真係有進步架...

我足左50歲, 才開始跑步...  50歲之前, 最長跑過800米, 因為中文大學當年要跑完800米 (在一定時間內), 才可以畢業, 所以, 那一年, 我跑左800米, 記憶中是5分多鐘完成...

然後...上個暑假開始學跑...  開始時, 一個400米都跑不完...

有一次, 亞SIR叫我地跑球場外圍, 有上下坡,長度約800米一圈... 他的吩咐是, 跑3圈, 不要停... 我記得, 我跑到死下死下... 以為自己不能完成... 助教跟住我跑 (因為我跑第尾), 佢猛叫我加油... 幾慘...

這星期, 去到球場, 幾個同學仔話, 喂, 時間咁早, 不如跑外圈, 熱下身... 

好啦... 見仲20+分鐘先上堂... 幾個人跑出外圈, 跑下傾下, 不經不覺, 就一圈... 同學仔又話, 咁早, 跑多一個圈啦...

好啦... 又跑... 跑下傾下, 真係又一圈囉...

當中一位比我年長少少的同學話: 我初初來, 400米都跑唔完架...

我話 : 唔係啩, 你跑得咁快... 又跑半馬, 又跑全馬!! (同學係A組快組... 我係C組慢組..)


佢話 : 車!! 我仲乜要呃你!!

其實...真係會進步架.... 我都係其中一個... 雖然我冇上進心... 次次都係海鮮 (DON'T升班)... 不過, 死下死下, 挨下挨下... 真係會進步到連自己都見到...

PS: 現在跑800米, 大概於5分30秒內完成... 大概係平左自己大學時代的紀錄...