音樂營結束

今日, 妹仔新學期開課, 代表暑假音樂營結束..

今年, 妹仔大部份都在老師家中, 所以, 我沒機會聽她的練習.. 不過, 今年, 妹仔在音樂營另有得著..

今年, 老師的家中多了很多學生... 老師的脾氣亦不太好 (根據妹仔), 所以, 很多時候, 老師都在鬧學生... (聲音都啞左..)..

妹仔回家時, 都有點震騰騰... 驚魂未定... 因為, 有時, 老師並不是鬧佢, 但佢話有漣漪效應, 搞到佢都眼濕濕..  (又有時候, 佢要幫班細路評分, 都唔知點算.. 佢話, 評佢彈得好, 自己俾老師鬧; 評佢唔好, 細路就俾老師鬧... 所以, 壓力好大!! )

我對佢講 : 唔怕喇!! 你挨得過, 將來, 對住任何BOSS, 都可以挨得到...

其實, 妹仔依家EQ都好高... 佢返到屋企, 打兩下機就回復正常, 唔會屈住.. 佢自己識得減壓, 都實屬難得..

我同佢講, 叫佢勸下老師, 唔好咁傷身... (佢話: 冇用架喎...)