一屋老友記??

老媽子睇左大台"一屋老友記", 有陰影...

一大早, 飲早茶, 老媽子話... 昨晚, 瞓瞓下, 忽然間, 幅牆發光... 好驚...  唔理佢啦... 已經辛苦到死... 晨早五點幾起身去平台晨運, 忽然間行個大雷, 一轉身, 見個披頭的女人, 坐在地上... 嚇鬼死...

我話 : 亞女昨晚冇熄好部電腦, 可能你推一推, 部電腦打著左, 咪發光囉...你吾再郁佢, 就會熄番...  我今朝關左機喇..

老媽子鬧 : 好心你地熄左佢啦... 

另一位師奶話 : 哦! 昨日個回教齋戒月結束丫嘛... 有D印傭會落街祈禱, 可能D主人唔準佢地在屋企搞呀...

老媽子媽媽聲 : 咁都唔駛著成咁!! 靜雞雞坐係個地度, 嚇死人咩...

然後, 當晚... 老媽子瞓瞓下, 無端端吾見左佢攬住果個枕頭... 第二朝, 又無曬心機...

我話.. 哦... 昨晚, 亞女三更半夜出廳瞓, 攞左你個枕頭... 我今朝晨早, 你未瞓醒, 就攞番入去俾你囉... 

老媽子又媽左我一輪...