肥佬學騎馬

有時候, 年近半百, 都會做一些壯舉...  我大佬今年五張, 被公司派去駐瀋陽... 天寒地涷, 我以為無甚樂趣可言...

豈料這一位肥大佬去到瀋陽, 竟然樂趣無窮... 佢每隔一兩個星期, 就WECHAT一些靚相給我... 內蒙沙漠, 北韓邊界丹東, 瀋陽山區最近仲滿山紅葉... 佢一到週末, 就同一班同僚駕車四圍去, 旅行映相, 真幾寫意... 佢以前出差, 無此情趣... 可能, 年紀到了, 就想做一些年輕時錯過了的東西..

哈... 佢最近仲在瀋陽學騎馬, 話只係80元人民幣一個鐘, 好抵玩喎... 救命! 肥佬學騎馬! 真係要祝隻馬好運喇!