點解唔阻止我...

妹仔翻看她以前的身體檢查紀錄, 發覺幾年前, 佢比現在矮三吋, 但體重多三公斤...

妹仔驚叫 : 哇!! 好肥呀!! 咪好似你咁!!

我話 : 都唔係好肥, 大隻D啫!!

佢嬲爆爆, 問: 當時, 點解你唔阻止我食野?? 我冇咁肥, 就少D肥細胞, 依家容易減D!

我話 : 點阻止呀!? 我以前阻唔到你食野, 正如, 我依家想逼你食多D, 都冇辦法啦... 以前, 叫兩份下午茶,  一人一份,你都唔准我食, 我淨係可以飲杯熱飲咋... 一人一份早餐, 你一定食埋我份通粉...  唔俾你, 你就發脾氣...

妹仔諗下諗下, 都無話可說...

PS: 妹仔以前去泳會操水,  覺得佢大大隻... 依家去泳會, 覺得佢瘦蜢蜢... 事關同隊的女仔, 以前差不多身形, 依家就大隻左好多...  我對妹仔講, 佢依家一D都唔似操水...