孤獨老人

老媽子忽然話 :自己變左孤獨老人...

慘... 因為麻雀腳不合群, 幾十年來, 每週的耍樂活動散了 (另外, 死的死了, 病的病了.. )...  其實, 每個週末, 有一項喜愛的活動, 儘管只是一週一次, 都是有個期待, 有個盼望... 故此,  都明白佢心情...

佢話 : 其實都想揾D年紀差不多的老朋友傾下計.... (雖然佢都有一班茶友,但茶友年紀較輕, 只得60幾, 人家玩SMARTPHONE, 老媽子唔係好識... )... 但係, 又唔想去老人中心, 做義工又太老喇...

我都冇野可講... 因為只能用一個同理心, 明白一下佢心情... 事實上, 佢都知自己不算孤獨, 因為與家人同住, 天天有人在家出入, 亦有陪佢去飲茶... 不過, 佢因為腳痛, 唔行得耐, 所以, 出去行街, 都不能行太多... 故此, 常常在家... 

其實, 真係要好好準備老年的日子...  有很多事情, 都要盡早開始, 做運動, 做義工, 建立新朋友圈, 保持心境年輕, 保持與年輕一輩的話題...  沒有一件事情, 可以想做就做...  (千萬不要以為做義工, 可以話做就做... 很多團體都有要求... 故此, 50幾歲就要開始... 還要趁自己未算太頑固, 太不合群時, 就要開始... 否則, 真係愈老愈萌塞... 自己都係咁話自己... ) 

PS:  五十歲前, 身體只是十年一大變... 六十歲, 可能係年年不一樣... 年過七十,身體是日日都不一樣..... 有時候, 都要樂觀地接受自己的改變... 才可以開開心心活到BYE BYE的一天..