痴呆症

上次坐飛機, 睇左一套STILL ALICE (永遠的愛麗絲), 裡面講50歲的女教授患上老人痴呆症..

我發覺... 我都有好多相同的問題... 慘!!

女主角第一個病徵, 就係冇曬D VOCABULARY (詞語, 生字).. 佢本身係語言學家, 但係就唔識得用詞..

唉.. 我一樣... 望住想講D野, 永遠都腦袋空白.. 唔知用咩詞句... 譬如: 退稅, 火鍋... 整日就講: 呢!! 呢個.. 呢個.. 即係呢個呢... 講極都講唔出..

然後, 想講一間一向都認識的名校.. 德望.. 講左15分鐘, 先講得出..

望住片集個三眼仔二郎神... 想講佢個名... 講左10分鐘都講唔出, 最後, 老媽子話: 錢家樂呀!!

死得... 言語遲鈍...

至於認路, 一向都差... 還好, 未至於唔識番屋企..  (死得... 剛剛打個 "屋"字, 打極打唔出... 原來, 將"屋"同"企"合埋打.... 唔怪得打極打唔出.. )

我諗.. 我D腦力都用得七七八八.. 經過五十年的折磨, 都用得幾盡喎..