Physics

起初, 兩位叫妹仔一起讀PHYSICS的同學, 有一位終於決定DROP, 另一位則極大機會DROP.. 而妹仔則決定死挨下去...

這個假期, 我想佢温習多D, 佢竟然話, 温多D都係咁上下... 我同佢講, 如果吾勤力D, 就不如DROP左PHYSICS... 佢又似乎吾肯... 唉...

事關, 申請美加大學, 校內成績 (GPA)都好重要... 我吾想PHYSICS拖低分數.... 不過, 佢吾肯, 都冇辦法....

十二月考完SAT, 成績在我心目中, 都算滿意... 並不是非常TOP, 但是, 是我預想的分... 三月會再考一次, 希望可以考高D..

五月考AP CHEMISTRY + AP PHYSICS..  如果成績理想, 可能2018年底已經搞掂大學入學.. 但願如此..

PS : 剛去完首爾旅行... 發覺有兩樣東西要非常注意... 在香港機場輪候wifi egg... 要15分鐘以上, 非常長龍... 要預早去機場.... 另外, 在仁川機場的樂天免稅店提貨... (即是在市內免稅店買貨, 部份要在機場過海關後取貨, 排隊要45分鐘以上... 所以, 必須盡早去機場, 並馬上入閘取貨...  我攞籌輪200個號碼, 排了45分鐘... 我見到大部份人取完貨都跑去登機口.. 亦有人排到上吾到機... 真係好嚇人... )... 我的時間比較充裕, 2 小時前入閘, 所以, 還算輕鬆...

從未見過咁勤力...

妹仔學期考試, 這幾天努力温習, 真係從未見過咁勤力... 我就要STANDBY, 當佢一到唔明白, 我就要解釋...

今日星期日, 佢仲帶兩個同學仔, 一齊返屋企温PHYSICS... 佢一早BOOK左我, 又要我STANDBY, 幫佢地温書... 佢話揾我, 好過揾補習老師, 因為唔駛計鐘... 做到邊度吾識, 先開口問... (仲有, 負責埋茶點, 晚餐... )

學期初, 佢同兩位同學仔一齊讀PHYSICS... 我一早就勸妹仔吾好讀, 當然, 同學的影響力大過我.... 佢終於報左.... 一個學期後, 佢兩位同學都只攞個F, 而陪讀的妹仔就差差地都有C...

我問妹仔: 佢地有冇後悔??

妹仔話: 後悔都冇用... 因為已經DROP吾到, 一定要死捱到尾...

自知之明

妹仔的同校師兄, 有三位這星期飛往英國牛津大學去面試... 真勁...  (當中有兩人同妹仔同一組做CHEM LAB... )

我問 : 去牛津面試 (讀LAW)... 做乜仲要讀CHEM??

妹仔話 : 佢地真勁, 文科又得, 理科又得, 仲有大把活動, 仲拍緊拖...   冇辦法... 人地咁聰明, 我就蠢蠢鈍鈍... 唯有勤力D..

我話 : 都好... 都幾有自知之明...

畢業旅行預演

妹仔今年暑假, 想搞個畢業旅行預演, 想同幾位同學, 去一次台灣...  佢問左幾位同學, 然後, 叫佢地返屋企, 問下家長...

妹仔一心諗住, 起碼有一兩個可以成行, (佢已經吾問那些一定吾得的.. ) 不過, 好可惜... 答案依係... 幾乎所有同學都要求有家長陪同...

妹仔當然不高興... 佢話, 有家長去, 就不是畢業旅行啦... 完全不是那一回事... 

佢發完一輪氣... 問我... 點解你會肯俾我去丫??

我話 : 每一位家長的BRING UP(成長背景)都不同...  我老頭子一向極度自由... 我年紀輕輕就自己周圍去... 不一樣的! 所以, 好難去改變其他家長的想法...

妹仔又哦...  我地遲早都要出國架啦...  遲一年早一年又差得幾遠...

我話 : 你要有心理準備, 你搞呢樣野, 不但會被拒絕, 還可能會俾其他家長鬧... 你自己執生啦..

妹仔更擔心係, 明年都吾知搞吾搞得成... 明年暑假, 就真係畢業喇... 

PS: 要有家長陪同... 我當然吾會出面... 吾好搞我!!

終於似個高中生..

近來, 妹仔放學都留校温習... 都會留一個多小時...  我覺得佢終於似一個高中生... 因為, 往日一放學, 就返屋企...  實在, 我讀書的年代, 日日都到晚飯時候才回家..

我問妹仔, 你有冇同同學一齊温習??  佢話: 冇喎...

我話 : 有冇搞錯!!  你要捉住個勁男仔, 教你PHY, MATH呀...

佢話 : 其實除左A君, 其他男仔都唔掂...

我話 : 咁就捉住A君啦...

佢都費事答我...

不過, 我真係覺得, 一班同學一齊温習, 會事半功倍... 教學相長... 叻仔都會更叻...  只可惜, 妹仔班老友, 個個選科都不同... 所以, 好難揾到一齊温習, 唔同我以前, 一班同學都係讀果幾科..

希望佢可以捉住D高手, 教下路啦...

見家長

每一年學校見家長, 我都不太認真... 今次是我比較認真的一次, 與老師談話, 亦不會只講句OK就算...  我是有準備而來... 因為今年妹仔有很多公開試要應付..

我只選了見PHY, CHEM和PRE-CALCULUS三科的老師... 

PHY和CHEM的老師都覺得妹仔成績不錯... 

PHY課今年是AP Physics 1 (主要是Mechanics), 我覺得, 如果能應付到Mechanics, 明年的Physics 2 (Light, Electromagnetism)應該是更容易的... 我問老師, 這是否一個正確的理解, 老師說是的, 不過, PHY 2通常會開不到班, 因為選修人數太少... 很多人讀完PHY 1已經怕了.. (本來讀PHY 1的只得十幾位...) ...  我回家, 對妹仔說... 如果同學PHY 1成績OK (尤其一班男仔), 就要游說佢地, 大家齊齊報PHY 2...  而且, 教PHY的老師不錯.... 人數少, 更加是私人補習一樣... 非常有利.

CHEM也是OK... CHEM老師都幾搞笑... 佢話一早見D冇問題的同學家長, 會開心D.. 佢話確實有人應付不來...  妹仔尚好, 雖然都係傻傻下... 不過, 有D野, 我叫佢死記就好... 冇得點解釋, 因為尤其是PHYSICAL CHEM, 最終都只係一D數學MODEL計出來的.. . 我問老師, 課程教得完嗎? 因為實在是很多材料... 5月就要考AP公開試... 老師話, 目標是在3月教完... 我話: 咁你教得好快... 老師話: 冇辦法... 先教完, 再温習... 

PRE- Calculus就麻煩D, 因為妹仔成績大上大落...  老師話, 下半年會深好多... 又話, 明年的AP CALCULUS會好難的... 我問老師, 妹仔明年可否讀AP CALCULUS..  老師話: 二月會再評估一下...  我問老師, 有冇習作可以俾妹仔再做多D?  老師話: 已經有好多, 做曬都不錯.. 不過, 如果有需要, 可以隨時找佢.... 仲有, 課堂有問題, 都可以隨時找佢... 佢每日放學後都留在學校... (呢個老師都不錯... )  回家, 我同妹仔講CALCULUS都係操練, 操得愈多就愈熟...  好似練琴一樣... 

我又問妹仔, 你明年會吾會上吾到AP CALCULUS? 佢話, 吾會, D人吾合格都照上... 

其實, 我都有D担心, 下半年仲加多一科AP ECONOMICS.... 真係會好忙... 

沙田學界游泳賽

我都甚少再寫妹仔游水... 因為佢已經冇乜點游... 今年重返校隊, 又再出賽...

佢前兩日仲發緊燒, 星期四都去比賽, 因為學校只得4位女泳員... 佢吾去, 連接力隊都出吾到.. 佢成績如何, 當然冇牌攞... 不過, 時間就冇退步, 亦冇進步.... 我都覺得幾搞笑... 我冇去睇佢比賽, 一來自己吾得閒,  二來佢亦吾准我去...  總之, 吾駛浮到終點, 已經托賴... 

佢以前泳會班老友,  好多都話游埋今年, 就吾游喇...  有D今年係中六 (明年都畢左業..).. 有D就明年中六, 都話要退隊, 決備考試... 妹仔話, 明年都仲會游喎... 最後一年丫嘛...

如果明年妹仔出賽, 都真係要睇下佢.... 最後一年丫嘛... 明年之後, 恐怕佢都吾會再出"大賽"喇.. 

Khan Academy

過去的周末, 我中學舊生聚會, 見到幾位我以前中學的老師... ( 我中學時的數學老師, (亞SIR)都係我讀書以來, 教數教得最好的一位... 如果冇佢, 我應該都不會是理科生... )

我同佢講妹仔學CALCULUS, 搞到我頭都大... 佢教我, 網上有一個叫Khan Academy的免費教學網站, 可以上去自學...  (好多學科都有, PHY , CHEM... HISTORY... )

我返來, 叫妹仔去睇下... 妹仔話, 以經上緊, 不過仲有D基本野, 都要我教... 慘!!

PS: 自從中五學畢業以來, 我地每五年會搞一次畢業同學聚會... 真係幾開心... 我同妹仔講, 你地中學畢業後, 都應該保持聯絡, 努力搞下... 妹仔卻說: "我地仲難, 因為畢業後, 大家都各自飛走, 世界各地, 要聚都難"...  我話 : 到時, 可能科技發達, 可以, 各地各開一枱, 用視像聯繫...

最差係語文

妹仔的上學期期中成績將會出籠,  竟然係一科語文 (英文)成績最差... 真係氣死... 佢科英文, 已經係可選修的最淺的一科.... 其他人會選AP LANG 或AP LITERATURE... (即考公開試的學科).. 妹仔選的只是校內選修, 仲係最容易的... 冇辦法,  佢話吾鍾意睇書...

不過, 佢讀左咁多年英文, 仲要係國際學校, 都提吾起對英文的興趣, 都冇辦法...

反而, 最初最擔心的幾科理科, 又吾係咁差... 當然, 我覺得, 佢科PHYSICS都係吾掂... 餐餐等我晚黑10點幾,  眼瞓都烏烏下, 先來問功課... 真係搞到我頭都暈,  醒一醒, 都要10分鐘, 個腦先會轉.... 計完數, 又要等半個鐘, 先有番睡意....  真慘...

至於CHEMISTRY, 佢反而冇乜來問我... 

不過, 都要過兩個星期, 等成績出, 先知佢真係讀成點.. 之不過, 佢再冇講過, 話要DROP COURSE. (其實冇得DROP, 但係可以要求轉PASS / FAIL, 吾駛計分, 就吾會影響GPA.. )

我已經開始認真搜集各國大學的資料.....  妹仔12月就考SAT,  睇下SAT成績, 大概都知道可以報D乜大學...

Lab Base Education

最近睇左幾套個資訊節目, 都講關於科研和科學家...

一個關於水力工程學的香港科學家, 另一個關於外國學校以登陸火星為目標的SCIENCE EDUCATION的學校...

睇完了, 感慨良多....  香港能否有培養多一些科研人才?? 事實上, 香港可能真的窮得只有錢... 錢是多... 但是, 香港人和香港的教育實在是太狹隘...

當中, 那個講SCIENCE EDUCATION的節目, 就提到LAB BASE EDUCATION vs KNOWLEDGE BASE...  過往, 我讀了許多年的數理, 都是以操練和考試為目的... 一直以來, 都缺乏一個創新的教育, 不能提升學生的發問和解難的能力... 以致我一直以來, 都認為自己創新能力不足, 解難能力不足..(雖然創意不足, 但仍然能理解..)... 到今天, 情況可能更差.. DSE的半文不理, 更加令很多大學理工科學者頭痛...(諸如: 連CALCULAS也不懂就讀工程..) 所以, 我一直不喜歡港式教育...

妹仔現在要考AP PHYSICS / AP CHEMISTRY... 他們的考試概念, 就是LAB BASE... 故此, 妹仔到現在, 都只是不停地做LAB... (當然, 我不能說這是PERFECT的教法... 不過, 至少, 外國教育正在做新嘗試.... )... 怎樣從考試機器到真正學習數理的真義..... 香港的教育制度恐怕還有很遠的路...

我也想看看... 妹仔的LAB BASE方法, 是否可把PHYSICS學得更好..... 我要拭目以待...

連學位都炒高

同一班舊同學敍會,  從加拿大回來的老同學說 : 依家, 連加拿大D大學學位都炒高曬喇!!

無他, 強國學生考公開試成績超班, 到加拿大只識得幾間有名大學, 如: UT, UBC... 搞到D大學收生D成績都要求高曬... 以前, 加拿大大學都係易入難出,  依家連入都難...

某日, 又撞到某家長, 佢囡囡成績一般... 我問佢, 是否目標入加拿大的大學, 因為佢有家人在彼邦.... 家長慨嘆話 : 依家, BC省的大學都好難入, 成績要A等, 先入到, UBC不在話下, 連SIMON FRASER都好難...  講完, 佢都好沮喪...  因為囡囡不太努力... 學校成績GPA只有3左右... 高中睇4年成績, 只剩2年, 好難追... 

我問妹仔, 有冇信心入加拿大大學??  佢話: 根據學校歷史紀錄, 應該OK... 

但願如此.... 

男孩子... 真係勁D..

妹仔讀PHYSICS... 讀左一個多月, 返來話:  原來, 讀SCIENCE, 班男仔真係勁D... 尤其係PHYSICS 同MATH, 佢地有D真係好輕鬆, 吾駛點讀就攞A!!

我答: 係呀... 男仔數理真係叻D, 冇得傾... 咁你班PHYSICS男女情況如何?

妹仔答 : 幾個男仔排前列囉... 女仔之中, 我算係咁... 其他就係AVERAGE, 同BELOW AVERAGE..

我話 : 咁! 你拉住A君衫尾, 差佢DD都好呀...  (A君係班中最勁, 吾讀都好掂!)

妹仔答 : 我拉得住C君衫尾都好彩喇... (C君在妹仔口中, 都算吾錯!!)

我又問: 不如你明年跟A君, 讀埋PHYSICS II啦... 我估佢可能會讀喎... 事關, 佢連科最難的AP CALCULUS B./C 都讀完, 都冇乜科目俾揀... (據我所知, A君今年讀完所有高難度數學科... )

妹仔答: 咪搞!! PHYSICS II可能只得三幾位同學讀, 仲要個個都猛料!!

都好!! 妹仔都真係有自知之明喇...

PS:  不過, 妹仔話, 讀CHEM的男仔同女仔,就冇咁大分別... 始終, CHEM的概念較為簡單, 冇咁抽象...

妹仔彈結他

妹仔忽然話, 佢想彈結他... OK.. 佢自己用零用錢, 去左通利, 我同佢一齊揀左一個500蚊左右的魚絲結他...

佢問過我, 點學?  我話, 自己學... 依家咁容易... 上網學都得.. 其實佢都知... 於是, 佢就上網跟住彈... (因為我以前都係咁學... 彈下彈下就得...  不過, 當然, 只限普通民歌... )

佢彈彈下, 又問... 有D CHORD彈吾到, 因為要BAR, 通常都彈吾出聲... 我話, 咁就吾彈個首歌囉... 另外方法, 就係換個容易D 既CHORD... 求求其, 就算... 好彩妹仔的音樂底子比我厚, 佢都明白... 可以試另外的CHORD... 佢又話, 覺得有D譜個CHORD吾對.... 我話, 咁你咪自己配過囉..

彈結他這一門,  最自由...

不過, 男孩子彈結他會容易上手D, 因為手夠大, 又忍得痛... 我以前有一班男同學, 一手結他都真係出神入化... 而我記得, 大部份曲譜, 都係佢地自己配... 所以, 真係求其就冇錯... 哈...

妹仔又話, 鋼線結他D聲好D喎...  我話, 彈鋼線恐怕吾夠半小時, 就痛到吾想彈... 所以, 彈魚絲先啦...

真奇怪... 無厘頭又會彈結他... 不過, 佢最近真係連琴都彈多左... (雖然都只限流行曲... )...  都要提下佢, 都要吹下支長笛...

PS: 最近, 極嚴肅地跟妹仔上道德課... 我接受吾到 "道德冇標準" 呢一句說話...

琴聲

昨晚, 家中再響起琴聲, 真難得... 妹仔已經放下鋼琴一年有餘... 昨晚再彈, 雖然只是流行曲, 都非常感動... 起碼她會想起那一座寂寞的鋼琴... 我又想起自己已經兩年沒有為鋼琴調音, 是時候找師傅上門了...

開學後, 妹仔的功課很忙, 測驗亦多... 希望成績會保得住啦...

PS : 聽到教育局蔡女士的兒子身亡的消息, 覺得甚可惜...  再看見坊間涼薄的言論, 心裡很涼... 為什麼社會變成這個樣子? 年輕人竟有這樣的思想?? 幸災樂禍!! 還說是什麼報應!!  太叫人心寒了...  只是政見不同而已...

聖經上說... 以牙還牙, 以眼還眼.... 不是鼓勵別人復仇... 而是就算是復仇, 都只是適可而止... 打掉一隻牙, 最多是取人一隻牙... 打盲一隻眼, 最多是取人一隻眼...  今天... 這個社會, 毒舌, 詛咒, 苦毒.... 只是不同的意見啫... 何以要別人家破人亡....

難道言論自由, 就等於放縱自己的舌頭....

愛扮靚的妹仔

其實, 我真係吾明白... 點解妹仔咁鐘意扮靚....

佢身邊的人, 包括家人和朋友, 冇一個好似佢咁鐘意扮靚... 包括佢班老友...

妹仔問我 : 你覺得粉底霜係咪用得快過粉餅??

我答 : 吾知喎... 從未用完過一枝或一盒.... 永遠都只係用一兩次, 然後等到過期, 再換新的.

妹仔又話 : 你識唔識落裝架!! 依家用卸妝水架...  你以前用咩卸妝架?

我答 : 以前用龐氏冷霜囉...

我問佢 : 你仲乜要買幾十隻色既眼影... 三隻色就夠啦!

佢都費事睬我!!

撐得住..

返左學3星期, 我問妹仔, 你有冇DROP COURSE??

妹仔答 : 仲撐得住.. 未死得... (PHY, CHEM, CALCULUS依然繼續... ) ( 佢覺得PHY比CHEM輕鬆, 課程比較慢...  我都翻過呢兩科, 實在, CHEM的課程, 多而濕碎... 都幾煩... 反而, PHY簡單D, 75% MECHANICS.. 所以, 只要專攻一瓣, 搞掂即好... 所以, 我都覺得PHY輕鬆一點.. )

至於其他同學.... 就有一些要DROP COURSE... 不過, 是文科的較多... 因為要睇好多書... (我覺得文科更難... 寫好多好多... 讀本又難又深...  )

妹仔下學期, 再多一科ECONOMICS... 睇下佢點頂!!

至於我的自修科.... MECHANICS搞掂... CHEM就半死.(好眼瞓, 吾想睇).. CALCULUS則打天才波算了...

李寶樁

李寶樁(LPCUWC)在香港係非常有名的國際預科學院 (考IB)..每年只收幾十人... (只收中五及中六).

今年, 妹仔的學校有3人被取錄, 都是十分破紀錄... 往年大多只得一個... (妹仔的同級同學...)

其實, 去年, 我都有叫妹仔去考, 不過, 佢唔肯去...  今年, 取錄的同學中, 有一位與妹仔份屬老友..

我又吟吟沉沉, 話佢 : 我都叫你去考啦.. 你老友都去啦..

妹仔答說 : 她不去了! 她決定不去了!

我問 : 點解呀? 佢老媽一定吾高興..

妹仔說 : 都咁大啦... 邊到亞媽做決定呀!  其實, 一早吾想去, 就吾好去考, 好似我咁樣!!  我吾想離校, 因為, 我班同學好正, 我想做學校的ALUMNI, 而不是LPC(李寶樁)的ALUMNI... 我走左, 就吾係ALUMNI喇!!

我想, 那也是的!! 中學生活並不只為成績,  美好的校園生活是人生一個重要的階段... 難得一班好同學, 一起走過畢業的日子, 一起去GRAD DINNER, 一起去畢業旅行... 想起都開心...  

妹仔仲有一句 : 我都吾係要入名牌大學!

那也是事實, 妹仔的鬥心真只是一般! 唉! (其他入LPC的同學, 當中一人是長年的學校風頭躉!)

PS : 被取錄的同學屬於中產, 但都有LPC獎學金, 學費連宿費扣除獎學金 比現在就讀的學校更便宜... 所以, 有興趣的同學不防一試..  (入讀LPC, 等於半只腳入國際名大學, 而且LPC的同學, 所得的相關大學獎學金也很吸引.. 我覺得好正!! )

學校選科..

妹仔返學兩星期, 這學年的選科大抵塵埃落定...

妹仔話, 讀PHYSICS的有13人, G11(中五)的有5男3女... 其餘是G12的師兄... 讀CHEM的人約20人... 故此, 少於10%學生選PHY... 選CHEM的亦只有略多一點點...  而妹仔則是唯一一個讀PHY+CHEM的.... 妹仔都話,  佢係好勇的一個... 仲係女仔!!  讀PHY的其餘兩位女孩子, 都已經上過我2小時的課堂... Cheers!!

妹仔仲有一科PRE-CALCULUS... 大鑊... 佢都話要我去溫習... 死得... 我即係要自修, 讀PHY, CHEM, CALCULUS... 仲慘過會考...

最近, 知道朋友的細路去向... 中大計量金融,  理大放射治療, 中大法律... 另外, 有人去澳洲或英國讀物理治療...  在聚會上見到佢地D老爸, 個個笑笑口, 如釋重負... (有一個老爸, 個仔未定去向之前, 日日長嗟短嘆... 唔好話做老媽的擔心, 我識D老爸, 都係個個一樣... )

PS :  老實說, 我都吾識依家D學系/學科... 計量金融係乜?? 真係考起!!

笑話一則

一次大學舉行的聚餐, 大家圍坐吃飯, 我地一枱11男1女... 枱上各人各有一份枱面紀念品...

高高興興打開.... 男士們全枱人陰陰笑... 

我就笑到收吾到口....  佢地果份禮係... "前列通"... 男士們吟吟自語 :"雖然年紀大左, 都未駛食喎.. "

我都打開啦... 我果份竟然係... "關節通"...  哇... 中獎!! 全枱除我之外, 全部前列通..

我死攬住份獎品... 未試過咁緊張!!

STEM教育

港大取消了天文學主修... 物理系, 數學系這些純科學在香港的大學體制裡岌岌可危.. 有志之士希望香港社會可以注意STEM (理科)的發展... STEM = SCIENCE, TECHNOLOGY, ENGINEERING, MATHEMATICS)...

除了香港人非常現實, 中學學制都有它的問題... 我一向都不喜歡香港的教育制度, 從我中學年代開始, 我已經覺得它扼殺了學生的創意和思考力...  老實說, 我的中學老師並不鼓勵我去發掘新知識, 從那一個年代開始, 老師都極之著重考試, 將我們所有的精力都放到考試上...

不過, 30多年前, 精英學生很多都報讀純理科.. (PURE SCIENCE), 反而, 社會學和商學都是次選... (和今天的情況很不一樣... 這並不純是我的觀察, 而是我的大學老師的觀察... )

反覆思量, 這是什麼原因? 其實, 香港人的心態沒有變過, 一向都是現實派... 深思之下, 我記得, 以前很多讀純理科的大學同學, 其中一條必然出路, 是教書.... 這是其他學系所沒有的.. (除了部份文科)... 那時候, 教師的人工與職位都甚理想... 基本是, 要教席的一定會有... (反之, 入商界的待遇就相對較差.. 而讀純文科或理科的, 亦可以輕易轉入商界...)

今天, 情況逆轉... 教席難求... 中學的理科亦不一定要PHY/CHEM/BIO的修讀.. 老實說, 可能, 中學考PHY的人數每況愈下... 於是, 惡性循環, 中學讀的人少, 入大學讀的人更少, 社會上的對純理科人的需求... 就愈來愈少.  (CHEM/BIO還好一些, 因為入讀醫學院等名科都要求這些科目.)

我又回看香港的中學理科教育... 老實說, 只得一個 "悶" 字...  不斷的操練... 只為考試服務... 跟30多年前是差不多..

看看妹仔美式理科教育.... 她今年才正式開始PHY / CHEM... 我問她, 你在學校上課, 學了什麼... 她說, 沒什麼, 只是不斷做實驗...  (TEXT BOOK教到那裡??) 她不太清楚... (你會教不完整個課程喎!!) DON'T KNOW...

我只見老師不斷要求學生回家看TEXTBOOK...  然後在校是做實驗...

妹仔回家, 問我... 為什麼老師要把POSITION/TIME 的TIME變成DEPENDENT VARIABLE, 我要每一秒量度一下距離, 那不就是INDEPENDENT嗎??

(很好的問題!!) 那只取決於實驗的設定....

妹仔的功課... 是要自己設計一個實驗, 去量度車速...  (MECHANICS/KINEMATICS的問題..)

妹仔說, 我怎會不知道什麼是INDEDPENDENT / DEPENDENT VARIABLES??

好!! 很好!! 只是我仍然不知道妹仔會不會做試題.... (唉.. 我仍然是一位港媽... )

30年前磨刀...

30年前讀PURE SCIENCE (major CHEM, Minor PHY), 真係30年... 1987年大學畢業... 畢業後入商界... 之後, 從沒有碰過...

30年後, 要陪妹仔讀書, 隨時要教佢做功課... (我叫左佢, 上課之前, 話我知, 俾埋本TEXT BOOK我... 我要預習先... )

溫習起來, 覺得Physics比CHEM容易, 推下推下... 都係幾條數式... CHEM就一大堆, 好濕碎...

我以為呢一世人都吾駛再用的知識.. 30年後, 竟然要用翻... 仲有, 依家D科幻片都幾深.. 學過下SCIENCE都會好D...

有人問, 仲乜吾出去補習??  妹仔的美制考試科目, 如要補習, 一是貴, 二是遠...  兼且, 我睇完堆書, 其實, 都係一個方法: 操練...  自己做多兩本練習... 應該OK..

開始認真...

中學階段到此, 美制11班 (即中五)... 終於要認認真真考慮畢業後的去向... 妹仔似乎亦認真了..

曾經考慮過報讀醫科... 不過, 最近, 佢又好肯定咁話不會讀, 因為, 她忍受不了污糟... (佢一次見我嘔吐, 馬上彈開, 佢話怕左... )

上次去完倫敦, 又話吾鍾意外國...

不過, 最近, 佢見師兄師姐填表報UCAS, (即英國大學入學申請...) 佢又有點心大心細..

又吾鍾意文科, 又嫌理科悶... 一個字, 煩...

我對佢忠告...  觀察佢個人性格, 都係讀APPLIED SCIENCE, 例如:營養學, COSMETIC SCIENCE, 甚至物理治療, 運動科學.... 都比較適合...

佢有時打趣話, 跟我一樣, 讀CHEMISTRY... (我基本上, 寫包單, 佢吾掂... 讀純理科, 要有熱誠, 否則, 只係為攞個學位... 何必!!)

既然, 仍然有能力讓佢出國讀書, 就揀一科真有興趣的啦...

PHYSICS進展

因為妹仔報左讀PHYSICS, 所以, 我督促佢在這暑假要温習, 先讀好MECHANICS.... 當然, 當年強逼佢練琴的情況又再出現... 總是, 我在催, 佢懶理...

後來, 再想深一層, 亦無謂逼佢... 反正, 多讀一科, 少讀一科, 又如何... 再大不了, 就是DROP..

忽然一日, 佢話, 去年最勁的師姐, 最後都DROP左PHYSICS... 所以, 佢都冇乜信心, 而且, 同一年讀CHEM+PHY的人, 少之又少... 因為兩科都極困難...

我再三提佢, 其實, PHYSICS並不難, 只要弄清概念, 根本不需要苦讀... 但當然, PHYSICS有太多抽象概念, 並不是人人可以明白...

我對妹仔講, 或者, 這都是上天安排.... 本來沒有打算要讀的, (也是我極不贊成的..) 最後神推鬼拱, 都要選修...

努力吧!! 希望佢開竅...

好耐冇寫..

好耐冇寫BLOG, 其中一個原因, 是因為妹仔大個女, 好似再冇特別要記的事... 其二因為換左電腦, 之前的BOOK MARK冇搬過來, 所以, 都冇提起自己有個BLOG...

妹仔這個暑假, 主力去補習, 因為要準備10月考SAT... 另外, 下一學期, 意外選了AP PHYSICS... 本來叫佢點都吾好讀, 後來, 因為其他科撞曬時間, 又吾想提D閒科, 就焗住TAKE PHYSIC.. (亦因為有兩位老友TAKE...)

一聽見佢讀PHYSICS, 我都心知不妙, 仲要自習, 學識一部份MECHANICS, 然後回校第一課就TEST... 心知佢死梗... 冇可能讀完課書, 會明白... 所以, 唯有親自操刀, 自己教... 用番三十年前的功力... 做左一個POWERPOINT...

不過, 依然難教... 佢無底子... 真係好難講得明... 我講一陣, 佢就冇心機...  又話眼瞓... 唉.. 我都明知係咁結果, 不過, 都唔可以放棄住... 再捱下...

我翻看過佢地份PAST PAPER, 其實, 如果搞得掂CONCEPT, 攞分幾容易... 仲可以輕輕鬆鬆過關....  不過, 都要睇佢自己開吾開竅...

至於, 我自己, 做PHYSICS當做腦部訓練, 吾好咁快老人痴呆...  不過, 都發覺自己慢左好多, 而且, 好多CARELESS MISTAKES... 所以, 幾鋒利的刀都有生鏽的一天!!

最後一場CONCERT

妹仔上星期四(復活節前), 晚上回校, 有一場管樂音樂會... 當晚, 我沒有出席, 因為妹仔不想我去... (我要去跑班, 但最主要, 係妹仔不想我去... )

其實, 這一次應該係妹仔最後一場CONCERT... 明年, 妹仔不再在樂團吹長笛... 她是學校其中一隊管樂團的首席長笛... (妹仔話, 係差D果一隊喎... )... 當晚, 亦拿了該隊的最優秀樂手獎 (其中之一)... 

我問過佢幾次, 點解明年不再參加... (今年係必修科之一, 明年就係OPTIONAL..) 佢話吾吹喇... 我當然覺得有點可惜... 不過, 都冇辦法... 放下就放下囉... 冇得逼...

長笛自從去年考完八級... 沒有再學... 只在樂團吹奏... 依家, 就決定不再吹... 又告一段落了..  (真係日子如飛... )

不過, 妹仔話, 明年又會參加學校泳隊.... 都好... 兜兜轉轉,  又游水喇...

四傻師奶又爆林

屋村師奶行山團, 又一趣爆事件...

兩日前, 本來計劃由西貢蠔涌行去沙田黃泥頭... (一星期前, 由沙田黃泥頭出發, 行錯路, 行左去馬鞍山梅子林...  )...  今次, 再由西貢蠔涌 (匡湖居對面) 出發, 從反方向出發, 想去沙田...

開始都唔錯, 由一位放狗女居民指引, 前半段行對路... 誰知行左三分一之後, 就又跟住絲帶行... 行下行下, 又入左樹林... 好彩今次大家有準備, 帶左手套, 就爆林上山... 上將近到山頂, 見幾片大石, 無法走過, 太危險, 便又跟絲帶行, 行下行下, 變左落山... 吾係好妥, 不過, 冇得揀, 又要爆林落去... 在山中行左差不多兩個小時.. 終於冇穿冇爛, 落到馬路... 都吾知去左邊, 於是, 開GOOGLE一望... 唉呀... 我地只係由起點前行左約500米... (平路計)...

 其實, 我地目標, 係由12點6點方向, 但結果係由12點去左12點01分方向... 唉呀...算啦..
總算平安返來...

不過, 最瘀係... 在終點, 竟然再見到那一位放狗女士... 佢問: 你地揾唔條路上去咩?? (我地話: 揾到, 不過我地行左番來... 真係笑爆... )

今次係第二次失敗... 已經準備第三次探路... 真係吾死心...


PS: 爆林都幾危險, 其實不是山路... 不是一條路, 又有荊棘, 又沙石, 路又斜... 只能捉住樹幹同藤蔓行... 冇手套就好吾掂, 隻手一定好傷...

妹仔的活動...

太忙了... 一直都沒有上BLOG...

過去一段時間, 妹仔除了上課交功課考試... 佢開始留意升學的資料... 在學校內, 佢聽左幾間大學的簡介... 包括: 加拿大的, 英國, 澳洲的.. 大概了解一些基本資料... 了解一些佢心儀的科目..
 
亦參加了一個MEDSTART的PROGRAM.. 是中大醫學生和港大醫學生搞的PROGRAM... 這是一個兩天的PROGRAM, 一天在中大, 一天在港大, 讓有興趣的同學, 了解一些醫科生和醫生的概況... 有約200個名額, 同學年初時, 交表格和一篇文章 (沒有交成績), 也不知道用什麼原則, 就被收去參加這個PROGRAM..

妹仔上上完朝9晚5的兩天... 返來有一個觀察, 就係原來讀醫要讀到40幾歲... (專科又專科的讀上去... ).. 然後, 佢話自己好差, 因為乜都吾識... (其他本地名校生就好似好叻咁... 佢話直情覺得D校的學生有氣場... 哈哈.. ).. 都幾好, PROGRAM其中一個TALK, 係袁國勇去講流行病... 佢見識下著名學者, 都係好經驗...

妹仔話, 條條骨, 條條肌肉, 條條神經都有個名...  (所以, 佢吾知自己讀吾讀到.. )..
佢都幾有自知之明...


至於, 將來, 佢報吾報, 要睇成績, 亦要睇興趣... 人家收吾收, 更加係遙遠的事...
 
不過, 對妹仔來說, 知道下都好..  佢另一大目標, 係營養學 (營養師)... 不過, 就要出國讀. 

捐血

妹仔剛過16歲生日, 她的第一個生日願望, 就是去捐血... 於是, 在她生日後的一天, 就陪她到捐血站捐血...

我問佢, 在你的朋友中, 是否只有你一個要求去捐血?

 佢話 : 暫時係, 其他人有D未夠年齡..

我並不知道點解佢有這個想法, 不過, 冇問題, 去就去啦.. 我自己18歲開始捐血, 但在差不多30歲左右就停止, 因為, 工作忙, 而捐血後, 覺得非常疲倦, 不能集中精神, 所以, 就冇再去. (我老媽子好緊張, 舊思想, 認為捐血會影響健康... 所以, 不贊成妹仔16歲捐血... 當然係捐完, 先講佢知啦... )

關心...不關心...

話說早幾日, 帶兩個侄仔去行山, 妹仔都一齊去... 行完山, 返到屋企門口, 我發軟蹄, 跌在地上,
兩個膝頭都瘀左..  妹仔在我身邊, 佢竟然彈開.. 我話 :乜你咁都唔扶下我?? 

話完佢, 佢先冇好氣咁扶下我..  唉... 死啦.. 我老左... 想揾人扶下都難了..

 早兩日, 忽然間,  妹仔話 : 你吾好再買片裝芝士來吃...

 我問佢 : 點解呀??

佢話 :吾係我食, 不過, 如果你食, 買一舊那一種... (妹仔戒左乳製品.. )  片裝冇益..

我答話 : OK.. 明白..

我諗... 唉呀! 原來佢都關心我食乜架!

準備入大學

昨晚, 妹仔命令我去學校聽一個關於ACT/SAT的講座... 聽完之後, 我都係吾記得佢地有乜分別.. 我只係知道暑假要去上補習班, 操下試卷, 學下考試策略... (當然, 又係可觀的$$$$..)


返來, 妹仔同我講... 佢只準備上其中一個補習班, 吾會上全部...  我話, 不如上埋其他兩個.. 佢話, 太貴, 自己操下就算...

老實講,  我吾知有幾大用途..  總之, 佢自己考慮清楚, 就好...

上學期的成績還算不錯..  但係, 我總係見佢好得閒...  成日就上網, 護膚, 做運動... 究竟佢做左幾多... 我都真係吾知...

總之... 隨佢啦...

福袋的啟示

新年假期, 去了大阪旅行, 這次旅行, 主要目的, 就是買福袋... 沒錯的, 這差不多是唯一的目的..

順道去了京都一日, 到清水寺走一走... 不過, 妹仔最有興趣, 是二年阪, 三年阪路上的小店..

 到了元旦日, 一大清早, 9點鐘, 去EXPOCITY排隊入場, 這商場是元旦日開店的, 在元旦開店的商場和百貨公司不多, 所以, 必須要上網CHECK清楚.. 商場9:30開, 我要在門外吃30分鐘西北風... 妹仔就非常高興, 還嫌來得不夠早... 天啊!! 我慘變雪條!!

一開門, 大家一起跑呀... 衝呀... 妹仔早已部署好... 先去KIEHL..再去FRANC... 然後, 選擇一間服裝店... 總之, 一切按計劃進行, 我還要事先給她一點錢, 大家分頭出發...

跑完一輪, 要買的福袋都買到... KIEHL護膚品(10000日元).. FRANC家居用品(5000日元), SLY服裝(10000日元)福袋... 還有其他零零散散的...

買完福袋, 重到死, 要抬回酒店... 買福袋過程, 除了去跑去搶, 好好玩之外, 再好玩的, 就是好像開百寶盒一樣, 逐件拆開, 看看自己得到些什麼...

 KIEHL冇問題... 因為福袋內容, 一早知道..

 開FRANC FRANC, 大鑊!! 最重要的一件, 竟是一個輕型攪拌機, 非常精緻, 不過, 是100V... 等於冇用... (本來以為會係毛巾, 浴露... 甚至CUSHION... )..都會好過一部電器... 唉...

輪到SLY...  又係大鑊... 一大堆衫都冇問題... 最貴的竟是一件過大的大褸... 仲要係大領長褸, 香港冇人會著... 極土氣... (不過, 日本人就人人都著... )... 最慘係, 件褸超重, 超2-3KG, 放入行李, 隨時會害我蝕行李費...

唉... 面對這兩件冇用處的昂貴東西...  (到街上買,  原價都貴... ).. 又不想抬回香港, 因為明知,帶回來, 也是冇用...  苦惱了一陣, 終於決定送給日本人...  馬上想到送給執房的日本大嬸...

我找了大嬸三次, 終於找到... 把兩件東西送給她... 她很高興, 因為那個FRANC FRANC機真係好靚... 我想, 如果她不合用, 起碼可以賣去中古店 (二手店), 日本好流行... 賺多一點錢..


問題解決, 我都安心..  對於妹仔來說, 都算花錢買教訓... 以為購物, 真要謹慎一些... 當然, 過程中, 少不了, 我的囉囉唆唆...  妹仔話... "以後只買能看見內容的福袋!"

但願如此... 不過做人都一樣... 有時, 辛辛苦苦爭左D野返來.... 原來不外如是, 又或者, 強差人意, 冇問題... 解決左, 下次又搶過囉...  笑下啦.. 香港人...