戒GLUTIN的意外收穫

戒GLUTIN差不多半年, (除了偶然犯禁), 基本都真係戒掉... 有時會忘記, 有時食左都唔知... 譬如:  飲茶叫炸兩, 忘記了油條有GLUTIN, 食了一口才記起... 又或者, 烏下烏下, 叫左吉列魚柳, 食左一半, 就要切左D吉列, 先繼續吃... 通常這種情況, 個肚遲幾小時會咕咕聲, 開始投訴.

所以, 都冇辦法, 真係要戒... (有一次, 自己衰, 套餐送甜品, 忍唔住, 吃左半個甜包... 晚上就腹脹作痛... )

不過, 戒GLUTIN, 真係有意外收穫... 就係減磅... 因為戒麵粉, 很多相關食物都要戒... 牛油, 糖... 這些做餅和麵包的基本材料, 都基本是一併減了... 試想下, 基本上, 餅店和甜品鋪都免問, 還有什麼致肥食物可吃... (我本身亦不太飲汽水和加糖飲品..)

於是, 這個夏天, 發覺去年買的褲太鬆... 趁減價去UNI買番幾條, S-M碼已經OK(款式不同)... (唉.. 都好耐冇著過L以下... )... 去馬沙, 買T, 穿8碼都有點大... (我一開始, 攞左10碼去試... 結果要再攞一堆8碼去試...)

好彩今年周圍都大減價, 否則, 都真係要大出血... 都好... 有新衫新褲著..