假日做遊客

這個假期, 抽左兩日, 同妹仔去做遊客, 在香港觀光, 支持本港經濟...

一日走去赤柱... 妹仔話, 都唔似香港, 好似外國... 四處都係鬼佬..  去赤柱大街.. 妹仔買左兩件小飾物... 

我話 : 可能同韓國價錢差不多... 睇來, 可能仲會平DD..

去赤柱, 妹仔最大興趣, 並非海灘美景, 而是一路上的豪門大宅..  妹仔豪言壯語 : 我將來要住入去先得..

我話 : 一係你就搵定個有錢師兄... 一係就等下世投胎, 記往個門牌...

第二日, 我地去離島..  妹仔又話, 都係唔似香港.. 冇辦法.. 大鄉里出城..  不過, 是日, 妹仔的最高享受, 係食左不同的地道美食... 豆腐花, 海帶綠豆沙, 茶果, 雞屎藤茶果, 檸檬薏米水..  真係睇風景係次要, 最緊要有好野食..  (妹仔都唔係好肯行, 佢話冇興趣睇風景云云..所以, 我地都經常離隊, 走左去食野.. )

但係... 都難得妹仔肯出門... 事關依家D細路, 淨係鍾意上網打機, 完全足不出戶... 所以, 難得妹仔有興趣跟我四圍去..  都非常GOOD FIT喇...