話咁快

同親戚飲茶...  老媽子講起妹仔學琴,  已經考左演奏級 (其實演奏級不能演奏, 只是多一張CERT)... 大家都很驚訝..

中年親戚說 : 妹仔細時, 坐上琴椅, 只係亂彈, 又週身郁, 完全冇心機..   (我諗大概四歲, 學緊TL琴行的兒童音樂班...)

我說 : 係呀... 佢細時完全冇心機..

中年親戚說 : 佢依家高級過我老媽囉... (佢媽媽當年八級琴, 是一位琴老師, 曾經話可以教妹仔... 當年, 妹仔只得四,五歲,  攪唔掂... 而且, 自己親人, 亦教唔掂... 到妹仔大左, 佢媽媽身體欠佳, 亦無能力再教.. )

我說 : 係呀... 而家我都冇權過問, 係佢老師決定幾時考試..

親戚說 : 真係唔覺唔覺, 話咁快!

PS : 講開學琴, 我細佬本來叫佢囡囡學琴, 兩年前買左琴... 不過, 最近賣左出去, 因為囡囡(今年九歲)無心機學, 亦無謂浪費時間..  其實, 早年學琴, 係考驗亞媽, 多過考驗小朋友...  學得成功, 多數都係亞媽管住要練, 否則, 小朋友冇幾多個會自動自覺去練... 入左中學,  就連亞媽都管唔住...