Reach, Match, Safe

上星期, 見學校的大學入學輔導老師... 談談入大學的準備... (其實, 都幾早, 亦不錯... 因為早一點預備... )

他們的分析是...  大概分兩類國家大學的入學考慮... 以考試評分為重的, 包括: 香港, 英國和澳洲...  另外是綜觀全部, 比較開放自由的, 包括 : 美國, 加拿大... 所以, 在考慮學校的時候, 如果已經有選定的學科, 港英澳就可以馬上考入心儀學科.... 而美加, 則可以先讀不同學科, 過一兩年再選擇... (壞處亦是, 讀專業要讀多幾年... )

另外... 當然, 成績好入港英澳的大學會較有把握... 而美加則還要看.. 課外活動, 領袖活動, 甚至課餘的相關活動或工作... 所以, 就算考試滿分, 要入美國的名牌大學仍是非常困難... 但入英國的頂尖學府就比較能掌握... (因為較重視成績.. )

而選校亦有策略... 最好是兩個國家... 如果3至4個國家, 就非常辛苦, 因為會有很多入學的信要寫... 學校會給同學十張TRANSCRIPT (成績單), 去寄去學校... 故此, 應該要限於申請10間大學之內... 不過, 英國就可以UCAS, 一張申請五間... 而美國的加州大學系統就可以一張選9間..

老師亦建議, 在羅列學校名單之時. 要有REACH (難度最高), MATCH (應可進入的), 和SAFE (十拿九穩的).. 不同類別的學校... (根據自己的成績.. )

亦有跟老師研究過妹仔的學校名單...  當中, 香港的大學屬REACH... 英國的名單中有REACH, 有MATCH.. 加拿大和美國的都屬REACH和MATCH... SAFE的學校不夠... 所以, 要再研究一下, 加兩間SAFE的學校...

我沒有太大想頭... 能入到MATCH的, 都是很不錯了...

PS: 香港的頭三間大學都是REACH... 其實, 一般來說... 能入到香港的大學, 其他國家的有名的大學都應該會收.. ..

PS: 英美加的名牌全部REACH. (Oxbridge, Ivy League, Berkely..). 就算考公開試滿分... 都只有20%把握!! 所以, 就算真係滿分, 都要報SAFE SCHOOL..

都係代溝

其實, 我都真係冇辦法明白這一代人...

又要想當年... 我中五... 會考前個聖誕節, 假期幾日, 天寒地涷... 幾個同學返學校温書... 由操場搬枱到室內, 再搬去太陽底.. 想暖DD, 因為手都涷僵... 就係不停做PAST PAPERS... 都好擔心吾夠時間準備...

妹仔五月就要考公開試... PHYSICS + CHEMISTRY...  果科PHYSICS涷過水... 叫佢做EXERCISE仲慘過行刑... 一個假期, 旅行去完... 要行街都行曬... 都係吾願做..... 唉..

我就揾埋D題目俾佢... 一個假期, 勉勉強強... 夾夾埋埋... 至做到6個小時... 唉... 佢話喎... 做都冇用喎...

我話... 好似練琴一樣, PHYSICS都要操架...

佢就話...  練琴都有D進步... PHYSICS就做都冇用...

唉... 激死我..

下學期, 仲加一科Micro Economics, 科科都堅料... 叫佢DROP又吾肯... 激鬼死...

PS: 其實, 如果順順利利... 照估計 (和學校以往收生情況), 加拿大UBC明年初都會出ACCEPTANCE LETTER..  不過, 就要今年考得似樣囉...

Physics

起初, 兩位叫妹仔一起讀PHYSICS的同學, 有一位終於決定DROP, 另一位則極大機會DROP.. 而妹仔則決定死挨下去...

這個假期, 我想佢温習多D, 佢竟然話, 温多D都係咁上下... 我同佢講, 如果吾勤力D, 就不如DROP左PHYSICS... 佢又似乎吾肯... 唉...

事關, 申請美加大學, 校內成績 (GPA)都好重要... 我吾想PHYSICS拖低分數.... 不過, 佢吾肯, 都冇辦法....

十二月考完SAT, 成績在我心目中, 都算滿意... 並不是非常TOP, 但是, 是我預想的分... 三月會再考一次, 希望可以考高D..

五月考AP CHEMISTRY + AP PHYSICS..  如果成績理想, 可能2018年底已經搞掂大學入學.. 但願如此..

PS : 剛去完首爾旅行... 發覺有兩樣東西要非常注意... 在香港機場輪候wifi egg... 要15分鐘以上, 非常長龍... 要預早去機場.... 另外, 在仁川機場的樂天免稅店提貨... (即是在市內免稅店買貨, 部份要在機場過海關後取貨, 排隊要45分鐘以上... 所以, 必須盡早去機場, 並馬上入閘取貨...  我攞籌輪200個號碼, 排了45分鐘... 我見到大部份人取完貨都跑去登機口.. 亦有人排到上吾到機... 真係好嚇人... )... 我的時間比較充裕, 2 小時前入閘, 所以, 還算輕鬆...

從未見過咁勤力...

妹仔學期考試, 這幾天努力温習, 真係從未見過咁勤力... 我就要STANDBY, 當佢一到唔明白, 我就要解釋...

今日星期日, 佢仲帶兩個同學仔, 一齊返屋企温PHYSICS... 佢一早BOOK左我, 又要我STANDBY, 幫佢地温書... 佢話揾我, 好過揾補習老師, 因為唔駛計鐘... 做到邊度吾識, 先開口問... (仲有, 負責埋茶點, 晚餐... )

學期初, 佢同兩位同學仔一齊讀PHYSICS... 我一早就勸妹仔吾好讀, 當然, 同學的影響力大過我.... 佢終於報左.... 一個學期後, 佢兩位同學都只攞個F, 而陪讀的妹仔就差差地都有C...

我問妹仔: 佢地有冇後悔??

妹仔話: 後悔都冇用... 因為已經DROP吾到, 一定要死捱到尾...

自知之明

妹仔的同校師兄, 有三位這星期飛往英國牛津大學去面試... 真勁...  (當中有兩人同妹仔同一組做CHEM LAB... )

我問 : 去牛津面試 (讀LAW)... 做乜仲要讀CHEM??

妹仔話 : 佢地真勁, 文科又得, 理科又得, 仲有大把活動, 仲拍緊拖...   冇辦法... 人地咁聰明, 我就蠢蠢鈍鈍... 唯有勤力D..

我話 : 都好... 都幾有自知之明...

畢業旅行預演

妹仔今年暑假, 想搞個畢業旅行預演, 想同幾位同學, 去一次台灣...  佢問左幾位同學, 然後, 叫佢地返屋企, 問下家長...

妹仔一心諗住, 起碼有一兩個可以成行, (佢已經吾問那些一定吾得的.. ) 不過, 好可惜... 答案依係... 幾乎所有同學都要求有家長陪同...

妹仔當然不高興... 佢話, 有家長去, 就不是畢業旅行啦... 完全不是那一回事... 

佢發完一輪氣... 問我... 點解你會肯俾我去丫??

我話 : 每一位家長的BRING UP(成長背景)都不同...  我老頭子一向極度自由... 我年紀輕輕就自己周圍去... 不一樣的! 所以, 好難去改變其他家長的想法...

妹仔又哦...  我地遲早都要出國架啦...  遲一年早一年又差得幾遠...

我話 : 你要有心理準備, 你搞呢樣野, 不但會被拒絕, 還可能會俾其他家長鬧... 你自己執生啦..

妹仔更擔心係, 明年都吾知搞吾搞得成... 明年暑假, 就真係畢業喇... 

PS: 要有家長陪同... 我當然吾會出面... 吾好搞我!!

終於似個高中生..

近來, 妹仔放學都留校温習... 都會留一個多小時...  我覺得佢終於似一個高中生... 因為, 往日一放學, 就返屋企...  實在, 我讀書的年代, 日日都到晚飯時候才回家..

我問妹仔, 你有冇同同學一齊温習??  佢話: 冇喎...

我話 : 有冇搞錯!!  你要捉住個勁男仔, 教你PHY, MATH呀...

佢話 : 其實除左A君, 其他男仔都唔掂...

我話 : 咁就捉住A君啦...

佢都費事答我...

不過, 我真係覺得, 一班同學一齊温習, 會事半功倍... 教學相長... 叻仔都會更叻...  只可惜, 妹仔班老友, 個個選科都不同... 所以, 好難揾到一齊温習, 唔同我以前, 一班同學都係讀果幾科..

希望佢可以捉住D高手, 教下路啦...