人在看...

某日, 照常返教會... 通常我坐最後第二或三排, 兼大單邊... 壞榜樣... 以為冇人會留意我...

豈料, 忽然背後有聲音問: 你囡囡兩星期冇返喇?!

原來, 坐我後面一位UNCLE, 跟我打招呼... 我當然笑笑口, 答 : 係呀, 亞女去左學校交流團呀.

然後, UNCLE又話 : 你同囡囡都好親密喎, 我常常見到你地一齊跑步...

啊! 係呀! 我地會跑海邊...  (通常, 我同妹仔傍晚或晚飯後去跑, 我都以為冇人會注意... )

UNCLE話 : 我都跑呀... 我差一年就70歲!

於是, 大家寒喧了幾句...

我回心一想, 還好! 我從來冇當街當巷鬧妹仔, 否則, 真係最差最壞的榜樣...

人在做... 不只天在看, 人也在看...  真係"君子慎其獨"...