大型波動市

今日都幾精彩.. 恆指開市微跌, 中午跌過1300點, 收市只跌800點..

歐洲同大陸兩大問題, 致使市況波動.. 照市況看來.. 熊市形勢已成.. 雖然說牛慢熊快, 但今次都快得厲害.. 一下插穿二百五十天線.. 大概再一輪波動後, 就復歸平靜, 又再由頭挨過..

話說今次希臘公投, 又一次反映民主的黑暗... 一堆債仔不願勒緊肚皮, 去還債, 還想繼續做其攤手黨..於是, 用公投形式, 用"民主"這個美名... 來賴債!! 唉!! 否則, 來一個玉石俱焚!! (有民主, 冇公理... )

今日最好玩, 莫過於老媽子.. 早上, 我勸佢減磅.. 佢就餸都唔買, 減左一隻.. 搞到買餸都買漏野.. 不過, 就好高興, 因為避過下午1300點一劫..

妹仔一見到大跌市, 就高興到哇哇叫.. 事關, 佢見到婆婆同我都紮紮跳..

我話 : 再跌下, 就冇錢去旅行架!

佢都係睬我都傻...

不過, 最過癮都係睇D大陸股民的訪問.. 有一個話: 以為股市係煎魚, 煎燶左就翻下, 翻下這邊, 翻下那邊.. (仲未駛燶曬...) 點知, 原來係油炸股市... 慘情!!

而家, 點睇?? 計下數.. 睇下邊D實力股價殘抵買, 放小注做下中長線囉...始終, 放銀行冇利息, 長遠都唔係辦法..