十公里賽

今日, 我參加了人生第一個十公里長跑賽事... 幸不辱命... 跑畢全程... 真係跑畢全程, 中途冇吞泡行路, 除左在水站飲水補充, 基本都是跑.. 跑..跑...最後以1小時11分完成... 每公里約為7分8秒, 比我預計的8分鐘快了52秒, 是個人最佳速度...

如果在一年前, 我根本不會想像自己能跑一小時.. 最初, 我寫俾教練的跑步目標, 只係能持續跑15分鐘... 當時, 教練話, 咁可能一堂已經OK... 不過, 我第一堂, 未跑完就中暑, 發燒發左3日.. 唉... 死下死下... 逼自己繼續... 跑下跑下, 學左一年多... 終於跑第一個10K... 都真係一個里程...

 50歲先開始學人跑步... 報名賽跑都幾乎入元老隊...


所以,
如果我能跑, 人人都可以...

 亞女成績更好...只係跑左1小時零分20秒.. 都係個人最佳時間..佢目標更高,
下年要跑半馬..