跑步都係貴價運動

以為跑步只需一雙波鞋...  真係錯...記得我去年初初開始學跑, 真係只得一雙舊波鞋... 連跑褲都只係攞屋企條舊波褲, 另加一件普通T...

跑下跑下... 要買一條跑褲, 有內膽的... 做熱身踢腿動作, 好樣D... 然後, 買一件快乾T, 第一件跑步快乾T幫襯國內名牌 ANTA (安踏), 貪佢夠平... 後來, 換一雙NIKE...又要買隻計時跳字錶... 冬天有一條貼身褲... 這一套裝都陪左我大半年... 

慢慢... 當然愈買愈多... 鞋要用ASICS, 因為NIKE跑鞋實在唔多好著...

快乾T買多3-4件... 因為, 跑得多, 汗多, D衫洗極都有汗味, 加上行山時穿快乾T都係舒服好多.

然後, 要買小腰包, 方便帶手機門匙出街跑.... 仲有號碼帶準備出賽時掛號碼布同帶水樽...

不過, 其實, 我仲有好多野冇買... (同班同學有更多其他裝備... 仲係貴野...專業運動錶, 跑步風褸, 冷涷毛巾, 頭帶... etc.. ) , 但係, 亦已經加加埋埋有一堆...

跑步之後, 另一得著, 係學識好多運動名牌.... Under亞嫲... 鎖龍門..  交叉跑褲... 米津龍.. 總之, 一雙鞋1000+, 一條褲900+, 一件衫300+...  認真要命...

我同妹仔就繼續等減價, 或遊埠時去OUTLET,  又或者, 繼續幫襯強國名牌... 李寧, 安踏... 其實, 佢地D款都唔錯.