連學位都炒高

同一班舊同學敍會,  從加拿大回來的老同學說 : 依家, 連加拿大D大學學位都炒高曬喇!!

無他, 強國學生考公開試成績超班, 到加拿大只識得幾間有名大學, 如: UT, UBC... 搞到D大學收生D成績都要求高曬... 以前, 加拿大大學都係易入難出,  依家連入都難...

某日, 又撞到某家長, 佢囡囡成績一般... 我問佢, 是否目標入加拿大的大學, 因為佢有家人在彼邦.... 家長慨嘆話 : 依家, BC省的大學都好難入, 成績要A等, 先入到, UBC不在話下, 連SIMON FRASER都好難...  講完, 佢都好沮喪...  因為囡囡不太努力... 學校成績GPA只有3左右... 高中睇4年成績, 只剩2年, 好難追... 

我問妹仔, 有冇信心入加拿大大學??  佢話: 根據學校歷史紀錄, 應該OK... 

但願如此....