暴龍變雷龍

妹仔細時 (十二歲之前), 係食肉獸, 可以一次食十幾隻雞翼, 或者食一大片牛排... 放學下午茶, 通常都整一大盤, 或者去PIZZA HUT, 板長, 味千... 吃一大餐...  真係一餐下午茶都吃一百幾十元... 

時移勢易....  青春期之後, 尤其開始有暗瘡問題後,又覺得自己肥.... 就一百八十度大轉變... 由食肉獸變草食動物...  現在, 我全個雪櫃, 都係蔬菜...  佢極少要求外出飲食... 佢食D野, 我都忍受不住... 仲要不斷發掘所謂營養食物...

羽衣甘籃...生食... 又苦又澀...  (其實, 即係鬼佬芥蘭.. )

紫椰菜.. 又話生食..

紅菜頭... 又要生食...

飲茶要綠茶...  我話太寒涼, 佢就唔高興... 唔准佢飲咁多, 佢就轉飲果醋... 燒脂喎!

食雞要雞胸... 買錯雞柳, 佢就發脾氣..

依家下午茶, 在家煮...  沙律, 烚菜 + 水果 + 果仁 (果仁要RAW, 不要焗... )

雖然好似吃得簡單左... 不過, 計下價錢, 其實同以前差不多... 事關, 依家菜貴 (節瓜都40元一斤), 仲要食好菜有機, 真係一D都唔平...

總之, 以前係暴龍, 依家係雷龍.... 一樣咁大食!

仲有... 買Glutin Free粟米片俾自己,  到時到候都係俾條雷龍食埋...