健康食物...

過去一年, 因為妹仔的暗瘡問題, 她變得非常注重健康, 尤其在食物方面, 簡直令人十分煩惱, 因為, 健康食物都要在家準備, 當然係我做餐飽...

妹仔的食譜如下...
早餐...  半碗燕麥+杏仁奶, 奇異果一個, 烚蛋白一隻, 沙律菜, 蕃茄, 另加烚蔬菜一至兩種 (如: 秋葵, 蘆筍, 小椰菜, 西蘭花, 胡蘿蔔... )

午餐.... 沙律菜, 蕃茄, 烚蔬菜一至兩種, 烚白肉 (雞胸肉) 約4安士

下午茶...  藍莓, 西柚等水果3至4種... 果仁約20顆..

晚餐...  燕麥飯半碗, 炒菜和少量肉類..

另外, 每天約4公升水 (加檸檬.. )

亦有, 自製小吃 (妹仔自製)..

- 香蕉曲奇... (打爛香蕉 + 燕麥, 焗20分鐘..)

- Granola Bar...  (打爛以色列棗 (比較甜和大粒), 加少許蜜煻, 成棗蓉... 加入燕麥, 果仁, 紅莓, 再雪硬.. )

總之, 我就不停煮, 不停洗...

其實, 暗瘡問題在考完琴之後, 已經好了很多.... 不過, 妹仔當然另有目標, 就是減肥... (不過, 我會時常引佢食野, 等佢唔成功... )