實在太黐線...

如果心血水少, 真係會俾個家長WA搞到神經質... 

妹仔話 : 咁你好退GROUP啦..

我話 : 我又八卦, 想知佢地講乜...

最近, 某家長SEND左一張圖出來,  講世界名牌大學的收生標準, TOP10要SAT考2300分以上(滿分為2400), 仲要GPA= 3.95 (滿分為4)..

其實, 睇完仲安樂啦.. 根本唔駛諗... 大覺瞓好過...

家長話, 對考大學已經覺得緊張... 唔係卦... GRADE 8 (中二) 咋喎.. 幾時緊張到畢業... 慘情..

今日見到另一位家長, 囝囝讀本地學校 (也是中二, 跟妹仔同年), 佢話 : 學校都開始谷成績, 因為, 學校乃地區直資中學, BAND1中, 要收學費, 如果冇成績交, 就會被淘汰... 所以, 囝囝都感到壓力大... 學校有學生被留級, 甚至被勸喻退學... 又有人經常要見家長..

我話 : 唔係卦.. 駛唔駛?! 中二咋喎!!

唉!! 係我遲鈍, 抑或真係大家太緊張?? 中二咋喎!!  我中二的時候, 一舊飯咁! 仲同D同學仔爭乒乓球枱, 放學後, 在校攪攪震... 我記得, 中二最偉大的成就, 就係追日本劇集.. 扮下日本妹, 打排球... 我真係完全冇建樹喎...