終於似個高中生..

近來, 妹仔放學都留校温習... 都會留一個多小時...  我覺得佢終於似一個高中生... 因為, 往日一放學, 就返屋企...  實在, 我讀書的年代, 日日都到晚飯時候才回家..

我問妹仔, 你有冇同同學一齊温習??  佢話: 冇喎...

我話 : 有冇搞錯!!  你要捉住個勁男仔, 教你PHY, MATH呀...

佢話 : 其實除左A君, 其他男仔都唔掂...

我話 : 咁就捉住A君啦...

佢都費事答我...

不過, 我真係覺得, 一班同學一齊温習, 會事半功倍... 教學相長... 叻仔都會更叻...  只可惜, 妹仔班老友, 個個選科都不同... 所以, 好難揾到一齊温習, 唔同我以前, 一班同學都係讀果幾科..

希望佢可以捉住D高手, 教下路啦...