踏入一個新年齡層, 真係覺得改變很大.. 就算個瞉保養得幾好, 身體機能都真係大不如前.
本來諗住做運動去保養下, 報左跑步班 (晚上班, 唔會太熱), 學下跑步.. 豈料上左45分鐘, 已經暈暈地.. 我都知道自己差 (冇諗過差成咁), 當然馬上坐低休息, 無謂累街坊, 等到最後跑圈, 跑左15分鐘, 做埋放鬆動作, 就返屋企.. 我都唔係好知自己點搞, 總之, 汗水不停流, 都不停飲水啦.. 不過, 知道自己流汗唔係幾過癮, 似流淡汗多D..
跟住仲大鑊, 第2日就發高燒.. 39.5C.. 死得.. 冇其他病徵, 只係發高燒.. 睇醫生, 醫生都頭痕, 終於都係俾退燒藥同感冒藥.. 足足瞓左3日, 先好番少少..
我最唔LIKE, 就係無法控制自己的身體... 不過都冇得唔LIKE.. 到左年紀, 真係冇符!!
古時, 皇帝控制到千軍萬馬, 千萬臣民, 卻控制不到自己的身體, 也是徒然.. (所以, 要去找長生不老藥.. )... 到如今, 我都明白皇帝的想法囉..
身體愈來愈不聽話, 點算?!
我仲有幾堂跑步班要上... 唉... 好驚.. 唔知上唔上好??!!!
(我諗下自己過去50年, 都係讀書, 返工, 做家務... 最近兩年才做下運動, 點知一做就出事... 慘!)
會唔會係中暑呢？運動嘅嘢急唔嚟，我最近開始返番瑜珈，周身筋腱和肌肉當然未醒，要由最初班重頭來過...身體老得快過個樣，冇計！
回覆刪除其實都係跑步初班(基礎班), 而且晚上上課, 天氣都唔算熱, 不過, 都估唔到差到咁.. 事實上, 這一兩年, 身體對溫度調節真係差, 個thermosat好似壞壞地...
刪除可能你游水最安全...
刪除就著自己情況，一步一步去運動，我諗妳初期要做啲舒服又出汗嘅，等身體適應咗，再走下一步。
回覆刪除就著自己情況，一步一步去運動，我諗妳初期要做啲舒服又出汗嘅，等身體適應咗，再走下一步。
回覆刪除依家都要見步行步, 又唔想完全停左... 教練話: 心肺功能有得練, 唔練會愈來愈差架..
刪除