由得佢

今日, 妹仔去划艇會學划艇, 約了同學仔和家長, 早上8:30在某地鐵站等.. 出門時, 妹仔發覺冇帶電話..

我問佢 : 駛唔駛翻屋企攞?

佢答 : 唔駛! 冇電話唔駛死喎!

送完佢去車站, 我如常去茶樓, 同一班老師奶嘆茶... 我特地將手機放在桌面, 驚佢會打電話求救...

真係 MURPHY'S LAW... 一定會出錯... 到9:10, 家長WA我, 話在艇會未見妹仔, 問我妹仔去左邊? 我話, 佢在某車站等...  家長話: 改左去另一個站等, 等唔到, 佢地於是去左艇會... 佢問我要不要返轉頭找佢.

我話 : 佢冇帶電話... 我唔知佢去左邊... Just leave her alone... I don't know where she is.

我都冇符...   想多兩分鐘, 惟有去佢原本個車站找佢.

我動身之時..一個老師奶異口同聲, 話 : 你找到佢, 千祈唔好鬧佢... 事關, 你發脾氣, 佢就順帶將脾氣發洩在你身上..  佢都唔會知道自已有錯.

老媽子亦話 : 係時候受下教訓..  平時甩頭甩髻..  又唔聽人講..

當然, 我去到車站, 不見人... 打個電話俾家長.. 家長話, 見到妹仔了... 家長往回路走去找佢, 在半路中, 見到妹仔行緊去艇會, 就接到佢.

我當時鬆一口氣,  叫妹仔同我講, 我問 : 你有冇事? OK嗎?

妹仔答 : 會有什麼事?

PS: 妹仔最終遲到半小時...   (幸好早一日, 我曾經教過佢條路... 可能佢記得少少... 我其實提過佢好多次, 見佢上網, 睇下點去... 當然, 佢睬我都傻... 出門又冇電話... 都係時候受下教訓. )