英國, 蘇格蘭, 澳洲... 有D都好難聽下.. ).. 除非, 要去做話劇, 唱歌劇, 朗誦... 否則, 大體上, 都冇所謂... 

Running with 妹仔(3)

跑了兩三個星期, 妹仔進步了很多.. 現在和她跑步, 基本是她跑她的, 我走我的... 現在, 她每次都跑4KM或以上, 我就大概跑2KM.. 大家在中途會合就是了..

過了大概兩個月的學習, 正如我跟妹仔說的一樣.. 最重要是均速, 是一個能夠緩慢而持續的速度, 維持10分鐘以上的步程, 之後, 才慢慢加速和加距離...

我想, 我以前跑, 跟大部分人的問題一樣, 就是一開始, 跑得太快, 到200M左右, 就要停下, 行一段, 又跑, 又停... 其實, 這樣不太好... 寧願開始慢跑, (當然是按照每個人的能力, 我慢不等於人家的慢, 人家的慢跑可能已經是我的衝線速度... GEE.. ).. 妹仔也一樣... 第一天跑, 就是跑下停下... 現在, 她是一路均速地跑, 當然也比我快很多...

我的身體, 亦因為跑步而有很變化...

第一個月, 第一天上堂, 就中暑... 發燒三日.. 身體完全受不了... 一星期後,  第二堂上課, 心想旁聽就算了, 不過, 教練一聲令下, 還是跑了一半... 第二天量體溫, 沒有發燒, 真是萬幸... (所以, 之後, 都只是跑一半, 大概是1KM.. )

第二個月, 第一堂跑2KM, 我第一次跑完2KM... 那一晚, 右腳腳眼 (即腳踝)酸痛得很, 痛得睡不了.. 要用床邊頂住腳掌 (維持某角度), 酸痛稍減, 才能入睡... 慘!! 不過, 仍不死心... 問教練, 教練教我用冰敷..  用冰敷, 再做一些腳踝運動... 酸痛退了..  又跑..

第二堂, 跑2.4KM, 跑完, 腳踝不再痛... 不過, 全身都覺得熱... 冇發燒... 不過, 連手指頭和腳趾頭都發熱... 熱到以為SMARTPHONE個電池發熱... (因為用手指拿著電話, 所以, 以為電池壞左, 以為想爆炸... ) 過了三幾日,  那種熱感退郤..

再一堂, 跑3KM, 膝頭有點痛, 未致於太厲害... 不過, 仍然隱隱有點... 那熱感仍在.. 但安心了, 因為知道過幾日就會退..

原來, 身體都幾有趣... 好似一部幾十年冇用的火爐, 開著左, 會熄唔到... 要等佢慢慢降溫..

珍惜...

每星期兩個早上去上課和做義工... 大夥人叫人一齊出發(CAR POOL), 不過就要晨早到某地鐵站集合... 到達目的地就一起吃早餐... 本來這是一個很好的安排, 一班師奶太太可以吹吹水...

不過, 我婉拒了.. 因為實在太早, 早過妹仔出門的時間... 所以, 我寧願在家吃早餐, 然後自己出發...

並不因為妹仔不能自己上學... 其實, 我送妹仔亦只送到閘門, 佢就趕我走... 但是, 我依然非常享受這十分鐘一起出門的時間.. 從小一到中三, 我都是這樣與她一起出門... 以前送到學校, 後來送到車站, 依家送到屋苑閘口... 雖然愈來愈短程, 都好ENJOY...

數下數下, 都冇幾年可送... 仲有四年, 就中學畢業... 好似倒數咁.. 所以, 更加珍惜...  

有時候, 諗下... 自己最開心的時候, 就是這些最簡單的時候... 又例如: 陪老媽朝朝飲早茶... (基本上, 我早上不出門, 就會陪佢飲茶... ) 雖然人人都話唔健康, 都冇所謂啦... D茶樓師奶亞嬋, 個個七八十歲, 日日嘆茶, 吃點心, 仲精靈過我..(問心個句, 老媽子都醒過我架). 又係一句, 陪得幾多年, 陪得一年得一年啦..  ENJOY...

服左佢地

前兩日, 在FB見到一位中學舊同學(女士), 去韓國參加龍舟邀請賽... 服左, 馬上大力讚!! 其實, 近二十年都冇見面, 兼唔係好熟, 不過, 在FB見到, 真不得不大叫頂瓜瓜...

我那一位肥細佬 (40到尾)... 從小都被人叫肥仔... 一年多前學長跑, 瘦左幾十磅... 最近話要練埋6舊腹肌... 我諗佢自出世以來, 都未見過自己D腹肌... 不過, 佢最近已經有兩舊...  我一家人的任務, 就係做魔鬼, 猛叫佢食, 等佢計劃失敗...

我那一位堂妹(又係40到尾)... 40幾年都冇見佢做運動, 游水都未識, 仲衰過我, 忽然有日, 在FB, 見佢跑半馬(21KM), 然後, 又話去跑山... 難度都5星... 不過, 佢就冇減肥, 事關仲吃緊菠蘿油, 同公仔麵..

當然, 仲有個立志做"全職運動員"的舊同事... 就快踏單車遊勻全世界...

真係服左你地囉... 

信任

妹仔對我講:  J同學讚你, 話你好人...

??

原來, J同學被她媽咪禁止佢鎖房門上網, 但我就由得妹仔... 任佢... (但我出出入入房間, 就好煩... 我常常要出入去收衫, 執拾... )

我答: 其實, 我信你咋... 你自己知自己事... 你試下考試肥佬丫, 我即刻禁止你用電腦呀... 這叫做建立互信, 不能破壞..

妹仔就話: 早知叫J再考好D成績啦!!  (J成績都幾好... )

我答: 你顧掂自己啦...

PS : 其實, 我都唔想佢鎖門, 我都好想知佢上咩網站...  全世界亞媽都係咁樣架啦... 不過, 我一直都逼自己放鬆, 見佢冇行差踏錯, 就俾多D信心... 佢已經高中, 遲早都要獨立.. 我冇可能永遠控制佢...  信任是唯一可以做的..

PS: 其實, 我都想佢出盡每一分力, 科科A, GPA=4, 全世界亞媽都係咁樣架啦... 不過, 都係要逼自己放鬆... 不可以日日哦,  有時高分, 有時低分, 自己都冇可能日日咁好狀態啦...  (逼人容易過逼自己!! 逼自己放鬆都是一門艱難功課.. )

話時話... 妹仔可能是曲線讚我... 嘻!

護膚品新發現

因為朋友在紐西蘭有一個購物網站, 賣一些紐西蘭的產品, 包括: 健康食品, 護膚品等..

本來沒有太大興趣, 因為沒有吃蜜糖和吃保健產品的興趣...  但後, 最近一年, 因為妹仔對護膚的興趣極濃, 亦感染了我... 所以, 當我看見一些紐西蘭的天然護膚品, 就想試下...

只是誤打誤撞... 尤其最近NW$很平, 更加覺得抵用..

剛剛訂了一個牌子叫Antipodes的Manuka Honey Mask.. 妹仔這位美容大王一用, 覺得好正!! 佢仲叫我, 快D去試下... 其實, 我冇大興趣... 不過, 訂來玩下..

上一次, 訂了一些Parrs Wild Ferns的產品, 覺得Lip Balm和Manuka Honey Hand Cream不俗..尤其是Hand Cream.. 我有再補貨...

因為我亂買不同的冷門天然護膚品, 妹仔對我都有少少尊敬.. 因為我買的不知名品牌, 佢覺得好用過D日本和韓國大牌子...  (潮流野未必最好... )

另外, 這個夏天, 可能因為天氣太熱, 妹仔狂爆暗瘡... 唉... 慘情... 連美容大王都冇曬辦法, 又唔想睇醫生或者用藥.. 所以, 就四出搜尋好單方... 終於, 佢用一條偏方, 就係直接搽MANUKA HONEY上面... 我買左一樽UMF5+, 效果唔錯... 如果再勁D, 可能要搽16+...

妹仔開始對美容有新睇法... 佢依家轉用一些較天然的品牌... 長遠來說, 對皮膚會好好多... 不過, 我個銀包就愈來愈輕囉...

RUN WITH 妹仔 (2)

又要跑... 跑左10分鐘, 我就停下來... 妹仔話: 你唔係可以跑20分鐘咩??

我答: 亞SIR睇住, 就跑20分鐘...

妹仔鼓起腮, 話: 亞SIR好靚仔咩??!

我答: 亞SIR係靚仔... 不過, 唔關事, 係意志力的問題... 好似你練琴, 在屋企練10分鐘就跑來跑去... 在老師處, 你可以練足幾個鐘頭... 我都係一樣...

我叫妹仔繼續跑, 佢又要我陪跑... 我話: 其實, 我行路同跑差不多, 你跑先, 我跟住... 佢都唔肯, 惟有跑幾步, 見佢走遠, 我就行... 其實, 都真係差不多!!

與妹仔跑步

Dance with Wolf... Run with 妹仔... 唉!!

妹仔知我去學跑步, 一早已經吩咐, 我要學好D, 返來教佢... 因為, 佢係全班跑得最慢的一位... 從小至大, 她跑步都跑第尾... 可能因為這個原因, 所以, 佢一直耿耿於懷...  (當然, 佢在班上的游泳地位都幾高, 女孩子當中, 佢應該係最快... 但是, 這依然不能彌補佢心中的跑步鬱結.. )

妹仔話: 媽咪, 一齊跑步啦...

於是, 今早, 就一齊去跑... 本應話七點鐘跑, 但催佢起身, 等佢擦牙換衫, 都要等到7:15.. 因為要返來沖涼, 我8:30又要陪老媽出門飲茶..

一開跑, 佢就鬧我: 乜你跑得咁慢架!! 仲慢過我行路!!

我係慢噃... 我從來冇話自己跑得快, 跑得遠噃...

我叫佢自己跑快D... 佢跑一陣, 又返轉頭來鬧我, 話我慢... 唉!! 我睬佢都傻, 繼續慢跑... 事關我跑唔郁... 總之, 一路跑, 一路被佢哦... 仲煩過老媽子..

終於跑左10分鐘, 我就停... 休息... 冇幾耐, 又話要跑...

我發現妹仔跑步的問題, 係快跑, 跟住就停, 行一段, 又快跑... 我同佢講, 唔可以咁跑, 要均速..

於是, 佢又話跑... 這一次, 佢係均速... 不過, 當然, 均速都快過我... 這一次, 我真係跑唔郁, 於是就行路... 我都費事睬佢...

明天又話要跑喎... 真係虐待...  其實, 我寧願自己一個人晨運, 鐘意跑就跑, 休息就休息, 行就行... 唔駛俾人管住.. 運動呢家野, 都係跟自己節奏最好...

升學問題

一日, 妹仔回來, 對我話, 佢CHECK過加拿大的大學, UBC (University of British Columbia) 沒有特別要求.. 佢又話UBC係加拿大的TOP2, UT(University of Toronto) 就要求多D, 難考D, 要考AP ENGLISH.. UT是TOP..

其實, 我冇叫佢CHECK, 佢自己CHECK.. 我話, 咁你就讀AP ENGLISH啦.. 考下啦.. 不過, UBC 那邊天氣會好D, 舒服D.

妹仔話, 佢唔去美國, 美國太多槍擊案喎...

我話, 叫佢一定要報加州大學, 因為報一次, 就全部UC的大學都報曬, 抵玩!! 另外, 我叫佢報一間長春藤, 報Cornell, 報下, 冇所謂... 點解揀Cornell, 學校幾乎年年都有人入到.. 不過, 如果妹仔要讀SCIENCE, 就一定試報Princeton (普林斯頓大學), 無他, 有幸見識D諾貝爾獎得主, 發達! (不過, 發夢都冇咁早!!)

另外, 佢又一定會報香港的大學... 第一目標, 仍然是留港...

我估佢驚自己成績唔夠好, 香港D大學會唔收... 都好!! 起碼知驚!!

佢自己肯去找資料, 我都老懷安慰... 肯去行第一步嘛!

至於我自己, 繼續跑步班... 哈!! 有進步喎!! 昨晚跑2K (5圈), 18min42sec... 臨尾100M, 仲可以發力加速... 嘻!! 其實, 前面1.9K都係慢過蝸牛!! 不過, 係跑快左, 因為不需要一分鐘跑100M喇.

4位小生

最近只睇4位小生... 無他, 自然流露... 真係覺得佢地好好玩, 尤其係四哥... 加入曾江, 認真有火花.. 睇完兩星期, 原來最有霸氣係修哥!

其實, 睇見4位小生, 最深感受, 就係見位4位幸福的男人... 幸福女人見得多, 幸福男人佢地都算典範.

修哥83, 仍然活力十足, 仲係四代同堂, 難怪連四哥都羨慕.

曾江一味話老婆係佢隻獅頭鷹, 幫佢管錢, 否則一早花光... 曾江次次提起老婆, 就冇聲出... 所謂怕老婆會發達, 老年有老伴, 都係非常幸福的.. 

JOE好似最窮, 不過, 佢人緣好, 又錫曬老婆, 亦係幸福一族.. 

仲有四哥, 直情係男人的超級偶像..後生時玩到夠, 女友老婆個個都係超級靚女明星,  老來雖然孤家寡人, 不過, 勝在有個孝順仔.. (佢都可能冇乜點教仔錫仔... 不過, 霆鋒係來還債的.. )... 所以, 佢話亞仔唔想佢駕車, 就請個司機俾佢... 簡直係曬命!!

仲有仲有, 4位小生.. 加埋300多歲, 身體健康, 仍然有自己的事業, 仲係可做可不做, 風流工, 簡直羨慕死人...

大台D劇集冇乜佳作, 反而10:30時段正好多... 下星期睇北韓, TIMING幾好, 又有得追下.

自由與責任

妹仔說: 有一些同學要求家長給予多一些自由(they want more freedom)..

唔.....

妹仔說接著說: 其實, 多一些自由等於多一些責任!!  不是免費午餐 (no free lunch)!!

唔... 似乎妹仔不想要更多自由... 

升學的選擇

每年參加一年一度的大學同學聚會, 當中可以知道一下大家的動向, 以及各家長和小朋友的選擇... 不知不覺間, 大部份小朋友都已經上高中, 有一些也上大學..

今年, 有幾位家長, 都送高中的子女出國留學... 當中不少是在BAND 1名校就讀.. (我心想, 為什麼都要出國呢?) 不過, 每一位朋友仔都有出國的理由.. 相信對DSE的顧慮是其中之一.

在座有兩位老友是中校長... 他們話: 其實, 大學入學率這幾年會上升, (因為這一批都是SARS前出生的, 出生率每年都降低).. 所以, 同學們應該會好一些..

另外, 根據他們的資料, PHY/CHEM/BIO 的5級以上成績, 比例最高, 有超過20%, 所以, 選這些科目都有著數... 而中英文科的比例就最低, 只有8%..

他們亦話, 其實, 選科根本不太重要, 因為大學只看分數.. (除非是醫科工科, 才會留意學生的選科.. ).. 這也是事實..  (所以, 課外活動一點也不重要, 除非是港隊, 可循運動員的QUOTA入學... 這一項與外國大學的收生大不相同.. )

校長們對老師的評價和重要性的看法... 他們認為, 對一些A級學生, 老師的重要性不高.. 對劣級學生, 亦不重要.. 反而是一些MARGINAL的學生.. (2至3級的學生).. 一位好的老師, 就可以提升他們的成績..  (這也是很好的觀察.. )

我對他們說 : 其實, 無論是那一所大學的學生 (外國名牌大學也好, 本地大學也好), 面對的問題都差不多, 始終香港景氣不好, 要找到一份合意的工作, 都不容易..

出路

兩個侄仔, 一個大學畢業, 一個中學畢業..  兩個跟著父母, 長駐在大陸..

大仔依然在量地, 佢老爸(即我大佬)話, 要將佢召回身邊, 逼佢出去做工, 三千(人民幣)也好, 五千也好, 一萬也好... 總之, 唔可以再HEA.. 已經HEA左半年喇.. 其實, 大侄仔性格開朗, 非常合群, 出去做工應該不成問題... 不過, 都係要催逼一下..

細仔跟父母住... 因為未找到合心意的大學, 所以, 今年可能休學重考... 不過, 這個暑假, 佢竟然有份工作...  真係估都估唔到..  雖然只得一兩千人民幣, 郤是佢喜歡的工作... 他的興趣, 與所有細路無異, 就係打機... 不過, 佢打到成為全省冠軍... 而佢依家份工, 就係教人打機!!  (有人工!!)

佢老爸話, 佢好似做主播咁, 在網上教人打機...  不過, 佢就俾人批評, 話佢唔夠好, 又唔夠靚仔.. 仲成日俾人鬧... 但係, 個衰仔都繼續做, 仲做得幾開心..  佢話: 俾人鬧冇所謂, 有錢收得..  (真係幾叻仔!!).. 佢仲潤佢老爸, 說: 我做工係興趣, 你做工卻係挨世界云云...

聽完侄仔的故事, 都幾稀奇... 大仔是陽光少年, 在隱世量地.. 細仔一向是宅男, 古古肅肅, 卻做一份過癮工, 仲要面對群眾... 

講真心話... 細仔未必可以一世做這類工作... 不過, 網絡遊戲是TREND, 如果能變成一份事業, 那是走在時代的尖端... 

稀奇... 有時候, 我們真不需要太刻意安排細路的出路, 太刻意都冇用...  Life will find its way out... 時代在轉變... 我地老鬼真係跟不上...

PS: 細仔這星期要代表上海隊出賽, 鬥蘇州隊...  勁!!

熊出沒

其實, 一早就係熊市... 7月8日大跌市就開始左... 今日D報章先話熊, 遲左個幾月...

通常股市賭仔的毛病, 最常見, 就是 "有糊唔食", 咁就罪大惡極... 三番唔食, 要等雙辣, 結果輸十三么...  另有, 就明知係一條死魚, 都話會咸魚翻生, 結果彈都唔彈, 終於, 愈溝愈杰, 終於彈盡糧絕...  最近睇電視 (財經台), 見班分析員, 個個臉如死灰, 都係最佳寫照...

我都唔係好得好多... 只係回歸基本步... 不過, 我都幾強橫, 同我學跑步差不多... 輸完又賭過, 保持身心健康.. 哈哈..  不過, 香港人都幾好賭品, 哭下股喪就算數..

今次個市, 非常不明朗... 最差係亞爺托市, 一時一樣, 忽然, 又話人民幣又貶值, 搞到無所適從, 都唔知佢點樣放水... 係放落股市, 定放落進出口... 到底想開放, 定想收歸國有... 唔識玩喇!

亞洲貨幣又燶味甚濃... 避得去邊?

我諗, 依家都係揸住港紙.. 或一些港元相關的公用股算了...

不過, 我又唔係咁悲觀喎... 我等緊恒指跌到兩萬點附近, 就幫亞女買盈富基金 (用佢D零用錢)..

另外, 目前的最佳投資, 就係外出旅遊... 橫掂都輸左, 不如趁平去食和牛, 買名牌啦...  

死頂!

在此, 先為在曼谷爆炸中喪生的兩位女生默哀, 為她們的父母難過... 亦慨嘆人生無常...

話說回來, 八月初開始去跑步班, 第一堂已經中暑, 發高燒, 足足病左三日... 跟住幾堂, 非常掙扎, 有一堂基本返去旁聽, 有一堂覺得狀態欠佳, 就藉詞請假...

昨日, 終於鼓起勇氣, 再去... 人家1600M熱身, 我就慢跑800M... 活動45分鐘, 就讓自己休息15分鐘... 最後人家跑20分鐘計時, 我就慢跑12分鐘 (1200M.. 12分鐘), 同烏龜爬行差不多.. 總之, 頂下挨下..

課中認識一位朋友, 佢年少時係校隊, 受傷後休息了一段長時間, 如今慢慢回復跑步.. (我自愧不如啦.. )

我同佢講, 我第一堂中暑, 所以, 半途就坐在一旁..

佢教我.. 其實, 不能等到口渴才喝水, 因為覺得口渴已經太遲, 必須不斷補充... 其實, 亦不是在運動時才喝水, 平日都要多喝... 尤其在運動前兩日, 已經要開始補充, 讓身體有足夠水份去應付..

哈.. 真係又上一課...  (昨日慶幸無驚無險地完成.. 今日亦monitor住自己的體溫, 驚死又再發燒.. 事關昨晚都好熱, 跑步時有30C..)

話說跑步班D同學仔.. (雖有D年紀都不輕, 但是, 個個都係健將.. ).. 佢地D目標, 一個話要跑山, 一個話要跑100K, 一個又話去毅行...  總之, 我就係差差差... (我個目標, 連教練都頂不順, 就只係跑15分鐘 (唔辛苦, 唔駛中途休息))..

我仲死頂緊.. 希望自己會進步啦...

朋友圈

妹仔的最老友的死黨今年返回加拿大, 所以, 妹仔今年的其中一個重要活動, 就是重組自己的朋友圈.. 

我對妹仔說: 到了高中, 就要有三幾位老友, 多約一起出來.. (妹仔比較少出街.. 這是相對的, 我中三時, 日日周圍飛, 週末亦唔見人... 連老媽子都話我, 日日出去做保長!!)

妹仔斜了我一眼, 說: 我知! 你想飛甩我丫嘛!

我答: 當然唔係! 因為我中學時代, 是這樣過生活, 所以, 你都應該建立自己的朋友圈... 依家, 我的死黨, 都係中學時代的同學... 你都識得架!!

(其實, 照理交朋友, 不需要我提醒... 不過, 都要提下佢... 老實講, 到我老左, 我都想佢陪我, 但是, 做人一定要有朋 友... )

高中生活

妹仔過了首兩天的高中生活... 今日返來, 第一句, 就話: 上MATH好悶...  (冇法啦.. 忍下... )

妹仔都話: 一年好快過... 下年又有新老師..

妹仔在校參加左一個GIN CLUB, (應該係Global Issues Network, 主要係做一些社會服務, 關懷一下社群.. ).. 佢話: 個CLUB最正的地方, 因為開會都在LUNCH TIME..

遲下可能要去做下義工, 大概如此...

今年應該會入番泳隊, 因為朋友仔都會一齊參加, 而且, 仲會有0.5學分.. 正!!

現在最大的希望, 就係快快趣趣考完琴, 就全心全意投入高中生活喇!!

音樂營結束

今日, 妹仔新學期開課, 代表暑假音樂營結束..

今年, 妹仔大部份都在老師家中, 所以, 我沒機會聽她的練習.. 不過, 今年, 妹仔在音樂營另有得著..

今年, 老師的家中多了很多學生... 老師的脾氣亦不太好 (根據妹仔), 所以, 很多時候, 老師都在鬧學生... (聲音都啞左..)..

妹仔回家時, 都有點震騰騰... 驚魂未定... 因為, 有時, 老師並不是鬧佢, 但佢話有漣漪效應, 搞到佢都眼濕濕..  (又有時候, 佢要幫班細路評分, 都唔知點算.. 佢話, 評佢彈得好, 自己俾老師鬧; 評佢唔好, 細路就俾老師鬧... 所以, 壓力好大!! )

我對佢講 : 唔怕喇!! 你挨得過, 將來, 對住任何BOSS, 都可以挨得到...

其實, 妹仔依家EQ都好高... 佢返到屋企, 打兩下機就回復正常, 唔會屈住.. 佢自己識得減壓, 都實屬難得..

我同佢講, 叫佢勸下老師, 唔好咁傷身... (佢話: 冇用架喎...)

將來想做乜

一班家長圍坐飲茶, 妹仔少不免被問到, 將來想做乜? 我亦被問到, 將來想佢做乜? 因為上高中, 開始要考慮上大學選學科云云...

一開始, 我答: 我冇諗呀! 佢自己決定啦.. 去邊度讀大學都冇諗呀!

妹仔都唔係好知點答... (事實上, 答乜?! 又唔係好熟... 冇一個得體答案.. )

然後, 我就話: 其實, 妹仔最想做 "杜如風"..  理想工作就係做杜如風!!

跟住, 妹仔個朋友仔就加把口, 話 :喂! 我都想呀!

回家之後, 妹仔對我說: 其實, 我冇話我想做杜如風, 我做唔到杜如風, 我講野口窒窒!!

我話: 冇所謂啦! 搞下爛GAG啫! 講D垃圾, 大家就唔會咁認真問你, 你想做乜.. (反正, 妹仔都仲係懵下懵下, 點知自己想做乜?!  就算問我, 我都唔知自己想做乜啦!)

PS: 因為一班家長的仔女剛上初中, 大家仲好似小學咁, 緊張到死.. 仲係想個個老師都FIT曬自己個細路, 而唔係叫D仔女去適應個老師... 我同佢地講, 老師肯教, 已經很好, 每個人風格不同, 不能強求.. 學生要自己去適應..而且, 學生成績都是normal distribution curve, 有人高分, 有人低分, 間間學校都一樣啦.  (又可能, 大家都想仔女入名牌大學, 以為老師可以教自己個細路入牛津, 劍橋, 哈佛... 其實, 這一類學生並不是教出來的, 而是自己闖出來的... )

PS: 不過講心個句, 做杜如風都真係幾好... 聽完佢係BIG BOYS CLUB做訪問, 佢都真係幾叻, 幾勤力... 自己做旅行節目, 自己帶CREW, 自己管數... 都真係唔容易. (所以, 妹仔話: 佢做唔到杜如風... 妹仔都好有自知之明.. )

PS: 妹仔的心願, 其實, 只係做打工仔!!
.

避暑

天氣熱到嚇死人.. 36度.. 我個區就37度..  剛剛退左燒, 唔想再發過, 於是, 昨日和今日的大計, 都只是避暑..

早上11點左右出去買午餐, 因為唔想入廚房煮... 我覺得自己似做偵探片, 想盡辦法去避開個太陽... 總之, 過馬路之前都唔會企在路口.. 在冷氣大堂見到個紅綠燈轉色, 先慢慢行出來.. 一見到有個蔭, 那怕只有飯碗咁大, 都企埋去...

在屋企, 始終難免要入廚房, 就搬把風扇, 吹D冷氣入去.. 入去唔夠三分鐘, 就跳出來, 過冷河.. 其實, 今日開左冷氣, 都唔係好涷.. 天氣實在太熱, 冷氣都只係僅僅夠..

身體差, 又唔敢食冰.. 否則, 一定開兩枝冰涷汽水..

我記得後生時, 自己都幾威, 走去絲綢之路.. 吐魯番40+度, 我都未怕.. 不過, 係三十年前囉, 依家再去, 都應該死得... (講真, 吐魯番夏天, 日日都40+, 都唔死得人, 其他地方的人就咁容易中暑死??  無他, 吐魯番人一到中午, 都唔會出去.. 佢地活動時間, 只得早上和黃昏, 所以, 都係智慧.. )

我今日都學吐魯番人, 早上出去之後, 就在家中避暑.. 不過, 我估, 黃昏之後, 我都係唔會出去架!!!

我諗下, 慘啦!! 我身體個THERMOSAT愈來愈差, 動不動就過熱中暑發燒,,  再過幾年, 可能真係要出埠避暑喎...

我都有個GOOD IDEA... 北海道D民宿好平.. 住一個月半個月都仲得喎!!

無奈

踏入一個新年齡層, 真係覺得改變很大..  就算個瞉保養得幾好, 身體機能都真係大不如前.

本來諗住做運動去保養下, 報左跑步班 (晚上班, 唔會太熱), 學下跑步.. 豈料上左45分鐘, 已經暈暈地.. 我都知道自己差 (冇諗過差成咁), 當然馬上坐低休息, 無謂累街坊, 等到最後跑圈, 跑左15分鐘, 做埋放鬆動作, 就返屋企.. 我都唔係好知自己點搞, 總之, 汗水不停流, 都不停飲水啦.. 不過, 知道自己流汗唔係幾過癮, 似流淡汗多D..

跟住仲大鑊, 第2日就發高燒.. 39.5C.. 死得.. 冇其他病徵, 只係發高燒.. 睇醫生, 醫生都頭痕, 終於都係俾退燒藥同感冒藥..  足足瞓左3日, 先好番少少..

我最唔LIKE, 就係無法控制自己的身體... 不過都冇得唔LIKE.. 到左年紀, 真係冇符!!

古時, 皇帝控制到千軍萬馬, 千萬臣民, 卻控制不到自己的身體, 也是徒然.. (所以, 要去找長生不老藥.. )... 到如今, 我都明白皇帝的想法囉..

身體愈來愈不聽話, 點算?!

我仲有幾堂跑步班要上... 唉... 好驚.. 唔知上唔上好??!!!

(我諗下自己過去50年, 都係讀書, 返工, 做家務... 最近兩年才做下運動, 點知一做就出事... 慘!)

順德行

趁細佬一家經廣州返上海, 安排一次兩日一夜順德行.. 以往幾年短線旅行都係去番禺 (祈福新村, 長隆), 今次轉下口味, 去順德大良 (除了去番禺途經, 好多年冇去順德..)

今次去順德, 主要因為睇左有線台的三個篋神去旅行, 仲有攞住本星島送的曾志華順德美食攻略... 美食攻略寫左12處地方, 我地去左5處, 都算跟得足... 住在順德新世界酒店, 因為在大良市心, 兼且中港巴士直達, 非常方便..

除了吃, 竟然都係SHOPPING... 唉... 順德都SHOP一餐, 仲要SHOP爆個旅行袋, 簡直天才..SHOP左乜??  兩對鞋 (北京老布鞋, 明抄款的白飯魚, 勝在夠平, 幾十蚊人仔一對), 幾件衫 (明抄VINTAGE款, 100+一件, 平過香港BAUHAUS好多), 10蚊店都買左兩隻膠碟... 離譜.. 不過, 好重要係幾枝驅蚊花露水(香港冇得賣)..

今次順德的印象很好.. 市容整潔, 各處的服務很好.. 酒店, 飯館, 的士佬, 都讓人舒服, 而且, 治安不錯, 我地晚上去SHOPPING, 都好OK.  老實講, 順德人都幾有錢... 我地去酒樓飯館, 都坐滿本地人.. 遊玩的地方, 亦見一家大小, 扶老携幼, 生活都幾寫意..

去睇下一般人生活, 招聘廣告寫: 售貨員月薪2500-3000, 經理5000-7000.. 買一個單位, 幾十萬至百多萬都有..  食店有平有貴.. 衣服平貨20+都有, 入口貴價貨亦有.. 我估生活環境都可以.

順德始終係魚米之鄉, 比較富裕, 但又非大城市, 所以, 又不失悠閒.. 好地方!

如果去順德, 記得睇下曾智華D介紹.. 幾好!!  至於SHOPPING, 就去清暉園後面的步行街, 容易買到平野, 仲可以吃下街邊小吃.. 不過記得去民信吃雙皮奶, 遊順德必吃..   

幼稚大王

雖然妹仔讀國際學校, 但她的興趣極本地化... 對於韓流, 日流, 她都有相當認識... 她的其中一個興趣, 就是亂跳一些舞步, (扮明星)... 有時, 阻住我睇電視, 就叫佢停下, 佢都唔聽... 冇符!! 惟有佢扮人跳, 我就扮佢跳, 核核突突, 連佢都頂唔順, 才會停下...

最近, 佢猛唱: SHABU SHABU SHABU... (日文是火鍋.. 呷哺呷哺... ).. 冇辦法... 我都唱埋一份..

妹仔發火, 話 : 唔係SHABU SHABU呀!!

我話: 明明你唱SHABU SHABU!!

佢話: 唔係呀!! 我唱緊普通話歌呀!!

呀!!!! 我聽唔出係普通話噃!!

佢話 : 普通話呀!!  "算不! 算不!" 唔係SHABU SHABU!!

GEEEEEE...

佢又話: 我唱乜, 你都聽唔到, 差到死!!

然後, 佢終於好聲好氣解釋, 話: 呢一隊叫TF BOYS, 在大陸好紅.. (GEE.. 原來大陸都有當紅男團.. 我點知JACK!!)

佢仲話: 你上UTUBE睇下, 佢地好後生, 十幾(12~14左右)歲, 仲未變聲... D 超級FANS好多係大媽.. 你睇下就知佢地幾幼稚!!

我答: 我睇你, 就知有幾幼稚!!

妹仔的選擇

這個暑假, 妹仔很忙, 日間去老師那邊練琴, 晚上或有任何空閒時間, 就會被兩位表弟妹纏住, 要陪佢地玩...

有時候, 我會以為, 妹仔希望出去玩耍... 不過, 她也非常克制, 自動推掉很多節目, 寧願去老師那邊..

其實, 我也對她說, 如果你想同佢地去迪士尼, 我就幫你向老師請假.. 不過, 佢擰頭, 還親自推卻舅父的邀請... 都算係咁..

現在距離考試, 仲有三個月... 挨埋佢...就輕鬆曬!!

咳

早一陣咳到冇朋友... 半條命.. 睇西醫吃完藥, 都冇大好轉.. 連老媽子都怕左我.. 叫我不如去余X生買D川貝吃下..

無可奈何, 去余X生.. 諗住淨係買蛇胆川貝粉.. 不過, 店面亞嬋話, 你可能感冒未清, 唔可以淨吃蛇胆川貝, 要加埋銀翹散..

一聽銀翹, 知道係感冒藥, 但比較寒涼, 因為係風熱感冒藥... (不過, 其實, 我都唔知自己係寒咳定熱咳... 但我有頭痛... )

講左一陣, 好啦... 銀翹+川貝...

吃左三日, 痰少左, 身體好左D.. 不過, 都未完全爽曬... 依家再買多三日, 希望清下個底啦..

好煩!!  真係連自己都覺得自己煩!!

練琴進度

暑假, 妹仔經常到老師家中練琴, 偶然會在家裡練習.. 有時候, 她會彈一些舊歌, 大概是一年彈前的歌.. Schubert Three Piano Pieces.. 呀! 我覺得她彈得進步了, 而且進步了很多..那音色是聽得出來的..

舒伯特這一首歌有很八度音.

妹仔說: 我都唔知道自己以前點彈... 好多八度音..

我說: 進步左好多..

妹仔說: 冇辦法.. 最近彈LTCL的蕭邦船歌, 一樣超多八度.. 練得多, 依家覺得這一首容易彈了.

其實, 苦練..一定會進步..

妹仔以前一起考八級的同學仔, 停學了一段時間, 今年回巢, 準備年底考ATCL.. 這個暑假, 都有參與練琴, 不過, 妹仔回來對我說: A同學只彈了兩首, 第三首都未開始練..

 我說 : 點趕得切呀?!

妹仔說: 係呀... 老師仲叫我幫佢練..

我說: 唔係呀.. 你都係剛剛合格咋喎..

妹仔答: 係囉.. 叫一個剛剛合格, 教一個唔會合格的喎!!

我問: 咁你教咩呀?

妹仔答:  我幫佢睇下, 有冇彈錯音咋!!

我真係滴汗!!  (去年妹仔考試前的暑假, 歌曲已經練得七七八八, 主要是執大細聲, 表達和技巧.. 如果, 連歌都未練好, 就真係幾危險.. )

忙亂的日子

暑假是特別忙亂的日子.. 因為大家都放假了,  自己的慣常日程完全被打亂.. 細佬一家人回港三星期, 妹仔的兩位表弟妹常常過來玩.. 所以很忙.

妹仔算是有自制能力, 並沒有陪他們太多, 因為她每天都要練琴, 只是偶然有空, 才會玩一下..

也算妹仔厲害, 對著兩名嘩鬼, 依然神態自若.. 帶他們去公園, 去游泳, 大細路帶兩個細細路, 我都服左.. (我冇跟出去, 因為要留家, 有很多事情要做.. )

老媽子一樣忙到頭暈, 幾乎日日搞五餸一湯, 真係難度高..  (她盡量不想重複.. 真是超級煮婦..) 今日, 我終於笑佢, 要出動 "梅菜蒸肉餅", 可算是江郎才盡..

舅父問妹仔 :一齊去海洋公園, 迪士尼啦!

妹仔搖搖頭, 不去了... 回頭對我講, 佢都要休息一下!

咳

最近咳左兩個幾禮拜.. 由日本回港就開始, 可能因為香港太熱, 開得太多冷氣又對氣管唔好.. 總之, 煩..

吃完燉橙都冇用.. 食完會舒服D, 不過, 不久又咳過..  似乎, 有D野係會食到純.. 食到冇功用.. 因為前幾次都有用, 今次就唔再靈.. 於是, 去睇醫生, 食完三日藥, 除左覺得食到頭暈暈, 其實都冇大作用... (食到眼瞓, 就唔咳.. 藥氣過左, 又咳過.. ).. 總之, 冇符!!

豈有此理... 惟有唔理佢..  睇下佢咳幾耐..

有個朋友話, 食奇異果都食到純.. 又係真... 初初吃完奇異果(一日一至兩個), 眼瞓到傻... 依家冇感覺..

點算呢??  食到樣樣野都冇效.. 連食藥都會冇效... 所以, 都係唔好吃太多藥喇..

不過, 話說回來... 好既唔見有效.. 衰野就立即見功....  飲兩啖涷水, 包咳到嘔!!

交流生

妹仔的泳隊師姐, 在俄羅斯某城市做了一年交流生.. 昨天在路上碰見她.. 若非她開口叫我, 我地唔認得佢.. 因為佢肥左好多..

這一位泳隊師姐, 在小學和初中時期, 游泳成績驗人.. 我都幾鐘意佢, 因為佢都好有毅力, 常常都見佢在泳池溫習, 而佢亦很有禮貌, 跟我這樣年紀的師奶也聊得兩句.. 當時, 佢個樣都幾COOL, 幾嚴肅.. 一上泳線比賽, 簡直係PROFESSIONAL一樣, 全程專注..

昨日見佢.. 我讚佢: 你可愛左!! (其實, 我真心讚佢, 並不因為佢肥左.. 而係因為她的神情輕鬆了很多, 容光煥發, 完全是開心少女一名.. 以前那股游泳猛將的殺氣蕩然無存. )

佢好開心同我講 : 在俄羅斯, 最重要的任務是文化交流... (而在她的學校, 只得她一個香港人.. 她說, 亦曾有四個中國大學生到訪.. )... 佢整個學年都留在俄羅斯, 沒有像其他留學生, 一年回港幾次.. 直至這個暑假交流完結, 才回來..

而令我最佩服的, 除了因為佢用了一年時間 (本來讀中五), 回港要REPEAT一年中五.. 她還覺得自己中四的功課可能已忘記得七七八八.. 她主動要求重讀中四.. 即是說, 這一年的出國經驗, 她是用了兩年的時間換來... 而佢一點也不介意.. (因為回港之後, 會同自己的妹妹同一班. )

當我地都好緊張, 要趕快讓小朋友上大學的時候, 佢卻輕輕鬆鬆的用了兩年去換一年寶貴的交流生經驗..  其實, 我想, 讀書學習都可以有好多選擇.. 佢一個人在一個語言不通的地方, 能夠開開心心地生活, 對她個人的獨立生活的能力, 是一個很好的鍛鍊, 也是很難得的機會. (亦難得家長讓她自由選擇..她媽媽是一位很開明的家長.. )

我一向都很喜歡這一位師姐.. 她讀書成績並不是最好的.. (是平均的一類.. ).. 但是, 我相信, 她將來一定可以生活得很好.. 因為佢主動, 獨立, 適應力強, 又有毅力.. 正!!

PS : 當年升中, 這一位師姐有機會入名校, (其實, 某名女校已經取錄了..) . 不過, 她父親反對, 要佢留在同區的BAND 1中學.. 當年, 很多人都不明白, (連她媽媽都不太明白.. ).. 到了這一年, 我大概明白了... 實在, 如果入名校, 她的中學生涯大概只有游泳和補習..  但是, 現在, 她的中學生涯實在多姿多采得多...

慰勞

妹仔昨日大發慈悲, 說要慰勞我, 幫我做全身MASSAGE.. 唉! 真係多謝夾承惠.. 心領啦!!

當然, 避不開.. 最慘係我D淋巴都幾塞, 俾佢按到我叫救命.. 仲幾乎想嘔.. 佢一路虐待我, 都不知幾高興..

做完之後, 佢話: 你知唔知有最低工資, 要50蚊喎.. 我話: 做得半個鐘, 只有25蚊..

另外, 我又問佢 : 我有D事情要請教!! 朋友激嬲左個女, 亞女唔睬佢, 有咩好辦法!

妹仔答: 都冇計.. 低低地慣一鋪囉..

我話: 咁咪好冇面.

妹仔話 : 只係低低地慣一鋪, 唔關面子喎!

哦!! 原來如此! (原來在佢地眼中, 其實並非因為要落你面喎.. )

股災

之前, 都未用"股災"這個題目, 不過, 今日都要用囉..

下跌2100點, 然後回順至下跌1500點..  上一次的壯烈場面應該是雷曼兄弟爆煲.. 2008-09年..

這一次的亮點, 在中國股民... 剛剛弟婦從上海回來, 就真有點埋身感覺.. 她自己輸了幾萬元.. (不過, 有兩隻股票在停牌, 所以, 都未知境況如何..)

我說, 交學費吧, 這個市況輸幾萬都是很保守的了..

她說: 也是的.. 朋友都輸幾十萬, 上百萬...

(但是, 內地股票仍未跌定喎... 根據熊市的經驗, 大跌之後, 還有一段時間尋底.. 有排挨!!)

香港股市更重創... 心想.. 關香港鬼事咩!! 連D公用股和一眾避險都大跌... 不過, 話說回來, 跌市到後期, 都要連實力股都跌.... 可能終極一跌仲未到.. 當然, 之後, 又再尋底..

今早起來, 心諗.. 冇理由阿爺托市, 俾機會我走人, 我都唔走架!! 阿爺都唔知撐得幾耐.. 於是, 心血來潮, 又沽出一部份A股相關股.. 現在, A股相關股票只剩下一點點..

唉... 算是避了一點點... 不過, 現在回想, 應該把心一橫, 一併沽清..

經歷過幾次股災 (由87年開始).. 都算學精左.. 首先, 今次, 基本上沒有怎樣參與.. 手頭上都是一舊貨.. 沽走了, 股票再升再升, 都冇再去追貨.. 現在很多東西都打回原形.. 甚至跌突.. 我就仍有微利... (因為沽得早, 所以, 冇大賺... 賺左一次東京旅行啦.. )

第二, 不沾手概念股.. 賺也冇我分, 輸也冇我分.. 執身彩...

第三, 忍手不買.. 雖然這個浪中都有買一點.. 也虧了一點, 不過, 都是實力形, 相信很快可以回來... 也可放著收利息..

這次股災, 我也很多做得不好的地方... 走貨太慢... 老是想等反彈出貨.. 豈料, 是彈也不彈..

明天醒來, 又一天.. 又是一條好漢..

這次人為托市, 該跌的未跌盡, A股仍有下跌空間... 再等等(等反彈) , 再沽... 然後, 慢慢計數, 再選優質股.

冒名順豐速遞欺詐

大家又要小心..

今日接到一個電話, 說是順豐快遞 (以電話錄音形式), 說我一個郵遞包裹有問題, 叫我按0字接通去查詢, 我沒有提防, 便接去聽..

那邊廂說, 我有一個包裹, 被北京海關扣查, 是違禁物品, 因為這個原因, 所以通知我..

我說: 我沒有任何包裹寄出..

對方說 : 是從珠海網站寄站.. 我說我沒有出境到中國..

他說幫我查一查, 問我的全名, 那可能是被冒名寄了.. 我沒有提防, 告訴了對方我的名字..

然後, 他講了一大堆關於那包裹的資料, 叫我寫下...  然後替我轉駁北京公安.. 那邊的"公安"又問了一堆問題, 然後說會幫我查一查.. 下午回來, 再幫我錄口供云云..  (約了下午某時間, 再打到家裡.. )

放下電話, 我回心一想... 這可能極不妥當.. 便打算打去香港順豐問一問... 打開香港順豐的網頁, 就看見一個叫客戶提防被騙的告示.. 

唔... 又是騙案.. 這一次來得更曲折, 更精密..

可是, 我還是洩漏了我的個人資料.. 包括名字和電話.. 可惡!!

我還在等這個騙徒的電話... 要鬧佢..

(這一次差點上當的原因, 是因為我最近用過順豐速遞... 所以, 以為真的被HECK了.. )

大型波動市

今日都幾精彩.. 恆指開市微跌, 中午跌過1300點, 收市只跌800點..

歐洲同大陸兩大問題, 致使市況波動.. 照市況看來.. 熊市形勢已成.. 雖然說牛慢熊快, 但今次都快得厲害.. 一下插穿二百五十天線.. 大概再一輪波動後, 就復歸平靜, 又再由頭挨過..

話說今次希臘公投, 又一次反映民主的黑暗... 一堆債仔不願勒緊肚皮, 去還債, 還想繼續做其攤手黨..於是, 用公投形式, 用"民主"這個美名... 來賴債!! 唉!! 否則, 來一個玉石俱焚!! (有民主, 冇公理... )

今日最好玩, 莫過於老媽子.. 早上, 我勸佢減磅.. 佢就餸都唔買, 減左一隻.. 搞到買餸都買漏野.. 不過, 就好高興, 因為避過下午1300點一劫..

妹仔一見到大跌市, 就高興到哇哇叫.. 事關, 佢見到婆婆同我都紮紮跳..

我話 : 再跌下, 就冇錢去旅行架!

佢都係睬我都傻...

不過, 最過癮都係睇D大陸股民的訪問.. 有一個話: 以為股市係煎魚, 煎燶左就翻下, 翻下這邊, 翻下那邊.. (仲未駛燶曬...) 點知, 原來係油炸股市... 慘情!!

而家, 點睇?? 計下數.. 睇下邊D實力股價殘抵買, 放小注做下中長線囉...始終, 放銀行冇利息, 長遠都唔係辦法..

UC Berkeley

一位朋友在FB分享左UC BERKELEY(加州大學柏克萊分校)今年的入學新聞.. 柏克來是美國頂尖的公辦大學 (State U).. 裡面第一段, 是BERKELEY的收生中, 有很多學生在體育, 音樂和其他領域, 都曾經參與國內或國際比賽.. (competing nationally and internationally)..

另外, 學術成績亦很優秀, 平均的GPA=3.91 (滿分為4分).. 平均SAT成績為2093 (滿分為2400)..  即是, 基本上在中學校內成績都名列前茅..  收生率約為17%.. (7萬人收1萬3千人左右).

故此, 可以想像... 所收的學生, 不單成績優異, 而且亦要另有一項特長.. 這是一般美國名牌大學的要求... 當然, 亦有其他考慮, 包括天價的捐款 (聽說是以億元計, 才被考慮)..

不過, 如果是國家隊, 入選的機會會大很多..

以前, 有很多香港游泳代表隊的隊員, 都入讀柏克萊, 縱然學業成績比較低.. 美國大學很重視學生的課外活動, 所以, 如果, 沒有特長, 都要多參與義工活動... 總之, 就算SAT=2400, 如果其他方面一無是處, 大學是未必會考慮的.

妹仔問 : 你估計我的一班同學當中, 哪一位可以入IVY LEAGUE (美國最TOP的私立大學, 包括: 哈佛, 耶魯, 普林斯頓, 康奈爾, UPenn, 哥倫比亞, BROWN等.. )??

妹仔講了一堆名字... 都是她的班上成績最好的幾個..

我說: 他們都未必可以... 我看最有機會的是J同學.. J同學是香港溜泳代表, 經常出外比賽.. 所以, 她是最有機會的..

妹仔點頭稱是.. 又說: 不過, 其他人都想入Ivy League喎!

我問: 咁你考好SAT, 都報下啦!

妹仔話: 我考好SAT, 入香港大學..

我答: 你以為入香港大學好容易, 分數隨時同入IVY LEAGUE差不多!!

妹仔又話: 唔係!! 我係要入香港D大學!!

痴呆症

上次坐飛機, 睇左一套STILL ALICE (永遠的愛麗絲), 裡面講50歲的女教授患上老人痴呆症..

我發覺... 我都有好多相同的問題... 慘!!

女主角第一個病徵, 就係冇曬D VOCABULARY (詞語, 生字).. 佢本身係語言學家, 但係就唔識得用詞..

唉.. 我一樣... 望住想講D野, 永遠都腦袋空白.. 唔知用咩詞句... 譬如: 退稅, 火鍋... 整日就講: 呢!! 呢個.. 呢個.. 即係呢個呢... 講極都講唔出..

然後, 想講一間一向都認識的名校.. 德望.. 講左15分鐘, 先講得出..

望住片集個三眼仔二郎神... 想講佢個名... 講左10分鐘都講唔出, 最後, 老媽子話: 錢家樂呀!!

死得... 言語遲鈍...

至於認路, 一向都差... 還好, 未至於唔識番屋企..  (死得... 剛剛打個 "屋"字, 打極打唔出... 原來, 將"屋"同"企"合埋打.... 唔怪得打極打唔出.. )

我諗.. 我D腦力都用得七七八八.. 經過五十年的折磨, 都用得幾盡喎..

開始享受

妹仔練LTCL的樂曲, 一直到現在, 才漸見起色... 暑假開始閉門苦練, 她所彈的CHOPIN的船歌, 才開始有味道..

今天在家聽她練琴, 有少少享受..

不過, 在一些章節上, 她的技巧未完全成熟, 速度一快, 就彈不過去, 所以, 仍有待磨練..

她都算幾努力, 我不在家的時候, 都有練琴..

依然一句, 希望合格啦...

沒有能受控制的市場

A股暴瀉..  大家眼定定.. 不過, 我並沒有參與這次A股狂牛.. 我依然以穩健的買賣為主..

話說回來... 市場是一隻脾氣超古怪的怪獸, 沒有辦法被人操控, 但他有自己的秩序..

千萬不要相信政府有能力去改變市場..  這麼多年, 都看過不少.. 想佢升, 佢唔升..  想佢跌, 佢就死都唔跌...  想救市, 更是難過登天..   最好的例子... 香港樓市, 各國股市, 更何況只是這麼年輕的A股市場..

我的唯一忠告... 千萬別碰那些空有概念的股票... 那些股票隨時只剩下一張廢紙.. 

朝九晚六

妹仔開始她的暑假全職鋼琴生涯...

現在的情況是... 朝九晚六.. (中段回家吃午飯).. 晚飯後, 再去一小時..

還有大概四個月, 就要考試... 都要衝下啦.. 希望順順利利合格啦..

一件舊事

想起東京, 想起一件舊事..

大概二十年前, 我到東京公幹, 跟日本同事閒聊, 那人說, 他住在橫濱, 是一間平房 (HOUSE).. 當年, 我的反應, 是立即開口嘆說: 你真有錢!! (Woww.. You are rich!)

如今, 二十年後, 在東京市中心買一所APARTMENT, 隨時不用一百萬港元..  (對香港人來說, 只能買一個廁所. )

地域經濟真有循環... 十年河東, 十年河西..

帶妹仔去到東京的近郊, 妹仔說: 真係DORAEMON的社區喎!! 一間屋貴唔貴呢??

我答: 不會貴!

(其實, 這只是比較之下的現實... 只是於2015年的情況下... 十年之後, WHO KNOWS?)

妹仔又笑說: 你可以做香港大媽!!

我答: 係呀!! 我終於明白中國大媽的心情... 咁平, 冇可能忍手!! 早知我都拉個篋!!

真架!!  終於明白當年日本人來香港排隊購物的心情... 還有今日的中國大媽... 香港人都覺得超平... 祖國怎可不出埠購物!!

東京瘋狂購物 (2)

如果近期去東京, 都有D小貼士..

東京車費貴, 所以, 這方面要想下辦法.. 由機場去酒店, 有好多方法, 最平係坐京成電鐵, 不過, 去上野就可以, 如果住池袋新宿, 就要攞住行李, 轉餐死..  又因為明知自己會瘋狂購物, 所以, 就選擇坐機場巴士..  巴士DOOR TO DOOR, 但就最貴, 要3100YEN一程... 不過, 上網見到有Limosine Return Ticket + MTR 3 Day Pass, 只售6000YEN, 就真划算... 因為, MTR 1 day pass 都要1000YEN 一日...

故此, 如果坐機場巴士, 就一定要買這一種套票..  在東京坐地鐵, 大概坐4-5程, 就會超過1000YEN (即64港元)..

另外, 有一個有用的APP, 叫做NAVITIME, 可以幫忙在東京選擇地鐵的路線 (點到點), 比看地鐵圖方便得多..

又有一個WEB PAGE, 叫做GURUNAVI, 教你找不同區域的飯館, 亦非常方便.. 此網站有中文本..

在東京, 免費WIFI不多.. 我所住的酒店在網站上, 說WIFI要付500YEN(1 STAY).. 不過, 我到步時, 酒店已經提供免費WIFI.. 但我都訂了WIFI EGG... 日本WIFI RENTAL公司的物流流程真不錯.. 我在香港上網預訂, 他們前一日送到酒店.. 我CHECK IN的時候, 已經可以拿到.. 退還時, 他們提供一個信封, 只要把WIFI EGG放回信封, 再放入任何一個郵筒, 就可以.. 非常方便.

因為我要趕機場巴士 (大半小時才有一班), 所以, 我不想留在機場搞這些WIFI EGG手續.. 故此, 他們送到酒店, 真係非常貼心..

至於滙率方面.. 因為臨時臨急, 我只係跑到香港的找換店兌換, 我沒有認真比較過滙率... 但是, 我發覺現在在東京用信用卡, 都非常方便.. 而滙率最好是銀聯卡, 其次是VISA, 然後是MASTER. 而銀聯的滙率, 跟香港永年差不多.. 所以, SHOPPING亦無須帶太多現金.. 有需要時, 用信用卡, 或者到當地ATM提款都可以..

妹仔未去東京之前, 心裡不高興.. 因為冇得去韓國... 今次去完東京, 就話以為隔年要去..  韓國... 日本.. 韓國... 日本... 唉..

東京瘋狂購物 (1)

在沒有準備的情況下, 去東京... 安排的節目, 全是SHOPPING.. 冇辦法, 妹仔的要求... 而我的目標, 就是返回一些以前常到的地方... 尤其是食店... 去看看那些地方的轉變..

上一次去東京, 應該是八年前的事了... 最後一次去日本, 應該是2010年1月, 那一次是去九州.. YEN兌港幣, 大概是100YEN換8元港幣... 這一次, 是6.4港元左右.. 最近日元大貶值嘛..

然而, 我最訝異的... 是日本的東西比香港要便宜得多... 衣食住樣樣平... (只有交通費較貴.. 最短程的JR約10港元.. 香港的交通費已經很貴, 東京更貴.. )..

一份早餐.. 在JR站附近的COFFEE SHOP.  400YEN=25元.. 普通的餐廳午飯, 1000YEN=65元;  新宿著名老店的天婦羅SET, 2300YEN=147元;  六本木的任吃牛肉火鍋放題, 5400YEN=345元; 四星酒店的自助晚餐, 平日=4300YEN=275元..

GODIVA 雪糕, 440YEN= 28元 (香港要50元+)... 連STARBUCK都比香港平..

唉... 衣服和日用品... 日本有108YEN店 (7元), 香港最平都要12元店..  NIKE = 香港的50~60%, 衣服約100元左右(已經很不錯.. ), 去ZOFF配老花眼鏡(有款的)只需280元, LUSH護膚用品=香港的50%, (其他護膚品不在話下).. 在機場, 排隊買白之戀人和R牌朱古力在打蛇餅...

打折扣最少的反而是UNIQLO.. 

住的地方.. (在上野看了一眼).. 租一間細apartment只需4000元左右.. ), 在香港市區, 連劏房都租不上..

點解香港到咁貴??  去台北, 首爾都冇這種感覺 (因為他們向來都比香港平).. 就是到了東京.. 這感覺太強烈.. (東京通縮了二十年, 終於讓香港追上了, 更是有過之而無不及.. )..

今日的東京, 二十年後的香港...  (一個地方不可能長期處於高水平.. 往後的日子, 只有慢慢回落.. )

因為如此便宜... 這一次行程, 變成了血拼東京..  回程時, 行李46KG, 超重了, 不過, 幸好坐CATHAY, 於是, 又輕易過關..

散學禮

今日是妹仔初中的散學禮... 今年, 妹仔拿了一個學科獎 (SCIENCE)..

老師的評語很有趣... 他說 : She is the quietest person he had ever met. He did not know how she sounds. But by the work she'd done thru' the year, he knew how deep she understands the subject.

希望妹仔繼續努力...

轉目的地

星期二, 保安局發南韓紅色旅遊警示,  於是, 本週末原本出發釜山首爾, 現在改為去東京, 避一避... 

這一次的臨時臨急更改行程的經驗, 可以略略分享一下, 將來可以作為參考..

旅行社和航空公司只會在紅色或黑色旅遊警示下, 為旅客做特別安排... 所以, 食衛局的旅遊提示, 基本上沒有用處.

航空公司(我坐國泰, 其他公司(尤其廉航)安排未必一樣).. 當日, 就可以安排我們轉目的地, (免任何手續費)..  如果, 新機票比較貴, 只要補回差價... 但如果, 新機票比較平, 則差額不會退回.  (我今次由南韓轉東京, 機票比較貴... )

然後, 酒店方面... 旅行社替我查詢南韓的酒店, 基本上不用收取任何手續費.. (但是, 據了解, 並不是所有酒店都一樣, 有一些酒店會CHARGE一天的房價, 作為手續費.. ) 由於, 我不需要罰款, 所以, 房價亦只須付差價.. (東京的酒店也比較貴.. )

於是, 我只是付出差價, 就轉飛東京..

唯一一點, 我是透過旅行社訂機票和酒店, 所以, 全部由他們處理和安排... (如果, 透過網上訂位, 情況不知是否一樣... )

總之, 星期二改紅色警示, 當天早上向旅行社要求改目的地, 星期三下午確定所有機位和酒店, 今天做埋ONLINE CHECK IN... 週六早上就可以出發... PHEWWW... 都算快夾妥!!

當然, 要感謝我那一位AGENT... 快夾妥!! 仲有, 幸好未到旺季, 否則, 有AGENT, 都冇用!!

終於, 可以舊地重遊... 東京.. 久違了... 上一次去, 已經是7年之前....

膽搏膽韓國行

已經出左機票酒店, 本週末去釜山, 然後到首爾..

一個星期前, 已經預料到MERS會漸入高峰期, 就同SARS一樣, 大概兩三個月, 才會慢慢回落, 兼且, 韓國政府真差勁, 抗疫能力和意識低落... 香港人挨過, 所以, 聞MERS色變..

不過, 我其實並不十分害怕...  今次MERS的病毒似乎比SARS溫和一點..

我都會做足防禦措施, 買左一大盒口罩, 仲配左消炎感冒藥..  在藥房配藥時, 見另一女士, 買兩大盒豬鼻口罩... 勁!! (都係搏老命去韓國.. )

其實, 最慘係俾老媽子日哦夜哦... 真係頭痛..

我覺得去韓國並不最煩,  回港之後, 更煩...  我決定自我隔離最少一星期.. 妹仔會取消回港後第一課的長笛 (因為長笛要用口吹, 不能戴口罩, 比較容易傳染.. 而長笛老師剛懷孕, 還是要加倍小心).. 去學琴就要戴口罩..

老媽子鬧到七彩..  話回港後, 就不准我地出房門...   慘情!

所以, 各位老友, 我至少要6月底先再出洞喇!!

節目多籮籮...

妹仔終於似一個中學生... 這兩個星期, 節目多籮籮...  昨晚, 放學之後, 跟同學逛街街, 再趕返來, 去學游水..

今日, 又約同學仔去影樓拍照... (租一個地方, 自己拍SELFIE..)..依家D細路好流行下..

下星期, 又有兩個FAREWELL PARTY...

不過, 臨學期尾, 今年暑假, 好多老友都出國讀書, 所以, 都真要玩下...

妹仔話 : 畢業班暑假 (四年後), 希望可以一班同學仔外出旅遊!

我話 : 冇所謂, 近近地, 日台韓都得.. 最緊要治安好..

妹仔說 : 唉!! 到時唔知剩番幾多個, 可以一齊出去!!

升高中...

有時候, 跟家長們閒聊, 就為自己的狀況感恩...

G家長正為囝囝升高中緊張, 本來今年暑假後想到外地升學, 但又未辦妥, 似乎仍要留下來..

T家長說: 讀初中的囡囡不是讀書的材料, 整天紮紮跳, 停不下來, 所以, 考慮向舞蹈方面發展.

我說:  我們還算幸運, 可以放眼望向其多國家, 選擇很多, 總可以找到合適的大學... (大家的兒女都讀國際學校.. )

T家長說: 係呀.. 不過, 就算在國際學校, 都有很多學生都去補習... 一心要考高分, 去世界頂尖學府!

我說: 但是, 就算入到世界頂尖大學, 都未必係好事... 大學不同中學, 而且, 那邊的學生, 並不是補習能教出來的... 如果用這種方法, 很難在這些學校生存!!

T家長說: 所以, 入到大學都繼續補習囉!!

我嚇一跳... 大學?! 點補習呀?! Professor 同 Professor之間, 都各有所長, 都不會認識對方的科目... 大學一年級或許可以補, 之後仲可以咩??? (咁樣讀書, 有乜謂!!)

G家長嘆一聲 : 我個囝囝咪補緊習囉!

新沙士

新沙士又來了... 唉.. 點解香港次次都有份?? 希望今次控制得好, 千萬唔好傳播出去..

不過, 我6月中去韓國... 都有點頭痛... 惟有帶一堆口罩出門..  回想香港03年, 基本上, 避開醫院之類的設施, 都會OK... (最緊要酒店冇事... )

我對妹仔講, 最緊要戴口罩, 洗手, 避開高危地方...

當年, 我都走去銅鑼灣行街..  (銅鑼灣仲清靜過西貢!!)

今次, 我唔係咁擔心自己的旅程... 反而希望香港冇事多D...

LTCL exam piece - Chopin Barcarolle Op. 60

練琴進度

練下練下... 只剩大概5個月時間, 就要考LTCL... (10~11月.. 上次考試是10月中... ).. 不過, 還未收到考試確認, 交左錢兩個月, 未有任何消息.. (我忘記了上次幾時收確認信... 不過, 上次到9月中先收到考試時間, 都有點趕... )

妹仔練得如何... 似乎比一個月前嫻熟... 嫻熟的意思, 是彈得暢順, 沒有太多錯漏.. 不過到某些關鍵位, 都未夠信心... 未得... 尤其是CHOPIN的船歌 (BARCAROLLE), 超多八度音... 妹仔可能手掌比較細, 彈八度都係辛苦...

但是, 應該未達合格的水準... 依然要苦練... 要練非常多... 不過又沒有太多時間..

妹仔嘆說 : 同學仔原來每週都有活動, 不過, 我推掉了本週末的活動...怕俾人鬧...

我問 : 邊個鬧?

妹仔答 : 當然唔係你啦.. 

記掛...

中學男老師, 只在我們中四那年, 教了我們一個月... 然後, 漫漫歲月, 他轉工, 又移民, 轉眼三十幾年, 機緣巧合, 有機會跟我們一班同學重遇..  原來, 當年這位年輕老師把我們送給他的每一件物件, 都珍而重之地收藏... (連我們都忘記了, 那些是什麼東西!!)..  他拿出來, 我們才"嘩", 原來有這東西!!

他說 : 我常常記掛你們, 以為今生今世沒有機會再見..

我們沒良心... 其實都忘記了很多事情... 忘記了為什麼他會如此惦記我們..  我們有什麼值得人家記掛三十幾年?? 實在摸不著頭腦..

不過, 我現在才發現... 原來, 在地球某一角落, 有某個人, 會偶然想起我們, 會非常珍惜我們給他的每一個回憶...

太浪漫了!!  這不是我的個人風格!!

老媽子的樂與怒

最近股市持續攀升, 很多股份上升超過50%, 個別細價股更以倍數上升...

老媽子為多年股民, 從73年開始經歷股災, 對當前市況, 都只敢賣, 而不敢買... 所以, 賣下賣下, 所剩無幾... 到現在, 手上持貨, 不肯再賣...

老媽子嘆謂:  賣曬D貨, 就連喜怒哀樂都冇喇!!

事實是, 老媽子最憎週末, 更討厭長假期... 因為股市休息, 又冇劇好睇... 真係冇曬樂趣!!

惡人谷

最近, 星島送東莞, 順德等地的旅遊飲食指南...

早茶時間, 我對老媽子話 : 喂! 攞本順德書仔睇下, 等我計劃下次去順德美食團都好喎..

妹仔馬上黑面, 罵說 : 你地一日到黑淨係識得食!!!  (佢最近荷爾蒙失調, 多左幾粒暗瘡, 心情又差... )

我同老媽子對望一眼, 哈哈大笑, 說 : 駛唔駛咁惡呀?? 惡人谷出世乎?? 思飲思食都唔得...

老媽子嘆說 : 唉! 出埋錢, 計劃埋行程, 求佢去, 仲要俾人鬧, 駛唔駛咁淒涼??

我話 :係架! 去茶樓, 搵埋位, 俾埋錢, 仲要低聲下氣求佢來架... 冇符... 肯出來, 真係俾足面喇.

好彩! 妹仔俾我地唱雙簧, 潤左幾句, 都冇反面...  PHEWWWW..

PARTY

妹仔星期五帶7位同學仔回家開PARTY... 慶祝其中一位的生日... 阿四煮完咖喱魚旦同燒賣, 就出門, 讓出主場...

7位同學仔, 我認識6位... (第7位是今年入學的新同學, 亦叫佢自我介紹一下.. ) OK喎... 原來, 妹仔大部份老友仔, 我都認得喎... PHEWWW....

我出去, 行街行左2個鐘... 回家收拾殘局... 大家離去時, 仲要講一句... 下次再上來呀!!

梗係啦... 咁樣先知道, 妹仔D朋友係乜水...

總之, 平平安安, 不誤交損友, 就大步走過反叛期... pheww...

又失敗..

今日X田開始大減價, 睇見超市有烏冬減至半價.. (因為妹仔甚鍾意).. 所以, 預算今日去搶購..

唉.. 其實, 一直都沒有參與過... 沒有想像過有幾震撼... 不過, 上村巴, 見鄰居X師奶, 佢都係去買野, 不過, 佢去買枕頭... 佢知我去超市, 就驚道: 你竟然敢去!!

我不以為意... 去到超市, 真太墟冚!! 人龍完全不知道是頭是尾... 總之, 全場都係蛇餅... 我都算找到我要的烏冬... 不過行唔夠兩步, 找不到龍尾, 回心一想, 都係放棄... 於是, 放下.. 找路離開.. 單單要離開, 都過五關, 斬六將..

唉... 一場出去... 都冇理由空手而回.. 於是, 走去CITI, 買同一樣的東西... 不過, 兩件就貴左50大元...  (冇半價嘛!!)...  (因為那個牌子的烏冬, 在我屋企附近冇得賣... 所以, 一定要出去買.. )

買左, 總算有交待...

妹仔回來, 我對佢講:  我又失敗左... 真係冇辦法成為一位成功的師奶...

開始趕工

妹仔今年10-11月要考LTCL(琴試), 這個月開始趕工..  雖然每日都不是練習很多.. (其實跟平日差不多.. ).. 不過, 她的態度認真了..

目前情況, 應該是三首歌... BACH TOCCATA, MOZART, CHOPIN... 首首都有份量, 都極不容易..

實在, 今次考試, 是我最冇信心的一次... 我並不覺得她有這樣的實力, 去演繹這些歌... 始終, 音樂是藝術, 到這種級數的考試, 表達力是非常重要... 暫時, 我聽不到妹仔音樂裡的藝術性.. (她的音樂沒有感情... ).. 這也很難... 事實上, 年紀太輕.. 個人自己都未有感情, 又何來有感情表達...

所以, 今次都真係隨緣吧...

補充劑

我一向都沒有吃營養補充劑的習慣, 因為覺得飲食均衡就可以.. 不過, 最近身痕, 網購了兩種營養補充劑回家...

第一盒是藍莓丸... 因為年紀問題, 眼力日差, 兼且早一陣, 覺得非常眼乾眼澀, 心思思下, 買了一盒藍莓丸.. (實在冇辦法吃下大量新鮮藍莓.. )... 不過, 回來一看, 原來是膠囊, 生平不愛capsules, 因為最似吃藥... 當然, 記性又差, 吃了幾日, 就忘記左..

另一款是SKIN, HAIR and NAILS... with Blood Orange and Beetroot powders, 是一樽液體, 每天飲用10ml.. 味道怪怪地... 還可以... 我發覺自己寧願飲, 好過吃藥丸... (真係純粹習慣及個人喜好... )... 吃了十天左右... 並沒有發覺有什麼特別..  其實當初購買, 都係玩玩下... 覺得養下顏... (成份又冇特別... 照計唔會吃壞人..  )

不過, 我估計, 吃完這兩味, 我都不會再買... 因為, 我冇心機日日吃...

有冇計傾??

一位不太熟悉我的朋友知道我常常同妹仔去旅行, 佢問: 你同囡囡有冇計傾架?? (言下之意, 妹仔14歲, 反叛期, 應該同亞媽冇計傾.. 事關佢自己反叛期的時候, 幾乎離家出走.. )

我答: 當然有.. 好多野講... (其實, 每次我見完我班朋友, 妹仔就一定會嚴刑逼供, 要知道我同朋友講D乜... 做亞媽都冇乜自由.. )

我亦認識佢班同學仔.. 基本上, 佢D老友我都識, 見到面會打招呼.. 有時, 亦要做D亞四工作..

妹仔話, 月尾幫老友搞個SURPRISE PARTY, 要我煮燒賣魚蛋, 仲要送去會場... 亞四要出馬, 送外賣, 不過, 送完外賣, 就要BYE BYE, 貼士都冇架..

另外, 做PROJECT, 又要出錢出力.. 買料, 動手, 動腦, 提意見.. 總之, 佢一開口問, 就最好準備好答案...  (講開, 上次SCIENCE PROJECT, 妹仔攞奬... 老師一叫佢個隊, 我就幾乎想行出去.. 我想講, 其實, 我做得最多, 個獎應該俾我!!)

亞四若此, 都一定會有計傾卦..  事關, 凡事冇托手爭, 又唔敢依哦, 算係咁..

不過, 朋友依然提醒我: 有計傾, 就傾多D喇...

母親節禮物

今年母親節, 妹仔請我吃一隻蛋..

妹仔問: 喂! 我煎隻太陽蛋俾你, 賀你母親節, 你食唔食??

我答: 梗係食.. 有得吃梗係吃!!

妹仔話: 不過, 你要洗鑊!

我話: 洗咪洗囉..

妹仔真係去煎蛋... 不過, 第一隻.. 浪費左.. 佢打左唔知去邊...  第二隻, 我叫佢係碗邊打, 終於成功... 有得吃.. 都煎得唔錯, 真係太陽蛋..

當然, 煎一隻蛋, 洗左幾件野...

不過, 千祈唔好嫌棄... 否則, 明年, 蛋都冇得吃!!

工多藝熟

自問廚藝一般.. 不過根據妹仔的評價, 我煲粥比婆婆好吃.. (好難得.. ) 無他, 工多藝熟..

事因, 晚餐不由我煮... 但是, 妹仔的午餐則多由我侍候... (因為老媽子打麻雀去了.. ).. 而妹仔極喜歡吃粥... 於是, 做得多, 自然醒少少..  兼且, 我底子差, 所以, 聽教聽話... 見電視上YAN CAN COOK, 甄文達教煲粥, 就學下, 真係幾好喎...

YAN教,  煲粥要全程開蓋... 沸水後才下料..  早段30至40分鐘用大火.. (令粥料不斷滾動.. 就不怕黐底.. ) .. 後段, 用細火.. (後段, 我不時要用湯匙攪下, 怕黏底.. )

大概一小時左右, 一煲水變半煲粥... 就OK..

真係幾簡單.. 尤其前半段, 基本可以放下不理.. 甚少黐底..

材料.. 瘦肉, 牛肉, 皮蛋... 都用過.. 都OK..

煲粥... 是唯一妹仔覺得我做得比老媽子好的料理...

50...

今日是堂姐50歲生日... 我都幾乎忘記... 好彩有FB... 急忙SEND MSG去恭喜下..

老老實實, 老朋友一個二個入伍, 真係歲月不饒人.. 不過, 因為自己身邊的人同自己差不多背境, 所以, 大家的50歲都差不多...

其他人, 50歲... 可以係點??

認識H師奶, 大家同歲, 佢朝朝去湊孫返幼稚園... 日常最努力就係打CANDY CRUSH.

認識M姐, 大家同歲, 佢今年BOOK左大家, 年尾幫佢慶祝銀婚.. 今年又送左個女出國讀大學..

又有男同學, 囝囝早兩年前出生, 今年剛入幼兒班...

50歲.. 卜卜脆..

做PROJECT

妹仔最近忙於做Science Project.. 要衝到本星期五才能完工..  論到佢做Science Project, 我就頭痕..  因為佢一天到黑嗌救命, 要我去幫手.. (最慘係佢個拍檔, 過完暑假就去加拿大, 所以, 都冇乜參與...  )

由買料開始, 就要幫佢張羅...  然後寫procedures, 又要慢慢教...  做完左, 又要教佢寫report. 仲要寫reflection (反省).

幾十年冇做呢D野... 做返轉頭, 都仲有D功力.. 

妹仔做實驗, 要把沙加水泥, 成為混凝土(CONCRETE), 要決定最佳比例.. 

我提議佢寫reflection, 其中一點, 就係實驗在香港天氣下進行, (某一溫度和濕度), 所以, 無法推算在其他環境下, 結果會否一致... 亦有提及無法(沒有儀器)量化完成品所能承受的衝力, 以準確知道成品的堅硬度..

我所描述的, 都是非常客觀和科學化, 但係, 我估佢唔係好明白, 我講緊D乜...

不過, 以一個中學生來說, 佢個project都算OK... 我其實唔明, 做乜依家讀書, 咁多野做架??

醒目仔

最近, 認識一位小朋友入男拔.. 小男孩, 真醒目仔! 因為我做義工, 教幼稚園生, 所以, 觀察所得, 這一位小男孩有幾個特別出色的地方, 可以供各仰慕名校的家長參考..

(1) 專注力極強, 理解能力亦高..  我們講故事, 佢非常專心... 10分鐘故事時間完結, 基本上可以解答老師所有提問, 包括一些較深奧的問題.. (答案並不明顯, 需要理解和思考的.. ).. 當然, 守秩序之餘, 亦主動性強, 自己舉手回答..

(2) 喜歡不同的知識, 中文好, 英語能力強.. (主要為對話能力...).. 有時候, 我地唔識D動物英文名, 都問下醒目仔, 佢都真係好掂..  仲教我地.. King Penguin, Macaroni Penguin.. 我地笑佢, 不過, 其實, 真係有呢D動物喎.. 真瘀爆.. (我估佢睇好多National Geographic.)

(3) 獨立並有自理能力, 活潑好動... 雖然佢識好多, 但係一D都唔呆.. 全日都蹦蹦跳, 不過, 一經勸諭, 就可收歛..

(4) 創作力高.. 佢最鍾意玩泥膠..  做好多好有創意的動物..  (佢細細個就好鍾意動物.. 我地觀察左佢兩年.. )

(5) 冇特殊技能... 雖然佢學拉小提琴, 但就不屬於超班一種.. 但基本音樂知識, 都朗朗上口.. 譬如: 拍子, 音符, 大細聲...  (所以, 都不一定要過早催谷..)

所以, 我諗, 其實, 小朋友天資故然重要, 另外, 讓他們接觸多一些古靈精怪知識, 多與人相處, 多訓練獨立和自理能力, 可能比硬吞一些補習班為好... (尤其面試班.. 因為面試班教不到專注和理解力, 還有其他小朋友真正有興趣的東西. ) 

不過, 話說回來... 其他小朋友都有很多優點, 雖然不是個個都入名校.. 有一些特別開朗, 有一些會禮讓, 有一些鍾意做大佬, 有一些好LADY... 當然, 仲有一些好得意, 一天到晚都傻笑.. 

其實, 每一位小朋友都係一份禮物!! 

對話

某早上, 妹仔遺忘了八達通在我的手袋裡, 我發現時, 已經8點多.. 但就沒有收到妹仔的來電求救... 

放學時, 我問妹仔 : 你忘記帶八達通, 點解冇CALL我？

妹仔答: 錢解決到的問題, 就唔係問題啦!!  我有銀包嘛!

近幾日, 我被妹仔傳染, 患感冒, 不到兩日, 妹仔痊癒, 我卻要見醫生, 我對妹仔講: 最衰都係你, 傳染我!

妹仔白我一眼, 說: 最衰都係你自己, 抵抗力咁差!!

唉!  我覺得自己對住丁蟹講野...

World's Best Diet

昨晚睇明珠台一個資訊節目, 叫做 World's Best Diet.. 幾好睇, mytv 現在有重播.. 裡面選左世界頭20名的健康飲食的地方 (國家 或 地方 或 團體).. 以當地人的壽命和健康狀況為排名標準.

中國竟然排18, 唔太差.. 佢地話, 雖然中國食白米其實不太健康, 但係因為飲食中加入了大量蔬菜, 所以都排得幾高..

韓國排13, 韓國食物的特色, 是大量蔬菜水果, 魚, 但是, 韓國人的飲食, 基本上是無乳製品... 日本亦排第6..

另外, 排得高, 仲有東南亞幾個國家, 印度.. (因為食物有大量天然香料. )

還有法國, 西班牙, 地中海國家如:意大利.. 佢地特色係, 多芝士 (乳製品), 紅酒, 檻欖油...

又有一個國家, 多吃椰子... 另一國多吃朱古力 (可可)..

第一名是冰島... 多魚, 多乳製品, 多粗糧 (替代水果)..少菜蔬..

你會發現, 這些國家, 並無統一的吃法, 都是 " 靠山吃山, 靠水吃水 ".. 但有一個共通點, 就係少吃預製食品和快餐類食物... (processed food and fast food)..

所以, 頭20名裡, 全無北美國家, 甚或一些發達的歐洲國家 (如英國, 德國).

裡面一位冰島男人.. 年紀50歲, 但身形FIT爆, 肌肉線條超正, 以為佢只得30歲... 佢對飲食的心得是 : 盡量以食物的本質來進食..譬如食魚.. 生食就是100%營養.. 蒸煮有80%..  煎只剩60%... 炸就只得40%.. 如果做到不似本形, 那麼根本就再不是魚!!  (這也一個很好的理念.. )

再諗翻轉頭, 其實香港都應該上榜, 因為平均年歲亦高據榜首... 但是, 香港人的飲食習慣奇差喎, 豈不是他的驗證有誤... 非也... 香港人現在的平均年歲, 是以我地老爸老媽的年歲為準.. 香港上一輩的飲食習慣其實非常好... 一般人亦都是清茶淡飲, 最多上茶樓一盅兩件.. 而且飲大量中國茶.. 老人家甚少吃零食, 好多都係新馬仔, 鄧寄塵的身型... 但係... 香港的長壽紀錄, 可能到下一代就會改寫, 因為滲雜了太多西方快餐零食文化... 現在, 香港愈來愈多肥仔肥女.. 真係好唔掂... 

最好游蝶式

根據一些報導, 減肥最好游蝶式, 因為卡路里消耗最多..

我對妹仔說 : 游蝶式啦.. 游蝶式減肥最好... 條腰仲會好幼細架.

妹仔答 :  唉.. 不過個膊頭會好橫哩...  兼且會斷氣架..

我話 : 但係最好喎!!

妹仔想一想, 話 : 不如蝶式腳, 自由式手, 咁就GOOD FIT..

我諗, 唉.. 唔知仲有冇得游, 依家繼續努力搵泳會...

其實, 妹仔D蝶式都唔錯, 姿勢好靚... 不過, 佢從來唔肯比賽蝶式, 因為佢覺得搏命游50米會斷氣... 到時可能去唔到對岸, 要浮過去.

身體轉變

妹仔高興的對我說 : 今年去韓國, 終於可以減少買暗瘡用品, 只需專注搜購保濕護膚用品喇..

確實, 妹仔的皮膚大有改善..

我對妹仔說 : 我忽然記起, 你連晚上磨牙的情況都改善了..  (以前, 妹仔在入睡之後, 經常有磨牙的情況, 磨到好大聲... 近年已甚少聽見.. )

妹仔答: 真的嗎? 我不知道... 亦沒辦法改這個習慣..

我說: 真呀.. 是否因為精神壓力或緊張?  近期是否沒有以前那麼緊張??

妹仔答 : 唔係... 一向都唔緊張!!

我再細想一下, 其實, 近年, 妹仔的身體狀況有明顯的轉變,  除了皮膚好轉, 磨牙減少, 連鼻敏感和氣管問題都減少了很多..  深究下去, 可能因為妹仔的飲食習慣改了很多...

(1) 不再飲用牛奶, 改飲杏仁奶.. (因為乳製品容易引起炎症, 所以我改用了杏仁奶, 杏仁有豐富OMEGA-3.)

(2) 大量減少了吃肉, 尤其牛肉.. (以前妹仔無肉不歡, 現在根本不會主動要求吃牛肉. )

(3) 多吃了許多不同種類的水果和蔬菜.. (妹仔開始嘗試不同的水果, 接受能力亦高了很多. 於是, 我買了很多季節性的水果.. )

(4) 下午茶時段, 放棄了很多高熱量食物, 改而吃粥品, 通心粉..

(5) 減少了零食和高糖食物.. 薯片, 雪糕, 朱古力奶, 蛋糕等.. (以前去茶餐廳, 總要飲好立克或華田, 近期, 跟我飲無糖熱檸水.. )

再想深一層, 真要多謝妹仔臉上的暗瘡, 其實, 妹仔一向都抗拒杏仁奶, 熱檸水, 甚至某些水果.. 因為暗瘡問題, 妹仔才願意聽我的勸諭..  但我只要說, 這食物對治療暗瘡有幫助, 她就會接受.

另外, 我亦告訴她, 某些食物不宜食用, 因為對皮膚不好, 包括: 吸煙, 咖啡, 汽水, 煎炸... (我打定底, 希望佢將來會食得健康. )

真的要退役?

剛收到泳會的通知, 這暑期的訓練班再沒有專車來接送學生... 因為我區的學生只剩五名, 不划算..

唉!!  終於要離隊了... 妹仔在這個泳會操練足有9個年頭... 多次想退役, 都沒有退下來.. 當然, 近年每週只練一天, 已算不上是什麼泳隊隊員了.. 不過, 每當我叫妹仔退隊, 妹仔都不願意, 她覺得依然學得很高興..

這一回, 真的要退了...  但是, 妹仔卻說, 想再繼續練下去.. 唉... 現在, 惟有到附近的泳會詢問一下, 希望有類近程度的班別, 讓妹仔繼續游下去..

想一想, 真奇怪... 以前要千方百計, 都要逼佢游, 現在冇得游 (我都想佢停), 佢就話要繼續..  有時候, 做人真煩..

泰林

巴士經過泰林電器行... 鋪面依然緊閉..

妹仔問 : 呢間泰林係乜東東?

我答 : 係以前的電器鋪, 以前冇咁多電器... 一間屋企就係得電視, 洗衣機, 雪櫃, 再加個電飯煲.. 以前D人買電器係大件事, 好多時都要來旺角去買, 唔似依家, 區區都有電器鋪, 仲有, 最貴的電器都係D細部野... 都以前好唔同架..

妹仔都未必明白... 佢完全想像唔到香港人的舊歷史... 不過, 佢都算係咁, 都有興趣知道下..

妹仔又話, 同學仔亞N係本土派!!

我話 :本土派?? 連中文字都唔識多個, 點做本土派?? 對香港歷史和文化都唔識, 點係本土派? 不如叫做極端派會好D!

或者, 應該叫大台重播D粵語片, 等D番書仔學下..  

腸敏感

這是一位朋友的經驗, 有點參考價值..  朋友的兒子 (18歲)長年都有腸道敏感, 當壓力大或精神緊張的時候, 就會嚴重肚瀉, 影響到不能上課..

朋友嘗試一個食療方法, 大大改善了兒子的問題.

她給兒子吃高純度的Manuka蜜糖 (UMF 20+)..

如果有同樣問題, 可以考慮試一下.   不過, 這種東西在香港比較難買..

再次SOLO

妹仔剛剛說 : 今年學校樂團, 又有份Flute Solo..

我問 : 又有份? 你今年一隊有幾個都勁過你喎... (妹仔今年升去最高級的一隊, 其他人去年已經在隊.. )

妹仔答 : 係呀.. 除了E吹picolo solo.. 我就係flute Solo, 點解揀我?? 我點知啫!! 我都以為係F或者J...

我話 : OK.. 咁我去睇你學校個concert啦... (其實, 我懶到唔想去... )

我覺得以妹仔練長笛的勤力程度 (每星期只練15分鐘), 佢冇理由可以SOLO, 不過, 可能其他人連15分鐘都冇... 又或者, 妹仔真係有D天份... 又或者, 因為亞SIR識我, 所以俾面... 嘻!!   

大時代

這兩日聽得最多... 就係 : 大時代!!  冇辦法!! 股市嚇死人, 彈升1600點+..  股票動輒升20%+, 如果升低過10%, 就係好差的投資... 陰功!

今日去茶樓, 師奶圍坐, C奶呻道 :銀行個電話打唔通呀, 想放貨都做唔到!!

猶記得多年前, Internet Banking未算好流行, 我都係打唔通電話, 所以, 後來一怒之下, online做買賣, 連銀行電話和自己個PHONE BANKING密碼都忘記左... 到現在, 其實, 都應該考慮下用Smartphone Apps來處理.. 因為, 我並不是常常坐在電腦邊.. 不過, 基於電話非常容易遺失又容易被heck, 所以, 都未下定決心...

但係, 好似昨日的大時代, 根本分分鐘在變, 而且變幅極大... 如果以前係坐過山車, 今日係音速飛行...  所以, 唔得閒, 行開左, 都幾頭痛... (好似C奶, 昨日去拜山, 就打唔通電話... )

Anyway... 大時代又來臨... 真係要扣好安全帶.. 我都勸老媽子.. 千祈唔好忍到最後, 先去接火棒.. 

現在, 街頭巷尾, 師奶阿伯都講股票, 真係開始唔掂.. 不過, 仲會滾一輪.. 不久之後, D打工仔辭工炒股, 個市就差不多癲夠.. 老實講, 天下實在冇不勞而獲..

我都在檢視自己的存貨, 開始覺得現價股息率再不理想之時, 就放貨..  (即是, 股價已經過高了.)

千祈咪搞..

妹仔昨日入營, 因為天氣驟然變冷, 跌左10度, 佢冇帶夠保暖衣物.. 而營地其實在屋企附近..

我飲完早茶, 見佢地一班同學帶住篋, 行去營地, 就特地在路口等佢.. 當時我身上披住一條頸巾, 諗住問下佢, 要唔要攞去保暖... 

其實, 唔問都知, 妹仔一定唔要...  我見佢一大班同學, 個個短衫短褲, 我已經好吟沉, 逼佢著長褲, 亦帶長褲... 所以, 明知係自討無趣..

妹仔行過, 見到我.. 我問佢要唔要頸巾, 佢答話 : 你快D返屋企!!  (無辦法啦.. 我都估到架啦. )

到晚上, 天氣更涼, 只得十五度左右 (新界區)... 老媽子話 : 你快D攞件厚衫去營地俾佢啦!!

我冇咁好氣, 答: 千祈咪搞, 想死就易D... 佢見到我, 瘀爆啦!!

老媽子仲話 : 冷病左就麻煩啦..

我心諗 : 佢冷病都唔肯著架...

有時候, 唔係我唔肯做.... 而係... 無謂搞住佢...

PS : 我最醒目, 就係臨出門口, 塞左一盒紙巾俾佢... 怕佢睡覺會鼻感敏... 算係咁喇..

咩性格?

妹仔問我 : 你覺得我係咩性格?

我諗左一陣, 話 : 蠢囉! 惡囉!!

妹仔再問 : 仲有呢? 仲有呢? 講真D..

我鬼知咩!  自己仔女永遠都係幼稚雞喇...  我真係諗左好耐, 話 : 其實哩.. 你係個開創能力好強, 又好有毅力的人..

妹仔搖搖頭, 話 : 你有咩EXAMPLE?

我話 : 你學琴個GROUP, 你係唯一生存下來的人..  你仲死頂住... 仲唔係夠毅力!!

妹仔話 : 唔算... 你再諗下其他..  我覺得我冇開創, 亦冇毅力...

我諗左好耐, 都係諗唔到... 真煩!  唔好叫我諗啦... 唔該..

PS: 年輕人好鍾意做埋D性格分析... 我地D老鬼, 都費事做埋呢D野...  一來好瞭解自己, 二來, 睇得通透, 咩性格都冇所謂啦, 求其有一日過一日就算啦..

美容大王奇招..

唉.. 又被美容大王搵笨喇...

美容大王話 : 如果想去斑, 就用香蕉皮省面...  (係香蕉皮, 唔係西瓜皮.. )

美容大王指點, 我就試下.. 吃完一條蕉, 就用塊皮來省面... 省下省下... 省完去照鏡.. 嘩.. 烏卒卒架..  又烏糟..  如無意外, 就係被搵笨喇...

不過, 美容大王介紹左隻HAND MASK, 都幾好喎... 用完真係滑左..

假日做遊客

這個假期, 抽左兩日, 同妹仔去做遊客, 在香港觀光, 支持本港經濟...

一日走去赤柱... 妹仔話, 都唔似香港, 好似外國... 四處都係鬼佬..  去赤柱大街.. 妹仔買左兩件小飾物... 

我話 : 可能同韓國價錢差不多... 睇來, 可能仲會平DD..

去赤柱, 妹仔最大興趣, 並非海灘美景, 而是一路上的豪門大宅..  妹仔豪言壯語 : 我將來要住入去先得..

我話 : 一係你就搵定個有錢師兄... 一係就等下世投胎, 記往個門牌...

第二日, 我地去離島..  妹仔又話, 都係唔似香港.. 冇辦法.. 大鄉里出城..  不過, 是日, 妹仔的最高享受, 係食左不同的地道美食... 豆腐花, 海帶綠豆沙, 茶果, 雞屎藤茶果, 檸檬薏米水..  真係睇風景係次要, 最緊要有好野食..  (妹仔都唔係好肯行, 佢話冇興趣睇風景云云..所以, 我地都經常離隊, 走左去食野.. )

但係... 都難得妹仔肯出門... 事關依家D細路, 淨係鍾意上網打機, 完全足不出戶... 所以, 難得妹仔有興趣跟我四圍去..  都非常GOOD FIT喇... 

玩下...

妹仔去街, 有新興趣, 就係去試化粧品SAMPLE..

同佢行過BODY SHOP, 見入面SALES招呼緊幾個人, 妹仔就話要入去, 然後就試SAMPLE, 又聞下新款BODY BUTTER的味道... 隻隻蓋都打開下...

然後, 有班菲傭, 我地當然跟住, 又支支去搞下.. 班菲傭走人, 我地就跟住走... 妹仔就真高興..

跟住, 去其他地方, 都係試下玩下...

其實, 妹仔的興趣, 可能真係美容化粧... 

進化

妹仔話 : 阿B同學終於進化到著HOODY (那一款連帽的衛衣)..

哈... 進化... 由什麼進化??

妹仔話 : 由童裝進化囉!!

哈... 童裝?! 阿B同學仲高過你喎!!

妹仔答 : 佢瘦嘛!!  都好!! 終於進化到脫離童裝!

你幾年前已經唔肯著童裝, 要著HOODY.. 依家唔買HOODY, 要著少女時裝..

妹仔笑語:  係囉..  睇下佢幾時再進化..

PS:  我諗... 我在退化中.. 因為我著翻轉頭, 著妹仔D衫... (佢著幾次就唔著, 唯有我啃左佢.. ).. 唉!!

How not to get old...

最近大台劇集又唔好睇, 於是, 轉去睇明珠台..

星期四晚, 有一套叫做 How Not to Get Old.. 都好過癮..  是真人騷, 每次都有一些人接受整容手術, 或美容療程.. 主持又去試坊間不同的醫學美容方法... 睇下D效果..

昨晚, 有一位中年女士 (大概40歲), 去接受LASER治療皮膚, 不過並非面部皮膚, 而係胸口的皮膚... 因為佢年輕時經常曬日光浴, 皮膚受嚴重傷害, 到中年後, 胸口皮膚好似燒雞皮一樣... 我對妹仔講 : 燒豬皮都靚過佢!!

幫佢的皮膚醫生講 : 日光係皮膚最大敵人, 再嚴重一點, 就會變成皮膚癌...

妹仔嘆謂 : 嗱! D鬼佬就蠢, 一味鍾意曬, 要TAN.. 亞洲人(尤其韓人)就聰明, 當個太陽係仇人!!

妹仔話 : 我都話啦! 防曬係日日都要做.. 無論天氣如何, 戶內戶外, 都要做架..

我答 : 哦!!

老媽子行過來, 對妹仔話 : 俾我睇你粒眼瘡...  (然後, 就想用手掂妹仔塊面..)

妹仔馬上彈開, 叫道 : 你唔好用手掂我塊面...

有冇搞錯!! 掂下都唔得!!

美容大王馬上話 : 你隻手污糟架..

PS : 可能, 將來, 呢個BLOG要改名, 叫做 "美容大王真人騷", 睇下妹仔到左30歲, D皮膚係唔係靚到識飛...

報左名喇..

今日去左柏斯,  報名交費... LTCL考試費真貴... HKD6000+...

依家就要督促住妹仔, 靈靈性性, 考個PASS, 唔好浪費..

不過, 週末, 妹仔上完課返來, 話又要轉曲目... 似乎, 依家只有BACH同MOZART敲定, 其他就未得..

最近, 妹仔練緊CHOPIN的離別曲(Etudes OP.10 No.3), 此曲乃我的飛佛... 所以, 妹仔練習時, 就話, 我都知你最鍾意呢首..  但係, 佢就彈到亂曬龍, 一D感情都冇... 唉呀..

朋友

妹仔話 : 我覺得亞B好煩, 佢SCIENCE好唔掂, 在堂上不斷問我, 搞到我好煩.. 佢仲話我, 唔好咁惡死鬧佢...  亞F就好D, 淨係抄我D功課, 唔會出聲煩住我..

我話 : 咁你又唔好鬧人... 佢可能真係唔掂哩!

妹仔又話 : 我真係教極佢都係唔明喎!

我話 : 都冇辦法啦... 有D野真係會教極都唔明架...  我讀大學時,  隔籬兩個男同學, 餐餐做LAB都唔預備, 次次開LAB, 第一件事, 就走來煩住我, 要我從頭教佢地做... 我都覺得好煩, 佢地堂堂都阻住我... 我入LAB, 快手快腳, 做完就放學, 但係就偏偏俾佢地阻住... 都冇辦法啦... 一做就4年, 年年企隔籬. (冇辦法, 排姓氏, 我一定夾在中間..慘!)..不過, 依家, 做左幾十年朋友囉..

我又話 : 仲有你班AUNTIE, 一樣係講極都唔明... 冇辦法啦... 不過, 一做就做左幾十年老友.. 所以, 你唔駛煩..

LTCL - Debussy L'Isle Joyeuse

我都唔知妹仔點彈... 冇眼睇..

報名考LTCL...

終於在柏X攞到LTCL報名表, 今年3月23日開始報名.. 

跟老師商量完, 終於決定10-11月考琴... 因為妹仔未準備好, 所以, 由8月推遲至10-11月.. 另外, 又要轉曲目... 原先兩首Romance, 20th century要轉, 轉另一首蕭邦, 還有德布西.. 唉呀!  其實見佢BEE-BU.. BEE-BU, 一直都係咁上下, 就知道佢唔係好掂... 希望新的兩首可以OK啦..

另外,  BACH同MOZART就開始似樣... 起碼彈得熟..

因為考琴改時間, 連帶長笛都要推遲到明年四月... 無謂逼到癲左, 浪費時間同金錢..

今日, 妹仔去學琴, 我聽到老師話, 叫佢四月份要彈熟德布西同蕭邦... 唉呀呀! 都唔知佢掂唔掂... 冇眼睇..

妹仔返家途中, 話... 佢變左一隻ZOMBIE (喪屍)..  受到音樂咒詛的ZOMBIE...

我即刻做隻ZOMBIE樣, 行兩步俾佢睇...

選科

妹仔今日回來, 對我講 : 我有一個壞消息... 我選科失敗左... 老師不准我TAKE兩科數學... 現在, 要退回, 只能修一科... 餘下學分可能隨便修一科...

點解??

妹仔答 : 可能要超勁先可以TAKE兩科MATH... 我不屬於超勁... 不過, 我會TAKE HONS GEOM.. 我仲可以TAKE HONS, 有一些人連HONS都不能TAKE..

我話 : OK.. 都不是一個太壞的消息.. TAKE少一科可以休息一下..

妹仔又話 : D同學問我, 大學想讀邊科?

咁你點答?

妹仔話 : 我現在不會考慮, 等多兩年至想... 無謂給自己太大壓力...

我話 : 都好... 不用想那麼多...

我又對妹仔講 : 你都不一定要讀SCIENCE..  又反過來講, SCIENCE可以當一個學科去讀, 跟其他學科沒有分別.. 亦可以用一個SCIENTIST的心態去讀... 所以, 都冇所謂... 不過, 我要提醒你, 做SCIENTIST係極沉悶的, 要有很大興趣..

亞四論

某天, 妹仔打開佢部MAC BOOK, 見到有部內置WEB CAM... 我話 : 你第日幫我部機裝部WEB CAM, 等我可以同你視像..

妹仔答 : 我可能在對面返學喎.. 唔駛用架喎!

我話 : 唉! 你唔想出去, 就因為有我這個亞四!

妹仔話 : 車!! E的父母都非常錫佢, 佢都想出國留學啦.. 唔關你事架..

我話 : E的父母兩個都返工, 只係大水喉..

妹仔話 : 係囉! E年年都去歐洲, 著衫又靚, 佢父母錫到燶, 咪一樣話出國, 所以, 唔關你事!

我話 : 大水喉去到邊, 都係大水喉.... 但亞四不一樣, 亞四要貼身, 先係亞四!!  所以, 你唔需要黐住大水喉, 但就要黐住亞四!!

要報名了...

三月份... 是報名考樂器的日子..

琴行已經有message, 去報名考8-11月的ABRSM試...  另上, 上網亦看見, 聖三一的報名時間亦開始...

這兩天, 要到琴行和柏斯... 報名去..

長笛8級, 今年11月..  鋼琴LTCL, 今年8-9月.. 大概如此.

朋友問 : 妳亞女的長笛要練幾耐??

我答 : 唉! 一星期只聽佢吹15分鐘... 然後就去上堂.. 都唔知佢點搞.. 不過, 老師話可以去考, 咁就去考啦... 我都冇眼睇!

至於鋼琴LTCL... 每日練一個多小時... 彈成點?! 我都唔知架... 我只知道, LTCL的要求比ATCL又要再高一截...  希望合格... 就真係謝蒼天, 謝祖先囉!!

剛剛知道,  老師那一邊, 同妹仔同齡, 但比妹仔學得早, 考得快的同學仔, 本來今年話考LTCL, 郤又剛剛話今年暫時唔考... (當年, 妹仔剛開始學琴, 二年級, 佢已經考左5級destinction, 去年年中考左ATCL... 現在臨到報名LTCL, 郤又不考了... 似乎, 真係剩下妹仔一個... )

我同妹仔講 : 光頭仔今年唔考LTCL...

妹仔答 : 我今年考...  無論如何, 今年都考!

PS : 又遇上戰友家長, 家長話, 其實, ATCL係好難... 識得好多人都冇辦法一次過合格, 所以, 亞女合格, 已經好開心...

PS: 所以, 我都好擔心今次考LTCL... 實在, 對妹仔來說, 真正係實力的考驗!

另一階段

身邊的朋友, 子女開始步入高中... 大家三兩年沒有見面, 見面的話題有點改變... 以前, 大概講學乜學物... 升中有咩問題... 現在, 開始講囝囝囡囡想做咩工作, 想升學讀邊科...

以前, 苦苦爭逐的事情, 一時間全部不一樣... 大家不再講... 游水, 校際賽, 彈琴, 小提琴... 總之, 忽然間, 大家都不再想這些事情... 大家抬起頭, 就是子女入大學.. 選科..

又有子女讀大學的家長, 他們的擔心又不一樣...  雖然子女已在著名大學讀書, 但是, 家長仍擔心他們的求職的出路...  因為, 某某個仔讀醫科, 出來真係一條龍, 以後就穩穩妥妥做醫生... 某某個女讀完名牌大學, 一出來就入iBANK, 年薪幾十萬了...  自己細路都未知點算...

每一個階段都有每一個階段的難處...     不過, 還不是一步一步地走過... 看看犬兒犬女, 總之, 冇行差踏錯,  托賴托賴, 就會上軌道...

早一輪, 某些人對香港有個"涼薄論"... 認為香港人挨生挨死, 都無法安居... 實在是一個涼薄社會..

我就好懷疑... 其實, 有哪個社會不涼薄?? 與其說"涼薄", 不如說"現實"... 香港由開埠開始, 就是如此現實!  不過, 一代人又一代人走下來, 走了三代, 四代, 還不是如履薄冰地渡過, 在這裡安居樂業的人, 亦不知凡幾... 

我對妹仔的看法, 亦差不多... 社會很現實, 很涼薄, 競爭很大... 但是, 只要佢小心奕奕, 一步一步地走, 我樂觀地看到, 她將來會在社會中站得穩腳...

戰友

昨日, 在邨巴上遇見妹仔戰友的媽咪... 妹仔的戰友, 由鋼琴8級至ATCL都一起努力考... 戰友比妹仔大半歲,  今年中三...

不過, 戰友今年不再學琴了... 考完ATCL合格, 就停了下來... 她是妹仔最後一位戰友, 她也退役, 所以, 今年, 妹仔孤身作戰...

家長話 : 亞女唔肯再練了, 佢話, 要過一個正常的暑假... 不再閉關練琴... 其實, 都勸佢, 慢慢學翻, 唔考試, 亦唔比賽... 不過, 佢都唔肯..

我話 : 都好難講, 到這個年紀, 我地好難逼佢地.. 

妹仔回來, 我向佢報告...

佢話 : 係呀... 要過正常的暑假...

我話 : 你挨完這個暑假, 俾心機, 考埋合格... 我都冇眼睇囉...

Boyhood

睇左BOYHOOD... 三小時的電影... 中途要去廁所...

不過, 我看見有兒子的家長, 都鼓勵他們去看...  其中一個原因, 是讓他們預見男孩子的成長, 到時候, 不會覺得太突然, 太束手無策...

電影基本上是講一位男孩子由小一至高中畢業的故事... 故事完結於他入大學的時候..

其實, 故事裡的男孩一點也不壞...  只是他經過了一段成長過程..

看完電影, 我把WECHAT妹仔的表哥, 同佢講 : 我覺得男主角好似佢..

佢只問一句 : 男主角帥嗎?

我話 :帥！！！

佢只回答：那就成！！

表哥１８歲，正是那個男主角的年紀。。我相信那位男主角對別人的comment, 也是同樣的回應...  表哥的最大特徵, 就是說話永遠超低音... 咦咦哦哦一番... 永遠聽不到佢講乜...  然後, 一把頭髮掩蓋雙眼, 遮閉大半臉... 這就是那一位男主角的模樣...

哈哈... 原來... 表哥就是那典型... 所以, 大家都唔駛太緊張啦...

終於食得入口..

妹仔從小都鍾意搞搞震...

小學以前, 就在廁所亂搞... 將煮飯仔攞入廁所, 搞一大餐, 搞到濕曬... 又有泡, 又滑, 當時, 我一支沖涼液一個星期就玩完... 唉! 當然講都係唔聽, 所以屋企用最平果種..

到早兩三年, 佢轉地盤, 走去廚房玩...  玩婆婆D豆粉, 俾人鬧到飛起... 為左息事寧人, 我買D最平的麵粉俾佢, 又將一些過期物資俾佢玩... 總之, 佢用D食物來整餅... 有時連葱, 薑, 蛋都加入去玩... 當然, 我都要勸佢, 叫佢唔好玩食物... 就算要玩, 都做D食得的... 因為實在太浪費...

兼且, 洗廚房洗到我喊咁口... 

終於早幾日, 我午睡之時... 妹仔又入廚房搞...

我以為又一鑊泡..  點知, 佢自己搞左樣野, 食得架喎... 仲自己食曬...

佢話... 佢在WEB上找到一個RECIPE, 用刨刨一個薯仔, 然後加蛋, 加葱, 煎來吃... 都煎得熟喎..

PHEWWW... 浪費左咁多年, 終於做成一樣食得的... 真感恩...

如果, 當日, 我無容忍佢亂搞一通, 可能冇今日的成績...

不過, 我發現另一個問題... 我個鑊剷開始溶溶爛爛... 唉!!

TALENT

妹仔這個學期要上ART (美術)... 妹仔話, 這個美術老師很嚴格, 不單要交功課, 還要交靚功課, 所以, 今期ART打定輸數, 照計係C或D, 一定拖低GPA..

GEE... OK.. No Big Deal.. 不可能要求科科都掂... (當然, 有人係科科A, 但不是妹仔.. )

不過, 妹仔都好努力做ART功課..  近日, 佢要畫一幅素描, 畫自己隻手... 佢都好醒目, 映張相, Print out左, 然後, 照住畫...

Gee. 我初初唔知佢畫乜... 以為係卡通... 抽象畫... 因為隻手好似一隻.. 黑猩猩手.. 全隻手又肥又黑..

我問... 亞女, 你畫乜??  點解係黑猩猩手??

妹仔答... 唔係呀... 係素描呀... 不過, MISS話之前份功課太淺色, 冇SHADES of GREY.. 所以, 今次要用盡D不同的GREY LEVEL...

但係... 你全隻手都係得黑色喎...

妹仔答... OK.. 媽咪, 你幫我改下佢...

於是, 佢行開左.. 我就擦左大部份黑色... 然後再填過, 亦略改左..

妹仔返來, 話: 唔夠黑喎!!

我再加多兩筆... OK!!

我對妹仔講:  我終於見到一個畫畫天份比我差的人!!

妹仔打左我一身!!

PS:  小學時期, 唔會覺得咁參差... 科科都差不多.. 勤力一些, 就好一些... 到了中學... 有些科目, 冇天份, 就真係冇天份..  放雙倍的努力, 都徒勞無功... 不過, 對我來說, 那也是easy choice.. 冇天份的, 就別想它... 但係... 如果... 科科都冇天份, 點算?? 那麼, 可能讀書不是強項... 我也可以說... 讀書與過活並不完全相同... 我也見過很多... 沒有讀很多書的人, 後來是成功的.....但是, 也要慨嘆一聲... 到了中學, 我們作為家長, 實在沒有太多東西可以做了..

冇GMAIL.. FACEBOOK.. YAHOO HK

去上海過年, 最大問題係... 冇GMAIL, FACEBOOK.. YAHOO HK...

當然, 人生冇左打卡... 都做到人架... 不過, 完全上唔到EMAIL, 就真係有D麻煩..

事緣, 回程做ONLINE CHECKIN...  偉大的東航個網站真係激到爆, 做做下, SYSTEM ERROR... 都唔知自己做唔做到... 兼且去程時, 因為航班改客機形號, 被AIRLINE搬左去下一班機, 足足遲左4個鐘... 唉! 所以, 去程就係咁ONLINE CHECKIN 失敗左... (4個人只CHECK到2個.. )

於是... 回程一定再做事先做ONLINE CHECK IN... 又遇SYSTEM ERROR.. 4個人CHECK IN, 1個冇影..想翻入又入唔到...  所以, 又係嬲到死... 而更激氣係.. 我只得GMAIL, YAHOO HK的EMAIL ACCT.. 所以, 填寫都係通知到我個YAHOO ACCT... (因為明知在國內用唔到GMAIL..)

唉! 點知YAHOO HK都係上唔到!!

還幸, 去到機場, 班機唔滿... 4人都順利上機... 仲非常準時...  不過, 我就始終唔順氣, 究竟有冇做得到ONLINE CHECKIN.??

今日謎底解開... 我開自己個YAHOO MAIL... 發現原來AIRLINE有SEND個CONFIRMATION去我的EMAIL... 不過, 只係, 在國內.. 我冇辦法打開.. 所以, 睇唔到.. (又懶得打去AIRLINE問.. )

所以, 如果去國內旅行, 最好開一個QQ EMAIL..  有時真係會用得著..

其實, 我都有QQ EMAIL ACCOUNT... 萬一需要與人聯絡, 亦不致失聯..(當然, 普通聯繫可以用WA同WECHAT)... 不過, 因為幾年都冇用QQ.. 所以, 完全唔記得左ACCOUNT NAME同PASSWORD... 唉!!!

賀歲片

妹仔近年都要求睇賀歲片... 當然, 賀歲片睇完就唔會記得, 因為冇劇情.. 兼係用人海戰術...

今年, 妹仔要求睇 "衝上雲霄"... 唉呀! 其實, 睇電視免費, 點解要俾錢睇?! ANYWAY, 睇就睇啦!

在屋企附近一間戲院, 因為冇得上網買票... 昨日, 人山人海去排隊, 個蛇餅打左四個圈... 排左足足40分鐘先買到票.. 唉呀!

今早準備去睇... 妹仔先至講 : 網上評語好差喎! 冇劇情! D劇中人之間基本上冇關係! D航空鏡頭又假!  除左原本幾個主角, 其他角色非常唔掂!!  全套片似MV多過似電影!!

我話 : 買左飛, 都要去睇啦!  唔會差得過最近套韓國片啩!

入場... 真係冇幾多人睇... 可能昨日排隊班人, 多數係買DORAEMON, 或者喜羊羊.. 亦聽講套企鵝卡通反而滿座...

睇下睇下... 又真係幾似睇MV.. 不過D男主角真係老左D, 皮膚又乾又皺... 幾線愛情線又真係冇關係... 基本上, CAPTAIN COOL完全冇同其他人同場出現過...

不過... 彈完一輪... 結論係.. 套片都OK.. 只要抱住睇賀歲片的心態... 套片完全OK.. 千萬不要同本來的劇集比較... 完全兩回事!!

就算係人物性格, 都同原本劇集分別好大... 妹仔話... SAM哥笑得太多, 唔夠威嚴... CAPTAIN COOL又太專一...

我話... 其實, 係將原本兩個角色的性格溝勻... 再分開一人一半...

仲有... 間航空公司基本只有幾個員工... 副機長永遠係馬明... 空姐頭永遠係HEAD姐.. 幾慳皮.. 今次, 冇幾多演員.. 可能因為請左古天樂已經係太貴...  

總之,  記住... 係賀歲片... 就唔會失望...

換季

今年去上海過年, 年初三回港, 嚇然發覺春天來了, 潮濕溫暖... 於是, 將行李箱內的冬季衣服清洗完, 順手就收了幾件羽裓... 今年的冬天不太冷...  在上海也是一件毛衣加薄外衣就夠..

在上海過年, 其實跟香港差不多... 每天都在等食... 然後就是看香港電視..  唯一比較特別, 就是年初一, 大佬安排了去吃農家菜和摘士多啤梨.. (內地人叫草莓...)... 上海的草莓也真不錯.. 連老媽子非常怕酸, 也吃不停口..

也有一天帶妹仔去南京路步行街... 唉... 上海始終是上海, 在旺區總之人山人海... 加上落雨, 根本搶不到的士, 又沒有手機APP去打車, 最後唯有坐地鐵... 還幸, 細佬屋企在地鐵沿線, 兩個傻人總算安全抵步...   

 去上海... 老實說, 我就沒有太大興趣... 不過, 妹仔就非常高興, 有表弟表妹一起玩耍, 又可以大吃大喝, 還可以繼續SHOPPING.. 

過年... 忙忙碌碌又一年...

Perfectionist

E的家長在WA的群組上, 提及她的女兒每天做3小時功課, 故此每天都要到半夜才睡覺... 她的言論, 引起了一眾家長的討論.. 有人覺得功課太多, 又牽涉老師教得不好... 云云..

我也回覆了... 說 : 亞女每天只做1至2小時功課, OK呀..

我知道, 我犯了死罪...  因為... 冒犯了群眾.. 不過, 我真的再去問妹仔, 她也說 : 其實真的不算太多... 

昨晚, 回校見到E家長... 我對她說 : 真的不算多.. 但是, E是非常認真,  不像妹仔那麼HEA... 是但求其, 完成就算...

事實上, E是全級第一, 做到深宵都並不稀奇..

E家長亦知道, 那是E的問題.. 並不是所有人的問題..

妹仔亦說 : 冇辦法.. E is a perfectionist!!

E家長反而羨慕我... 說 : 你個女還有時間去考LTCL, 就真是厲害..

我心想 : 妹仔考LTCL, 亦是抱著過關就算的心態..  (不單如此, 妹仔還有時間去研究韓星, 韓妝, 韓食...  仲可以每日都做面膜, 敷MASK, 做豬鼻貼... 仲有每星期游一日水... 學吹笛.. 仲未計得閒去TEA同行街街.. )

所以, 妹仔都話 :我一定唔會做perfectionist!!

中庸

中國人的智慧, 一樣東西叫中庸.. 到這個年紀, 愈來愈覺得這是真智慧.. 因為凡事做得太極端, 都不是好事...

今天, 一位家長因為囡囡的事情而生氣... 我回來, 再三思量... 可能是因為大家的期望太高了, 才會因為一點不太重要的事情而生氣..

有時候, 期望與尊重, 也需要取其中庸..  太大的期望, 變成壓力, 也失去尊重, 尊重對方也是一個個體, 有自己的取向..  太多的尊重, 又會變成放任, 變得互不相干... 那是一個很困難的平衡, 也是很考人的..

我又想, 因為愛, 而有期望, 若沒有愛, 就根本不會有期望... 郤也因為愛, 要放下自己過高的期望, 而去學懂尊重, 尊重對方的選擇..

尤其當小朋友年紀愈長, 這功課就要學得更用功... 這當中的著墨點, 真是不容易掌握, 也因人而異..  難呀!

中學生

其實, 妹仔到今年才像一個中學生... 

我問佢 : 你今日早D返來, 要去做一點事情...

妹仔答 : 唔知喎... 未必得喎..

我話 : 如果你冇特別事, 就唔好留校HEA... 你早D返, 要同你影相攞PASSPORT..

妹仔答 : 未必得喎... 睇下點先算...

我想, 我中學時代都一樣...  其實未必有特別事情, 不過, 都一定留到晚飯時間, 才返屋企... 一入門口, 老媽子一定話 : 你又去做街坊保長!!

依家, 妹仔算好好多, 因為學校五點關門, 所以, 妹仔都唔可以留得太耐..

我地以前, 學校好似冇特定開門或關門時間, (有校工同修女留宿.. )... 所以, 一年到尾 (公眾假期), 都可以留校...  留校做乜? 有時會搞活動, 有時一班同學一齊做功課溫習, 有時打波, 有時就真係HEA.. 其實, HEA都係有益的活動, 因為可以學習與人相處...

生活就是這樣...

老友去左日本旅行,  POST的相片靚到飛起..  記得早一陣同妹仔講起, 妹仔問 : 點解AUNTIE可以時常去旅行?

我答話 : 無他, AUNTIE唔駛養你, 就有錢周圍去旅行..

妹仔問 : 你係唔係好羨慕?

我答 : 係架!!  不過都冇計啦!!

跟住, 妹仔就返去同婆婆告狀... 老媽子當然話 :你仲好啦, 有個女陪你!!

其實, 我都冇話唔好, 羨慕下都唔得... 真係冇人權...

上星期去九龍城辦年貨... 幾開心... 見到新奇野就買.. 一堆果仁糖, 一堆肉丸 (打邊爐用), 重到死...  抬番屋企, 樣樣試下, 又幾好味喎...

都係咁啦.. 過年流流, 都係要有D氣氛...  

妹仔14歲了!!

前兩日是妹仔14歲生日...  亦是她學琴滿6年的日子...

真是一轉眼的事... 學琴6年, ATCL合格.. 超出我本來的預期.. 我自己本來的預算, 到高中之時, 考完八級, 已經不錯.. 所以, 到現在她在準備LTCL, 已經是超標了.

我還記得... 我答應過妹仔... 到她八級之後, 她就可以自由選擇, 是否繼續學下去... 故此, 她正在考慮, 我也由她了..  我必須履行我的承諾..

正如當初答應過, 到了10歲, 她便可以自由選擇是否留在泳隊一樣.. 到今天, 她依然留在泳隊, 不過, 心態上已經很不一樣.. 現在每星期只操一課, 純粹是健康運動, 一種興趣..

故此, 到現在, 她對學琴的取向, 我也不太清楚.. 或者, LTCL之後, 她就會選擇放下..

她認為,  學業比較重要..  不過, 老實說, 餘下的時間, 她是否真的專注學業, 我也不敢肯定..

今天, 她的朋友又問她, 她想到那裡升學.. 妹仔說要留在香港... 她朋友說妹仔是暫時唯一一個想留港的..

當然, 妹仔又加了一句 : 不過, 我媽咪想我出國!

其實, 或者, 如果我話想佢留在香港, 佢就會想出國!!  等我下次試下!

通脹與通縮

四圍都喊通縮.. 惟獨香港年年都通脹, 都年年都有5%.. 貴得最多, 除左樓價, 就係食物...

今日又見奇境...  奇華一年一度大特價, 附近商場人龍排到落街... 真係勁!

不過, 事實上, 百物騰貴... 趁減價, 入定貨, 都係師奶們精打細算的美德... 不過, 我冇去排..事關, 兩條蛋卷一碗飯, 都係少食為妙..

尖沙咀熊仔曲奇, 排隊攞籌, 仲只限每人一日兩盒.. (我真係睬你都傻... 慘過饑荒輪米.. )

另外, 港姐曲奇在沙田分店, 有人告誡我, 出去之前, 最好打電話問有冇貨, 無謂白行一趟!!

某日, 在商場, 某師奶洋洋得意, 說 : 金莎... 我買左一箱!!

唉!! SUPPLY DEMAND.. 供求關係..  難怪食物價格飛漲... (唔可以怪責自由行... 有DEMAND好過冇DEMAND.. 到樣樣都冇人吼之時, 就真係苦過DEE DEE.. )

花園街

同老媽子行花園街... 原來, 已經很久沒有去過..  老媽子都幾高興, 又買糖, 又買開心果, 一路行一路食..

走去亞婆檔攤, 買條運動褲做睡褲... 兩條160元.. 老媽子想講價, (無他, 佢去到連鎖店, 都一樣講.. 興趣也!)..  我話 : 你唔好搞住亞婆啦... 10蚊8蚊.. 俾人賺下錢!  (於是, 老媽子就冇再出聲..)

走去買毛巾, 25元五條, 好抵買.. 老媽子問 : 你點解冇HELLO KITTY款呀?  老板話 : 賺幾毫子, 唔好搞呢D!!  我話 : 老板怕版權問題呀!  老媽子又話 : 你呢D係大陸貨..  老板話 : HELLO KITTY都係大陸貨咋!

又走入一間朱義盛, 買條手鍊俾妹仔... 

又行去一家車仔麵檔食午飯..   我坐落, 點解冇餐牌!  猶豫一陣, 見同枱女人攞住碗麵..  咦! 係喎!  要自己去買麵同揀餸架喎! 於是就行出去, 叫兩碗河粉... 我望住前面亞嬋, 睇下佢叫乜... 終於, 我記得點叫喇!!

一碗魚旦, 豬紅, 蘿蔔, 西洋菜..一碗菜餃, 西洋菜. 兩大碗, 盛惠62大元.. 我都食唔曬..

我發覺我似咩... 似遊客... 

以前九龍城獅子石道女人街, 我幾乎日日逛... 以前的生活, 今日, 竟然似遊客..

 

老人與海

今早, 到海邊晨運時, 碰見當年校草... (大學同學, 三十年前為校草.. 只記得當他走過宿舍樓下, 自有一群女生尖叫..  )

大家閒聊一會...

男士嘆說 :  早一陣, 無端端, 膝蓋附近移位, 搞左一個多月, 終於見醫生才搞掂..

我說 : 唉.. 咁慘! 年紀大, 運動要小心!

他又說 : 最近, 胃部又有問題, 總是有點消化不良的感覺.

我說 : 唔係胃酸倒流呀?!

他說 : 唔係.. 不過遲早都要去見醫生... 唉!!

我說 : 冇辦法, 到某年紀, 有D食物都消化不了... 以前吃得, 而家唔掂..

他又說 :  我下午仲要見牙醫!!  總之, 如果, 第日你要出書, 寫本"老人與海", 我企響度, 影張相, 就十足十喇! 

我說 : 唔怕! 你個殼都保養得幾好!!

他說 : 有鬼用咩!!

又係消費時候

歐元大跌... 澳元貶值... 除左美元, 各國貨幣都下滑... 依家做乜好?

當然係趁機消費...  所以, 要買進口貨 (除左美國同中國).. 吃呀.. 用呀...

日本餅乾...  澳洲車厘子... 真係應該買D歐洲貨... (除左瑞士錶.. )... 應該諗下自己想買D乜..

要認真D想一想..

至於投資...  唔知買乜.. 股市接近二萬五... 人民幣又似要貶值...  都係一動不如一靜.. 

結論都係, 投資不如消費... 開心下先... 

減肥

一班太太坐在一起, 一定講減肥...

有人節食, 跟餐單, 食肉唔食澱粉, 挨左兩個月, 就頂唔住..

有人晚上唔食飯..

個個都係咁!

不過, 有趣的是... 佢地見到人家homemade cookies, 忍唔住, 就一人食兩塊..

都幾有趣噃... 仲有, 佢地通常都唔做運動...  (不過, 老實講, 佢地叫減肥, 其實一D都唔肥... 最起碼都冇我咁肥, 磅數仲一定輕過我... 冇辦法! 師奶就係咁!)

最近, 我上網睇一個專欄, 係一位營養師寫的, 都幾好睇呀! 因為筆者係香港人, 所以, 題材比較貼身, 亦比較有用..  上網睇, 可以一次過睇埋佢以前D文章... 唔錯架...

有興趣控制體重, 可以去睇下... am730.. <黃凱詩>..

其實, 睇完左, 又有心減肥, 就知道, 冇乜特別唔食得... 但又冇乜野食得!

治咳方 (2)

一晚, 妹仔無端端半夜不斷咳嗽...  我估佢係寒咳..  用萬金油刷喉嚨都冇用... 忍無可忍, 起身沖杯薑茶俾佢飲..

佢飲完一陣, 冇再咳, 就再瞓番..  第二天起身, 冇再翻發..  唔需要睇醫生..

可能日間食左寒涼食物, 引致夜咳...  我諗, 飲薑茶冇大礙, 就試下, 好彩有效.

我沖的薑茶, 不是用生薑, 而係在超市買的薑茶沖劑, 我覺得都幾有薑味... 有時天氣太冷, 沖一杯自己飲, 都幾暖身... (又方便!)

不過, 市面上有不同的牌子, 有一些比較甜, 怕會惹痰... 我飲的一種, 是泰國牌子的蜜糖薑茶, 味道比較清, 不過, 就暫時只在佐敦裕華見到.

聆聽技巧

老媽話 : 支韓式燒汁就快用完... 不過, 都唔係幾好用!!

我答 : 哦! 咁即係買唔買??

老媽話 : 都唔係幾好用啫!

我答 :  OK.. 我去買!

過兩日, 老媽問 : 支韓式燒汁呢?

PS :某男士說 : 老婆話唔駛買禮物, 唔好洗錢...  佢咁講, 就一定要買!   老婆話唔得閒, 唔好搞咁多野,  佢咁講, 即係, 你送份禮物要名貴D!!

我立即俾個LIKE佢! 真醒目!!

PS:  有時候, 說話要有技巧...  聽野要更加有技巧!!

漸見雛型

妹仔練LTCL考試歌, 練左2個多月... 終於逐漸見型... 由最初完全唔知佢彈乜, 到開始有一部份彈得幾動聽.. 希望佢繼續努力, 今次可以考得好DD... 希望有70分啦...

老實講, 以佢這個年紀, 這個學琴的年月, 都算不錯... 我見佢都算快上手... 總之, 我不求什麼, 只求及格, 就OK兼VERY GOOD...

有時候, 自己都幾掙扎,  又想佢做好D, 又唔想俾任何壓力.. (不單是學琴, 連學業成績也一樣.).. 故此, 就要常常警惕自己, 不要期望過高... (冇期望就假!!)..  更不要吟吟沉沉... 始終, 都係佢自己要選擇, 要努力... 

昨日跟退休老友閒聊... 佢亞仔好叻!! 三年前入英國劍橋大學讀SCIENCE.. (係堅CAMBRIDGE).. 今年畢業,  考慮出路... 我老友(亞爸)叫佢返香港講醫科.. 其實, 未去劍橋, HKU 都收左佢講醫科... 不過, 亞仔想去劍橋見識見識... 今年畢業, 又要想去路..

亞爸勸亞仔... 就算翻轉頭讀醫, 都千祈唔好以為去劍橋係浪費.. 一世人幾十年, 兩三年不外如是... 而且, 在劍橋學習一定有得著... 亞爸非常樂觀... 亦好支持.. 不過, 亞仔就未決定..唔知係唔係想做 Research..

真係幾羨慕... 不過佢嗰句... 一世人幾十年, 兩三年不外如是.. 亦係好真實... 好多人白白浪費的.. 又何止三兩年!

別太緊張

今天跟兩位家長午膳... 大家走在一起, 都問 : 學校成績出左未??  原來, 大家都唔太清楚... 而我, 因為決定不再看妹仔的成績, 所以, 沒有再看ONLINE成績..

我對妹仔說 : 如果有問題, 就要通知我..

我不問, 反而妹仔自己來跟我報成績, 她粗略計一下, 都是中上的成績, 那就OK啦... 她說 : 因為兩科語文只得B, 所以, 成績跌了..

OK... 自己知道就好... 

我們幾位家長, 性格比較接近, 對成績看得沒有太重... 所以, 才可以閒來坐低聊天...

早一陣子, 有其他家長已經開始為小朋友報SAT班, 即美國公開考試的補習班... 我們大家同聲一嘆, 都覺得, 其實, 不用那麼早就準備... 不如學習其他東西, 又或者先學好自己的本科, 甚至同朋友仔去玩下, 都好過!!

接納意見

妹仔講起老友N.. N的壞習慣是震腳, 坐下來, 一會兒就震腳.. 我都知道她有這個習慣, 曾經叫妹仔勸佢... 我不知道妹仔有沒有做...

這一回, 妹仔說 : N投訴說, 一位AUNTIE說她不應震腳... 她覺得AUNTIE只憑她一個動作就JUDGE(判斷)佢, 不應該!

妹仔說 : 其實, 學校的中文老師都告誡過N.

我說 : 我覺得, 那一位AUNTIE只是JUDGE她的行為, 沒有JUDGE她的本人.

我又說 : N應該聽別人的勸告, 因為事實上, 其他人都會因為某些外表的原因, 而去判斷人... 對或錯, 不必探究, 只是, 這是一個事實... 將來出來社會, 沒有人會給你機會, 去了解你, 所以, 個人形象很重要.. 這純粹是為個人的利益的著想, 不存對錯..  亦不在乎平與貴, 最重要是乾淨整齊.. 捨棄個人形象, 損失的是自己.

事實是, 這個世界, 俊男美女會著數一點..

PS : 到了這個年紀,  我的教導要現實一些,  當然, 應該教 "不要以貌取人".. 不過, 這是自己對別人的態度...  而不是自己對自己的要求.. 

PS : 此外, 我對妹仔的勸告是.. 要接納別人的意見, 因為受惠的是自己, 人家不會有著數... 將來出來社會, 大把說話要聽, 亦有大把東西要學.

Concept of Momentum

妹仔學物理力學 (Mechanics).. 學Momentum..

妹仔當然學到唔清唔楚, 一般初初學物理, 都會較難理解, 因為純概念.. 不過, 一搞清楚, 其實, 這一科最容易, 完全唔駛讀都得..

妹仔求問於我, 我就教佢... 教conservation of momentum.. 教完一餐, 講原理, 講概念, 講實際用途.. (譬如: 火箭發射,  熱氣球上升.. ) 講左一大餐, 佢都淨係依起棚牙, 對住我笑... 激死.. 即係唔明白... 講極都唔明.. 點算?!

我仲做一條EXAMPLE俾佢睇...  都係一舊雲..  連Scalar, Vector都唔識, 激死我.. 

冇符...  惟有收工... 否則, 我就快返去讀中學...

學校鋼琴班 (2)

昨日, 妹仔返來, 提及她的學校鋼琴班, 全中學大概有十多人參加..  (其實人數不多.. ).. 而妹仔的一組一共有四人, 以妹仔的程度最高, 其他朋友仔大部是剛考完或準備考八級..

妹仔說 : 其實, 我諗你去到, 會聽唔明..  我去到, 都只係識一半.. 連亞J都唔知佢講個Augmented Chord點解!  (亞J已經八級琴)..

我說 : 咁其實教乜?

妹仔說 : 其實叫我地自己亂彈...

我說 : 我估你都識少少..

PS : 我估佢都真係會識少少... 佢以前都做過司琴, 不過, 彈CHORD就超簡單... 希望今次, 佢學到少少啦... 

學校鋼琴班

學校有一位鋼琴老師 (從美國回港的音樂系PHD, 訪問學校... ), 她會在學校教一堂鋼琴班, 內容是教CHURCH HYMN的伴奏技巧...

妹仔說, 幾位老友叫佢一起去參加, 所以, 明天放學後會留校..

我當然OK, 難得佢肯去... 其實, 我諗, 如果冇一班老友叫佢去, 佢真係唔會主動參加..

我說 : 你去彈下, 俾人地聽...

妹仔說 : NO!

我都明知係咁...

不過, 我都好想佢去聽下, 知道做伴奏的方法... 因為, 彈伴奏, 基本上應該只需一條主音, CHORD(伴奏)就由司琴自己操控... 所以, 一首歌, 可以有無數的彈法, 好好玩!

PS: 我在某教堂聽一位司琴彈, 非常精彩... 其後, 其他人問她拿琴譜, 她卻只有一張簡譜 (只得主音 1-2-3的.. )... 她說, 我是用耳來彈琴... 這就是另一種玩音樂的方法..

又吃蒸橙

這一次, 輪到妹仔咳...  於是, 她要吃蒸橙..

她覺得很難吃... 其實, 只要是甜橙, 那麼, 基本上不會太難吃... 而且, 我沒有跟坊間要求, 加鹽, 所以, 味道還算不錯, 只是, 那些橙水比較苦而已..

老媽子覺得, 妹仔吃了蒸橙, 喉嚨的咳聲舒服了... 我就沒有感覺, 總之, 藥石亂投, 因為咳嗽沒有良方..

食物種類

最近翻看一本講各種食物營養的書籍,  細閱之下, 發現每一樣食物都有不同的營養價值, 並不能完全被替代... 故此, 應該要盡量食用不同的食物.. 種類愈多愈好, 正如老人家所說, 不要偏食..

我真幸運, 這麼多年, 都有老媽子照顧飲食... 老媽子乃師奶老手, 經常思想不同菜式, 基本上, 盡量每天都食不同的東西... (當然, 也本著不時不食的原則.. )

數一數, 老媽子會做的菜 : 菜心, 芥蘭, 生菜, 菠菜, 莧菜, 西洋菜, 芹菜, 枸杞, 蕃茄, 南瓜, 節瓜, 佛手瓜, 茄子, 冬瓜, 黃瓜, 蘿蔔, 粟米, 栗子, 豆角, 菰類...  肉類 (豬牛雞魚蛋), 豆類, 配料(薑葱蒜), 海味..    真是非常多, 恐怕我都有數漏..

連同不同的水果... 還有外出進膳的, 如: 日菜(魚生), 泰菜, 韓菜...

還好, 我都尚能做到, 豐富的食物種類.. 

但是, 以我的煮食能力, 就遠不及老媽子... 恐怕只得ABCDE餐...  至此, 真要向老一輩的主婦致敬...  佢地真係勁!

坐監..

我嘆口氣, 說 : 你幾時先肯唔再黐住我?

妹仔說 : 到你死嗰日啦!

我長嘆一聲 : 好慘呀!

妹仔說 : 你依家係咪想自殺?

PS : 長假期等於坐監... 

多災多難

2014年真似一個凶咒... 除夕時還說希望不再有大型意外... 還未到半天, 上海發生人踩人意外..

人似乎並不懂得從歷史學習... 又或者, 年輕太年輕, 沒有見過這種人禍, 所以, 一點戒心都沒有.

22年前, 香港出過同樣的意外, 在蘭桂坊... 那一年, 我也常到蘭桂坊, 只是在除夕倒數那一晚, 我們一伙人到了別處慶祝..  第二天, 一覺醒來, 方知道意外發生..

一刻天堂, 一刻地獄..

有時候, 我這個老鬼, 日哦夜哦.. 都只想提醒一下...  因為年紀大, 見過了... 

戒得太清

妹仔今日又發燒... 病況不太嚴重, 只是因為是元旦, 很多醫生放假, 所以, 就在附近找到一家開門的診所, 就要去睇病...

妹仔喉嚨痛... 我覺得是因為昨天吃了幾件炸物... 另外, 早兩日亦吃了POPCORN..

近年, 妹仔因為護膚, 所以, 甚少吃熱氣食物...  家中亦絕少煎炸...

有時候, 戒口戒得太清, 反而會容易敏感... 故此, 食一下就喉嚨痛..

今日, 電視上, 亦報導很多包裝食品有添加劑...

其實, 亦不需要太驚小怪... 除非是極端環保份子, 否則, 必然會吃到這些添加劑, 只要不要食太多, 對人體影響還是有限...

想一想, 哪種食物沒有添加劑... 每日食用的東西, 簡單如一枝醬油, 都有..  包裝的奶類, 也有.. 老媽子話新鮮蔬菜... SORRY.. 都有, 有農藥...  無謂搞到自己神經緊張, 真係食左都冇益.. 


故此, 糖果餅乾... 還是照吃...