四傻師奶又爆林

屋村師奶行山團, 又一趣爆事件...

兩日前, 本來計劃由西貢蠔涌行去沙田黃泥頭... (一星期前, 由沙田黃泥頭出發, 行錯路, 行左去馬鞍山梅子林...  )...  今次, 再由西貢蠔涌 (匡湖居對面) 出發, 從反方向出發, 想去沙田...

開始都唔錯, 由一位放狗女居民指引, 前半段行對路... 誰知行左三分一之後, 就又跟住絲帶行... 行下行下, 又入左樹林... 好彩今次大家有準備, 帶左手套, 就爆林上山... 上將近到山頂, 見幾片大石, 無法走過, 太危險, 便又跟絲帶行, 行下行下, 變左落山... 吾係好妥, 不過, 冇得揀, 又要爆林落去... 在山中行左差不多兩個小時.. 終於冇穿冇爛, 落到馬路... 都吾知去左邊, 於是, 開GOOGLE一望... 唉呀... 我地只係由起點前行左約500米... (平路計)...

 其實, 我地目標, 係由12點6點方向, 但結果係由12點去左12點01分方向... 唉呀...算啦..
總算平安返來...

不過, 最瘀係... 在終點, 竟然再見到那一位放狗女士... 佢問: 你地揾唔條路上去咩?? (我地話: 揾到, 不過我地行左番來... 真係笑爆... )

今次係第二次失敗... 已經準備第三次探路... 真係吾死心...


PS: 爆林都幾危險, 其實不是山路... 不是一條路, 又有荊棘, 又沙石, 路又斜... 只能捉住樹幹同藤蔓行... 冇手套就好吾掂, 隻手一定好傷...