老人家

這個暑假, 老媽子特別忙, 亦特別開心....  因為, 兩大孫和兩小孫都返港, 連同妹仔, 一共五個孫... 於是, 日日忙到一頭煙...

妹仔話 : 亞婆都算係享緊福!!  (事因, 佢都見不少老人親戚, 日子過得不太開心.. )

無他, 老媽子擁有幸福老人的幾個重要特質.... 身體仍做得, 又肯做!! (肯郁肯做先得!)... 身邊有D錢, 又肯駛!! (有都要願駛先得!!)... 仲有明明眼寃, 都要忍得!! (囉囉唆唆就實唔得!!)

因為一堆人返港, 所以, 老媽子個麻雀窩冇左... 週末冇牌打, 又要出錢出力, 煮十人飯菜, 仲要見兩個大孫, 晚晚去到凌晨一兩點...  完全打亂佢生活節奏, 不過, 佢都唔敢出聲.... (只係日日在我面前哦... 一見班子孫, 只有四萬咁口, 做個YES婆... 冇符... 幸福晚年都要付出架!!)

抬頭一看, 自己都快將步入晚年.. (雖然話依家60歲都係中年..).  但事實是, 抬頭一看, 不過幾年後的事.... 所以, 見賢思齊, 都要向老媽子好好學習...  幸福老年, 都要自己爭取架!!

PS : 因為今年暑假特別熱鬧,  專登晨咁早, 去買兩盒月餅, 依家都就快焚化完畢!!