又功虧一簣

話說一個月前, 幾個傻C9去行山, 由鯽魚湖去榕樹澳, 想行榕北古道, 豈料問路被點, 在山中迷路, 幾經轉折爆林, 才可安全下山..

今日, C9隊又出發, 心有不甘, 再從鯽魚湖出發, 諗住邊度跌低, 邊度起番身... 於是,
大家做足功課...

一路上, 都揾到條路, 唔會再錯.. 點知行到一半, 見有路牌, 指上嶂上, 而時間尚早, 便隨路牌走嶂上, 行天梯, 坡度都幾斜... 天梯又長... 路中見一位師兄, 話嶂上有豆腐花吃, 馬上提起精神, 諗住上到去, 吃豆花...

豈料又到一分岔道, 一條直上, 一條平路.. 直上果條亂石一堆...  平路似乎幾好行.. 於是, 大家商量一會, 決定行平路.. (由於上斜一大段, 都唔想再上... 加上冇路標... )... 便隨山邊平路而行, 諗住應該都係去同一目標...

怎料, 行行重行行, 不見嶂上平原, 亦不見豆花... 我地又功虧一簣, 行到死死下, 都係錯過嶂上.. 唯一幸事, 係沒有行錯, 終於到終點.. 榕樹澳..

C9團唯一寄望下次, 再遊走嶂上... 又從錯處中學習, 錯路中揾番條好路啦..


PS: 今日陽光充沛, 比想像中炎熱... 下星期, 氣温降, 天氣更爽, 正呀..